Isaia 41:11 - Baibuli Ekibono kya Katonda 2014

¹¹ Bona eno, abo boonaboona abakuliku enzigu, ensoni dhiribagema baaswala. Abo abakulwanisa balizikirira baasaanagho.

Isaia 41:11 ပူးပေါင်းရင်းမြစ်များ

Okuvaayo 11:8

Musa yaamaliriza ng'akoba ati: “Era bano abakungu bo boonaboona baidha kwidha ye ndi bankubire amakiryaivu nga bakoba bati, ‘Tukweghembye va muno n'abantu bo boonaboona.’ Era olwo ndidha kuva muno.” Agho Musa, nga yeenayeena aidhwire obusungu, yaava aghaali kyabazinga.

Okuvaayo 12:29

Mu bwire ghagati Musengwa Katonda yaita abaana abalenzi ababeri boonaboona ab'Abamisiri, okuviira irala ku muberi wa kyabazinga, ali ku kityamo kye eky'obwakyabazinga, okutuukira irala ku muberi ow'omusibe ali mu ikomera. Era yaita n'ensolo dhoonadhoona enume edhaazaalibwa mu nzaalo edhaasooka.

Okuvaayo 23:22

“Aye bwe mwisaayo einho omwoyo okugondera by'akoba era ni mukola byonabyona bye mbalagira, ndidha kubanga muzigu wa bazigu baimwe era ndidha kulumbanga abo ababalumba.

Isaia 17:13

Amaghanga gali kuyoolooka ng'oti n'enhandha eri kwefuukuula. Aye Musengwa Katonda aligadhuuka budhuuke gaalumukagho. Galiba ng'oti bikaba ku lusozi empewo by'efuuwa, era ng'oti n'enkungu eri kwezungululira mu mpewo ey'amaani.

Isaia 29:5

“Aye iwe Yerusalemu, waire abazigu bo bali lukunkumuli, balifuumuulwa ng'oti nkungu, n'abalwani baibwe abakambwe olukunkumuli, baliba ng'oti bikaba empewo by'efuuwa ere. Ate amangu geene, mu kaseera buseera,

Isaia 29:7

Agho amaghanga olukunkumuli agalwanisa Arieli ekibuga ky'alutaari ya Katonda, ni galumba ebifo byakyo eby'okwewogomamu era ni gakidaazadaaza, galiwaagho ng'oti kirooto bulooto, ng'oti n'ekintu ole kye yeefaanaaniriiza obwefaanaanirize mu bwire.

Isaia 29:8

Amaghanga ago olukunkumuli ageesoloza okulwanisa Olusozi Sioni, galiba ng'oti n'omuntu endhala y'eruma n'aloota ng'ali kulya, aye n'azuuka ng'ekaamuluma. Oba ng'oti n'ole ali n'endiwo, n'aloota ng'ali kunhwa, aye ate n'azuuka ng'akaali nayo era ng'emukaziiza gha mamiro.”

Isaia 34:12

Eriba tekaalimu kyabazinga, era nga n'abakulembeze baayo tibakaaliyo.

Isaia 40:17

Amaghanga goonagoona gali oti ti kintu naire mu maiso ge, gali bwa biwooboloolo.

Isaia 40:2

Mwize amaani mu bantu b'omu Yerusalemu. Mubakobe muti mpegaano okudaazibwadaazibwa kukomye, era ebibi byaibwe bisoniyiibwa. Nze Musengwa Katonda namala okubagha ekibonerezo ekibajaamu olw'ebibi byaibwe.”

Isaia 41:24

Bwona, mwenamwena muziramu makulu naire, ni bye mukola biziramu muganhulo. Era ole alondagho okubasinza, afuuka kyenhinhalwa.

Isaia 41:29

Boonaboona ghazira kye bagasa, era ghazira kye basobola kukola naire. N'ebifaananie byaibwe ebyakolebwa mu kyuma ekisaanuusiibwa, biziramu makulu naire.”

Isaia 45:24

Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

Isaia 49:25

Aye Musengwa Katonda airamu ati: “Ekyo kyene n'ekija okubaagho. Ow'amaani balimulekuza omunhago gw'ali nagwo, n'omufuzi omukambwe bamutoolaku abantu b'anhaze. Ndirwanisa abo ababalwanisa imwe, era naanunula abaana baimwe.

Isaia 49:26

Abo abakukiriga iwe Yerusalemu ndibaleetera okwitagana beene na beene, baatamiira okuyugha omusaayi gw'abantu ng'oti bwe batamiira omwenge. Olwo abantu boonaboona balimanha nga ninze Musengwa Katonda Omulokozi era Omununuzi waimwe. Era balimanha nga ninze Katonda wa Isiraeli Aghanga Ebintu Byonabyona.”

Isaia 54:15

Omuntu yeenayeena alikutanulaku olutalo, ti ninze ndiba nga mmuganhie akole atyo. Buli alikutanulaku olutalo olimughangula yaagwa ere.

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Yeremia 12:17

Aye eighanga lyonalyona eritalingondera nja kulitoola mu nsi yaalyo, ng'oti n'omuntu bw'aiwululagho ekisimbe n'emizi gyakyo. Era nja kulizikiriza. Nze Musengwa Katonda, ninze nkobye.”

Yeremia 2:3

Iwe Isiraeli wali mutukuvu, ng'oli wange ku bwange ng'oti n'ebirime ebisooka okukungulwa. Nga kiisi akugemaku aba aiziiza omusango, era nga mmutuusaaku akabi.’ ”

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Zekaria 12:3

Mu kiseera ekyo ndireetera Yerusalemu okuba ng'oti n'eibaale eizito, nga kiisi ighanga erigezaaku okulibbeeda, lirumizibwa inho. Era amaghanga goonagoona ag'oku nsi galyeyimba gaakirumba.

Ebikolwa by'Abatume 16:39

Baaja baabeeghemba, baabafulumya mu ikomera era baabasaba bave mu kibuga.

Okwolekebwa 3:9

“Kale abo abeesoloza okusinza Sitaani, abeeyeta Abayudaaya ate nga ti Bayudaaya, aye nga baguya, ndibaleeta mu maiso go, baakuba amakiryaivu gha bigere byo, bamanhe bati nkugonza.