Isaia 41:10 - Baibuli Ekibono kya Katonda 2014

¹⁰ Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 41:10 ပူးပေါင်းရင်းမြစ်များ

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Amainhama 26:24

Musengwa Katonda yaamubonekera obwire obwo, yaakoba ati, “Ninze Katonda wa lata wo Aburahamu. Otatya, kuba ndi n'iwe. Ndikugha enkabi, era naakugha abaidhukulu kamaala, olw'omugheereza wange Aburahamu.”

Amainhama 31:5

Yabakoba ati: “Mboine nga iseimwe takansagaalira nga bweyakolanga eira. Aye Katonda wa lata wange abairenga ninze buliidho.

Amainhama 49:24

Aye akalaso ke kasigala nga kakaagumye, emikono gye gyagheebwa amaani agava eri ow'Obukumu Katonda wa Yakobo; Omwayi era Omukuumi wa Isiraeli.

2 Samueli 22:19

Baanumba ku lunaku lwe nali mu buzibu obutaloodheka, aye Musengwa Katonda yambeera.

1 Ebyomubyanda 12:18

Agho omwoyo gwa Musengwa Katonda gwaidha ku Amasai omukulu wa bale amakumi asatu, yaakoba ati: “Wo Daudi, ife tuli babo wo iwe omwana wa Yesse, ife tuli ku luuyi lwo! Emiraala gibenga n'iwe, era gibenga n'abo abakubeera, kuba Katonda wo n'akubeera.” Agho Daudi yaabasangaaza, yaabafuula bakulu mu igye lye.

2 Ebyomubyanda 20:17

Tikiidha kubeetaagisa imwe kulwana lutalo luno. Imwe mwetegeke, mwemerere bwemerere, olwo mubone obughanguzi Musengwa Katonda bw'anaabagha. Imwe abantu ab'omu Buyudaaya n'ab'omu Yerusalemu, mutatya era mutawaamu maani. Olwaidho imwe muje mubalumbe, Musengwa Katonda aidha kuba ghalala n'imwe.”

2 Ebyomubyanda 32:8

Mwene ali na igye lya bantu buntu, aye ife tuli ni Musengwa Katonda waife, nga n'atubeera era nga n'atulwaniragho entalo dhaife.” Agho abantu bairamu amaani olw'ebyo kyabazinga Hezekia owa Buyudaaya bye yabakoba.

Zabbuli 144:11

Mponia abazigu bange abakambwe, ontoole ku bamaghanga agandi abankiriga era abaguya buli kiseera, ni bwe baba nga beerayiriire obutaguya.

Zabbuli 144:8

era abaguya buli kiseera, ni bwe baba nga beerayiriire obutaguya.

Zabbuli 145:14

Musengwa Katonda atoola abo abali mu buzibu, ate abawoiremu eisuubi yaabaizaamu amaani.

Zabbuli 147:12

Imwe ab'omu Yerusalemu, musaake Musengwa Katonda! Imwe ab'omu Sioni Musaake Katonda waimwe!

Zabbuli 18:36

Ogha ebigere byange okwetaaya nga ghazira angemaku, byaloba kutyerera ni ngwa.

Zabbuli 27:1

Musengwa Katonda n'entaala yange emmuliikirira era n'omulokozi wange, kale ni ghazira ye ntya. Musengwa Katonda n'ekisenge ekigumu mwe neewogoma, kale ni ghazira alintiisatiisa.

Zabbuli 29:11

Musengwa Katonda aghenga abantu be amaani, era aghenga abantu be enkabi babe miraala.

Zabbuli 33:12

Eighanga eriri ni Musengwa Katonda nga ni Katonda waalyo, lya nkabi; abantu Musengwa Katonda b'alonda okuba ababe, ba nkabi.

Zabbuli 37:17

kuba Musengwa Katonda aja kuzikiriza amaani g'ababi, aye abeere abo abatuufu.

Zabbuli 37:24

Ni bw'agwa, taja kuweera ku itaka, kuba Musengwa Katonda amugema ku mukono.

Zabbuli 41:12

Ndidhi nga toidha kubaganha kunsuula, kuba nkola by'oyenda. Era oidha kunkuumira gh'oli ebyanda n'ebyanda.

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Zabbuli 46:7

Musengwa Katonda Afuga Amagye ali n'ife; Katonda wa Yakobo n'omukuumi waife.

Zabbuli 63:8

Neekalanguliire ku iwe, kuba onkuuma n'omukono gwo ogw'amaani.

Zabbuli 65:5

Bwe tukusaba otwiramu, waatuwonia ng'okola ebyewuninkiriza. Niiwe Katonda atulokola, era eisuubi ery'abantu boonaboona ab'oku nsi n'abo abali eyo ng'otuumye enhandha edhiri eghala einho.

Zabbuli 99:4

Iwe Kyabazinga ow'amaani, toyenda kusaliriza, wataagho ensala ejiira ku mazima, era waaleetagho obutuufu mu Isiraeli.

Okuvaayo 14:13

Aye Musa yaabairamu ati: “Mutatya, imwe mube bube bagumu, mwidha kubona Musengwa Katonda ky'anaakola okubawonia Abamisiri abo olwaleero luno. Kuba Abamisiri abo be muli kubona olwaleero timuja kwirayo kubabona kabiri.

Okuvaayo 20:20

Musa yaakoba abantu ati: “Mutatya, kuba Katonda aidhie kubaleba, n'okubongeramu okumutya, mulobe kwonoona.”

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 35:4

Mukobe abo abawoiremu amaani muti: “Mube bagumu, mutatya. Mubone, Katonda waimwe ali kwidha okubalokola, yeesasuulize ku bazigu baimwe ng'ababonereza.”

Isaia 37:6

Isaia oyo yaabakoba okwirayo ye musengwa waibwe, bamukobe bati: “Musengwa Katonda akoba ati, ‘Otatya bibono by'owuliire, abakungu ba kyabazinga w'e Assiria bye boogeire nga banvuma.

Isaia 43:5

Otatya, kuba nze ndi ghalala n'iwe. Ndisoloza abantu bo nga mbatoola e buvandhuba n'e bugwandhuba, naabaiza ghalala.

Isaia 44:2

Mulobe kutya, kuba muli bagheereza bange, era abantu bange be nalondamu, be ngonza. Nze ninze Musengwa Katonda eyabatonda ni mbata mu nda dha bainhaimwe, era ndidha kubayambanga.

Isaia 49:8

Musengwa Katonda era akoba abantu be ati: “Ekiseera eky'okusaasiriramu bwe kirituuka ndikusaasira, naakuyamba ku lunaku olw'okulokolwa. Ndikulwanirira naakukuuma, era naabita mu iwe okukola endagaano n'abantu boonaboona. Oliizaagho ensi buyaaka, abantu bairamu okubanga mu biketezo byaibwe ebyazika buti.

Isaia 50:9

Bona, Musengwa Katonda mwene n'ambeera. Kale naani alinsalira omusango okunsinga? Abazigu bange boonaboona balikairigha baazikirira baawaagho ng'oti kivaalo ensiiriri ky'eriire.

Isaia 52:7

Nga kisangaaza okubona omukwenda ng'ali kubitira mu nsozi okwidha okuleeta amawulire amalungi, amawulire agalangirira emiraala era agalangirira obulokozi n'obughanguzi! Omukwenda oyo akoba ati: “Katonda waimwe n'afuga!”

Isaia 60:19

Omusana toidha kwetaaganga ndhuba kukumuliikirira, waire obwire okwetaaganga omwezi okukwakira. Nze Musengwa Katonda mwene, ninze nnaabanga eitaala lyo ebyanda n'ebyanda; okumesunkana okw'ekitiisa kyange kunaakwakirangaku.

Okulira 3:57

Bwe nakulirira waseeta kumpi ninze era wankoba oti, ‘Otatya.’

Danieli 10:12

Agho yankoba ati: “Danieli otatya, kuba Katonda awuliire okusaba kwo, okuviira irala ku lunaku lwe watoolera okwewombeeka mu maiso ge ng'oyenda okutegeera obukwenda obw'okubonekerwa. Era nze ndidhie olw'okusaba kwo okwo.

Danieli 6:16

Kale kyabazinga yaalagira batoole Danieli bamusuule mu kiina omwali empologoma. Kyabazinga yaakoba Danieli ati: “Katonda wo oyo y'ogheereza n'obwesigwa akuwonie!”

Hosea 1:9

Musengwa Katonda yaakoba Hosea ati: “Mutuume eriina ‘Tiibantubange,’ kuba imwe timukaali bantu bange, era zeena tikaali Katonda waimwe.”

Haggai 1:13

Haggai oyo yaakobera abantu obukwenda bwa Musengwa Katonda ati: “Musengwa Katonda akoba ati, ‘Ndidha kubanga ghalala n'imwe.’ ”

Haggai 2:5

Nga muli kuva mu nsi Misiri, nabasuubiza okubanga aghalala n'imwe buliidho. Kale ni mulobe kutya.

Zekaria 10:12

Ndireetera abantu bange okuba ab'amaani. Era baligheesanga eriina lyange ekitiisa.” Musengwa Katonda atyo bw'akobye.

Zekaria 10:6

Ndireetera abantu b'omu Buyudaaya okuba ab'amaani, era naawonia abantu b'omu Isiraeli abo okuzikirizibwa. Ndibagemerwa ekisa, naabaiza eka ewaibwe. Baliba ng'oti se tibalekulirangaku agho, kuba ninze Musengwa Katonda waibwe, era nze ndiiramu okusaba kwaibwe.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Luka 1:13

Aye malaika yaamukoba ati: “Zekaria otatya, kuba okusaba kwo kuwuliirwa era mukazi wo Elisabethi aidha kukuzaalira omwana omulenzi, omutuume eriina Yoanne.

Luka 1:30

Aye malaika yaamukoba ati: “Maria otatya, Katonda akughaire omukisa.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

2 Ab'e Korintho 12:9

Aye yandhiramu ati: “Ekisa kyange kikumala, kuba amaani gange gabonekera mu bunafu bwo.” Kale kinsangaaza inho okwesaaka olw'obunafu bwange, amaani ga Kurisito gabe mu nze.

Ab'Efeso 3:16

Naamusaba olw'ekitiisa ekyodo, abagumye ng'abagha amaani, mule munda, ng'abita mu Mwoyo we,

Amateeka Agokubiri 20:1

Musa yaakoba Abaisiraeli ati: “Bwe munaajanga okulwanisa abazigu baimwe, aye ni mubona embalaasi, n'ebigaali eby'omu lutalo, n'eigye erisinga eryaimwe obunene, mutatyanga kuba Musengwa Katonda waimwe eyabatoola e Misiri, ali n'imwe buliidho.

Ab'e Filippi 4:13

Nsobola okugumira byonabyona olw'amaani Kurisito g'ampa.

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Abalamuzi 6:16

Musengwa Katonda yaamwiramu ati: “Ndidha kuba ghalala n'iwe, era oidha kughangula Abamidia ng'oti n'ali kughangula omuntu omulala ati.”