Isaia 40:9 - Baibuli Ekibono kya Katonda 2014

⁹ Iwe aleetera Sioni amawulire amalungi, niina ghaigulu ku lusozi oluleeyi. Iwe aleetera Yerusalemu amawulire amalungi, kangula ku mamiro, oyogere n'amaani. Okobe ab'omu bibuga by'e Buyudaaya, oti: “Mubone, Katonda waimwe wuuyo aidha!”

Isaia 40:9 ပူးပေါင်းရင်းမြစ်များ

2 Ebyomubyanda 13:4

Abiya yaaniina ku lusozi Zemaraimu olw'omu kiketezo kya Efuraimu eky'oku nsozi, yaakoba ati: “Iwe Yeroboamu, n'imwe Abaisiraeli mwenamwena, muwulire bye nkoba.

Isaia 1:1

Buno n'obukwenda obugema ku Buyudaaya ni Yerusalemu, Katonda bwe yagha Isaia mutabane wa Amozi mu kubonekerwa. Yabumugha mu kiseera eky'obufuzi bwa bakyabazinga ba Buyudaaya bano: Uzzia, ni Yothamu, ni Ahazi, ni Hezekia. Musengwa Katonda yaakoba ati:

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 25:9

Ku lunaku olwo balikoba bati: “Mubone, Katonda waife wuuno. Tubairenga tumuteegerera okwidha okutuwonia. Ono ni Musengwa Katonda ye tubairenga tuteegerera, mpegaano ka tusangaale era tusagambe, kuba atulokoire.”

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 41:27

Nze Musengwa Katonda ninze nasooka okukikobera Sioni naatuma abakwenda okukobera Yerusalemu amawulire amalungi nti, ‘Bona baabo. Baabo abantu bo bali kwira!’

Isaia 44:26

Aye nkakasa ebyo omugheereza wange by'ayogera, naatuukiriza omukwenda wange oyo by'alangirira. Ekibuga Yerusalemu nkikakasa nga bwe kiidha okubangamu abantu, n'ebibuga bya Buyudaaya ebyayonoonebwa naabikakasa nga bwe birizimbibwa obuyaaka.

Isaia 51:12

Musengwa Katonda era akoba ati: Nze mwene, ninze mbagumya mu bizibu, kale lwaki mutya abantu obuntu, abalifa ni bawaagho ng'oti isubi?

Isaia 51:7

Imwe abaidhi obutuufu era abagema amateeka n'omwoyo omulala, muwulirise kye nkoba. Mutatyanga bantu kubayeeyereza, era bwe babavumanga mutawangamu maani;

Isaia 52:6

Kale ni ekiseera kirituuka abantu bange baamanha nga ninze Katonda, era nga ninze ndhogeire.”

Isaia 58:4

Okusiiba kwaimwe kubaleetera bukambwe, mwasoola era mwalwana, mwafuntagana bwa bifunsi.’ “Mulowooza muti bwe musiiba mu nsambo ng'oti n'eyo, nze nsobola okuwulirisa okusaba kwaimwe?

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Yeremia 22:20

“Imwe ab'e Yerusalemu, muje ku nsozi dh'e Lebanoni mwasiikane, muje mu nsi y'e Bashani mulire; muje ku nsozi dh'e Moabu muwowoole, kuba abo be mwakolagananga nabo boonaboona bazikiriziibwa.

Yeremia 29:11

Nze mwene zenka, ninze ndidhi kye mbategekeire imwe. Mbategekeire bintu kubajiiranga bukalamu, se ti kubajiiranga bubi. Era ndidha kubatusaaku ebyo byonabyona bye musuubira mu maiso eyo.

Nahumu 1:15

Abantu ab'e Buyudaaya mubone eno! Omukwenda ali kwidhira ku nsozi ng'aleeta amawulire amalungi era ng'alangirira emiraala. Buti ni mukole ekibinuko era mutuukirize bye mweyama ye Musengwa Katonda kuba ababi abo tibaja kwirayo kabiri kulumba nsi yaimwe. Bazikiriziibwa baawaagho.

Luka 24:47

era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu.

Ebikolwa by'Abatume 2:14

Agho Petero yaayemerera, ng'ali ghalala n'eikumi n'omulala, yaakangula ku mamiro yaabakoba ati: “Imwe abasaadha Abayudaaya n'imwe mwenamwena ababa mu Yerusalemu, mumanhe kino era muntegere ku matu.

Ebikolwa by'Abatume 4:13

Bwe baabona obugumu bwa Petero ni Yoanne, nga bamaze okumanha bati baali bantu abataasoma era ababuliidho, beewuunhia inho era baabategeera bati baali baba ni Yesu.

Ebikolwa by'Abatume 4:29

Mperaano ni, Musengwa, bona okutiisatiisa kwaibwe, era gha abagheereza bo okwogera ekibono kyo n'obugumu bwonabwona.

Ab'e Roma 10:18

Aye mbuuza: Kituufu tibaawulira bukwenda? Bwenebwene baabuwulira, ng'ebyaghandiikibwa bwe bikoba biti: “Amamiro gaibwe gaatuuka mu nsi yoonayoona. Ebibono byaibwe byawulirwa ensi y'ekoma.”

Ab'Efeso 6:19

Zeena munsabire, bwe naabanga nga ndhogera, mpeebwe eby'okwogera, era mbyogere nga titya, nga mmanhisa abantu ekyama eky'Amawulire Amalungi.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

1 Petero 3:14

Ni bwe munaadaazibwadaazibwanga olw'okukola ekituufu, muli ba nkabi. Mutatyanga muntu yeenayeena waire okweraliikirira,

Abalamuzi 9:7

Yothamu bwe yakimanha, yaaja yaayemerera ghaigulu ku ngulu ku lusozi Gerizimu, yaayogerera ghaigulu, yaabalagiriza ati: “Mumpulirise imwe abatyamye b'e Shekemu, Katonda aghange okubawulira.