Isaia 40:6 - Baibuli Ekibono kya Katonda 2014

⁶ Agho naawulira amamiro nga gakoba gati: “Langirira!” Nze naabuuza nti: “Kiki kye mbe nangirire?” Amamiro gandhiramu gati: “Langirira oti buli ekiri n'omubiri kiri ng'oti isubi, n'omunhiriro gwakyo guli ng'oti kimuli kya mu nsiko.

Isaia 40:6 ပူးပေါင်းရင်းမြစ်များ

Yobu 14:2

Omuntu akula yaaniala ng'oti kimuli, era yaabulagho yaaweekereragho ng'oti kinsense.

Zabbuli 102:11

Obulamu bwange buwaagho ng'oti n'ekinsense ekyeigulo ng'endhuba egwire. Ndi ng'oti isubi erikala ni liwaagho.

Zabbuli 92:7

ati waire ababi bamera ng'oti isubi, abakozi b'ebibi kiisi kye bakola ni kibalamira, baategekerwa kuzikirira okw'olubeerera.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 37:27

N'abaabirimu kye baava ni baweeramu irala amaani, ni batya einho era ni batabulwa, ni baba ng'oti n'eisubi erimera mu nimiro, era ng'oti n'ebisubi ebimera ghaigulu ku ndhu, ebiniala nga bikaali na kukula.

Isaia 40:3

Ghaligho amamiro g'oyo alangirira ati: “Mutegeke Musengwa Katonda gh'anaabita mu nsi enkalukalu, mutereeze oluguudo lwa Katonda waife mu irungu.

Isaia 51:12

Musengwa Katonda era akoba ati: Nze mwene, ninze mbagumya mu bizibu, kale lwaki mutya abantu obuntu, abalifa ni bawaagho ng'oti isubi?

Isaia 58:1

Musengwa Katonda era akoba ati: “Kaabuka era oyasiikane nga bw'osobola, obe ng'oti kuvuga kwa igwala. Okobere abantu bange okusobya kwaibwe; oyatulire ab'endhu ya Yakobo abo ebibi byaibwe.

Yeremia 2:2

“Ja olangirire eri ab'omu Yerusalemu boonaboona, oti Musengwa Katonda akoba ati, ‘Ndidhi nga bwe wali omwesigwa ng'okaali muto, era nga bwe wali n'okugonza ng'okaali mugole. Waanonerezanga nga tuli mu irungu, mu nsi ezira kintu kisigibwamu naire.

Yeremia 31:6

Bwenebwene ekiseera kiri kwidha, abakuumi beete nga bali ku nsozi edh'e Efuraimu bati, ‘Mwidhe tuniineniine Sioni, tuje eri Musengwa Katonda waife.’ ”

Hosea 5:8

Mufuuwe endeka e Gibea! Mufuuwe amagwala e Rama! Era mukube enduulu edh'omu lutalo e Bethaveni! Mwete Ababenjamini baidhe mu lutalo.

Zekaria 1:14

Malaika oyo yankoba nangirire Musengwa Katonda Afuga Amagye bye yakoba ati: “Enkikidi engema inho olw'okugonza kwange okungi eri Yerusalemu ni Sioni.