Isaia 41:15 - Baibuli Ekibono kya Katonda 2014

¹⁵ Bona, ndikufuula waaba ng'oti n'ekintu kye bamulungulisa engaano, ekiriku amaino amayaaka amoogi. Olimulungula ensozi dhaaba bumulumulu, n'obusozi waabusa bwaba ng'oti nkungu.

Isaia 41:15 ပူးပေါင်းရင်းမြစ်များ

Yobu 41:30

Ebigalagamba by'oku nda yaayo, biri ng'oti n'engyo edh'obwogi. Bwe yeeghaluliza mu bitosi, ghaba ng'oti ekintu kye bamulungulisa engaano n'ekibiseegho.

Zabbuli 18:42

Nabasekula, naabasa ng'oti nkungu etwalibwa empewo, naabatyankirira ng'oti bityanka eby'omu nguudo.

Isaia 17:13

Amaghanga gali kuyoolooka ng'oti n'enhandha eri kwefuukuula. Aye Musengwa Katonda aligadhuuka budhuuke gaalumukagho. Galiba ng'oti bikaba ku lusozi empewo by'efuuwa, era ng'oti n'enkungu eri kwezungululira mu mpewo ey'amaani.

Isaia 21:10

Imwe abantu bange Abaisiraeli, mubairenga mumulungulwa era mwasensebwa ng'oti ngaano. Aye mpegaano mbakobera amawulire amalungi ge mpuliire okuva ye Musengwa Katonda wa Isiraeli, Afuga Amagye.

Isaia 28:27

Obuwoowo bw'anetho tibabusekula na kintu kye bamulungulisa ngaano, n'obuwoowo bwa kumino tibabuniiniaku kigaali kighaluzibwa mbalaasi. Aye obuwoowo obwo bwombi, babukubisa mwigo bwigo okubumulungula.

Isaia 29:5

“Aye iwe Yerusalemu, waire abazigu bo bali lukunkumuli, balifuumuulwa ng'oti nkungu, n'abalwani baibwe abakambwe olukunkumuli, baliba ng'oti bikaba empewo by'efuuwa ere. Ate amangu geene, mu kaseera buseera,

Isaia 42:15

Ndyonoonayonoona ensozi n'obusozi, naakaza eisubi n'emiti ebidhiriku. Emiiga ndigifuula bizinga, naakaza n'ebidiba eby'amaadhi.

Isaia 64:1

Wo Musengwa Katonda, ngoli ni oyabuluza eigulu lyaghembuka, waidha eno ghansi! Ensozi dhanditengeese mu maiso go,

Yeremia 51:20

Musengwa Katonda akoba ati: “Iwe ensi Babilonia, oli nhundo yange era eky'okulwanisa kyange mu lutalo. Nakukozesa okuzikiriza amaghanga n'okusaaniagho obwakyabazinga.

Yeremia 51:33

Akaseera kasigaire katono abazigu batyankiririre abantu b'omu Babilonia, ng'oti ngaano mu kifo aghakubirwa engaano. Nze Musengwa Katonda Afuga Amagye, Katonda wa Isiraeli, ninze nkobye.”

Yeremia 9:10

Nze Yeremia naakoba nti: “Ndidha kulira amaziga nga ndirira ensozi, era mpowoole olw'ebyayiro ensolo mwe dhiriira; kuba bikaze era biziramu muntu abibitamu naire. Tokaawulira nte nga dhimooleramu. Enhonhi n'ensolo edh'omu nsiko dhaalumukamu dhaaja.”

Ezekieli 33:28

Ndireetera ensi eno okusigala agho etyo ng'eri bifulukwa byereere omutaba bantu, era naanafuya n'abalwani baayo ab'amaani. Ensozi edh'omu Isiraeli dhirifuuka bifulukwa era dhaawolongera nga ghazira na muntu adhibitamu.

Danieli 2:35

Agho mu kiseera kyene ekyo, ekyuma ekigumu einho, n'eitosi, n'ekyuma eky'ekikomo, ni feeza, ni zaabu, byonabyona byamanhiangukira ghalala. Byafuuka ng'oti musinsi oguba mu bifo aghakubirwa engaano mu biseera eby'ekyeya. Empewo yaabifuuwa okubimaliriragho, ghaabulagho n'akamanhiso akalaga nga bibaireghooku. Aye eibaale eryakuba ekiwumbe ekyo lyafuukamu olusozi olukologho olwabuna ensi yoonayoona.

Mika 4:13

Musengwa Katonda akoba abantu be ati: “Imwe abantu ab'e Yerusalemu, musitukiremu muje mukube abazigu baimwe. Imwe ndidha kubafuula mube ba maani ng'oti n'ensolo enume eri n'amayiga ag'ekyuma ekigumu einho, n'ebigere ebiriku ebinuulo eby'ekyuma eky'ekikomo. Mwidha kukuba era mumulungule abantu ab'amaghanga kamaala, eby'obukombe byaibwe bye bali nabyo ni bye baanhaga, mwidha kubighaayo ye Musengwa Katonda ow'ensi yoonayoona.”

Mika 5:8

Abaisiraeli abo abaliwonagho eyo mu maghanga, baliba ng'oti n'empologoma eri kuyiiga ensolo edh'omu nsiko mu kibira, oba eri kuyiiga entaama mu kyayiro. Kiisi y'etuukaku egituumiraku yaagikankanula nga ghazira isuubi lyonalyona lya kuwona.

Habakkuku 3:12

Watambula mu nsi ng'oliku ekiruyi, era waatyankirira amaghanga mu busungu obungi.

Zekaria 4:7

Ebizibu ebiri ng'oti nsozi ndeeyiriri birivaagho ghaaba ng'oti museetwe. Oliiramu okuzimba obuyaaka eisinzizo, era bw'oliba otaaku eibaale erisembayo, abantu balyasiikana bati, ‘Liboneka bulungi, obulungi bwenebwene!’ ”

Yoshua 17:18

Ekiketezo eky'ensozi kiidha kuba kyaimwe waire nga kirimu ebibira mwidha kubisaagha, bube butaka bwaimwe okuva ye kiva okutuuka ye kikanga. Abo Abakanaani mwidha kubabingamu waire nga ba maani era nga bali n'ebigaali eby'omu lutalo ebyakolebwa mu byuma.”

Abalamuzi 6:16

Musengwa Katonda yaamwiramu ati: “Ndidha kuba ghalala n'iwe, era oidha kughangula Abamidia ng'oti n'ali kughangula omuntu omulala ati.”