Isaia 40:5 - Baibuli Ekibono kya Katonda 2014

⁵ Olwo ekitiisa kya Musengwa Katonda kiryeyoleka, abantu boonaboona baakibona. Musengwa Katonda mwene n'akobye.”

Isaia 40:5 ပူးပေါင်းရင်းမြစ်များ

1 Bakyabazinga 14:11

Kiisi wa ku lulyo lwo anaafiiranga mu kibuga, embwa dhiidha kumulyanga, ate anaafiiranga mu irungu, enhonhi dhimulyenga. Musengwa Katonda n'ayogeire ekyo.’ ”

Zabbuli 102:16

Musengwa Katonda bw'alizimba Sioni n'akiizaagho alyoleka ekitiisa kye.

Zabbuli 102:17

Aliwulira okusaba kw'abantu be abanaku, era yaawulirisa okweghemba kwaibwe.

Zabbuli 72:19

Eriina lye ery'ekitiisa lisaakibwenga ebyanda n'ebyanda. Ekitiisa kye kiidhule ensi yoonayoona! Amiina era Amiina.

Zabbuli 96:6

Aidhwire ekitiisa era mufuzi; mu kifo kye ekitukuvu mwidhwire ebyoleka nga wa maani era nga mulungi.

Zabbuli 97:6

Eby'omu igulu birangirira nga bw'ali omutuufu, abantu b'ensi dhoonadhoona baabona ekitiisa kye.

Okuvaayo 16:7

Enkyo ku nkyo mwidha kubona ekitiisa kya Musengwa Katonda, kuba awuliire bye mumwemuluguunhiaku buliidho. Okwemuluguunhia okwo tikusobola kwidha ku ife, kuba katyo ife niife baani?”

Isaia 1:20

Aye bwe munaadheemanga obudheeme, mwidha kwitibwanga bwitibwe. Nze Musengwa Katonda, ninze ndhogeire.”

Isaia 11:9

Ku Sioni olusozi lwa Katonda olutukuvu, tikulibaaku kintu kizikiriza kiinaakyo waire okukituusaaku obulumi; kuba ensi eriidhula okumanha Musengwa Katonda, ng'oti n'enhandha bw'eidhula amaadhi.

Isaia 26:15

Wo Musengwa Katonda, oleeteire eighanga lyaife okweyongeraku obunene, waagaziya ensalosalo dhaalyo dhoonadhoona, era ekyo kyayongera okukugheesa ekitiisa.

Isaia 34:16

Mwagaaze mu kitabo kya Musengwa Katonda, musomemu mubone: Mwidha kuzuula nga ku bitonde ebyo tikulibaaku waire ekirala kiti ekitaliba eyo. Era tighalibaagho kisaadha kitaliba na kiinaakyo ekikazi. Musengwa Katonda mwene n'eyalagira bibe bityo, era mwene oyo n'alibisolokeza aghalala.

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 40:4

Buli kiiko kiriidhuzibwamu eitaka, buli lusozi na buli kasozi byasendebwa. Engira engodegode dhiritereezebwa, n'edh'ebikonko dhaanhirizibwa.

Isaia 41:20

Olwo abantu balibona baamanha nga nze Musengwa Katonda ninze nkoze ekyo. Era balikirowoozaaku baakitegeera nga nze Omutukuvu wa Isiraeli ninze nkireeteire okubaagho.”

Isaia 49:6

Musengwa Katonda oyo yankoba ati: “Iwe eky'okuba omugheereza wange n'okola ogw'okwizaagho ekitiisa ky'ebika bya Yakobo, n'okwiza Abaisiraeli abaawonagho, tikimala. Ku ebyo ndyongerezaaku okukufuula eitaala eri amaghanga, olwo ensi yoonayoona erokolebwe.”

Isaia 52:10

Musengwa Katonda alikozesa omukono gwe omutukuvu ogw'obuyinza, yaalokola abantu be ng'ensi yoonayoona eri kubona.

Isaia 58:14

olwo mulifuna eisanhu eriva mu kumpeereza nze Musengwa Katonda. Ndireetera abantu b'ensi dhoonadhoona okubatangamu imwe ekinhagansi, era imwe ndibagha ensi ye nagha dhaadha waimwe Yakobo, yaaba butaka bwaimwe. Nze Musengwa Katonda, ninze nkobye.”

Isaia 6:3

Buli kitonde kyali nga kiri kukoba kiinaakyo kiti: “Musengwa Katonda Afuga Amagye mutukuvu, mutukuvu, mutukuvu. Ekitiisa kye kibunie ensi yoonayoona.”

Isaia 60:1

Iwe Yerusalemu, situka oyake ng'oti ndhuba, kuba obutangaavu bwo butuuse, n'ekitiisa kya Musengwa Katonda kiri kwakira ku iwe.

Isaia 66:16

Musengwa Katonda alibonereza abantu boonaboona ng'akozesa muliro na mpiima, era abo b'aliita baliba kamaala.

Isaia 66:18

Nze ndidhi bye bakola ni bye balowooza. Ekiseera kiidha kutuuka nsoloze ab'amaghanga goonagoona aboogera enimi edha buli nsambo. Baliidha baabona ekitiisa kyange,

Isaia 66:23

Buli ku kuboneka kw'omwezi na buli ku Sabbato, abantu boonaboona baliidhanga baasinza mu maiso gange.

Yeremia 32:27

“Bona eno, nze ninze Musengwa Katonda, Katonda w'abantu boonaboona. Ghazira kintu kikalangufu inho nze kye ntasobola.

Yeremia 9:12

Nze naabuuza Musengwa Katonda nti: “Wo Musengwa Katonda, lwaki ensi eyonooneike n'eba nkalu ng'oti irungu, era ni ghabula omuntu agibitamu? Naani omugezi asobola okutegeera kino? Naani ye wakiinhonhola asobola okukobera abandi?”

Yoeli 2:28

“Ebyo nga biwoire, ekiseera kirituuka naayugha omwoyo gwange ku bantu boonaboona. Batabane baimwe ni baghala baimwe baliranga ebiribaagho, abakaire mu imwe baaloota ebirooto, n'abaisuka baimwe baabonekerwa.

Mika 4:4

Buli muntu aidha kuwuliranga emiraala ng'ali mu masamba ge ag'emizabbibu n'ag'emiti emitiini, nga ghazira muntu yeenayeena amutiisa naire. Kuba Musengwa Katonda afuga amagye, mwene n'akobye.

Habakkuku 2:14

Aye ensi eja kwidhula abantu abaidhi ekitiisa kya Musengwa Katonda ng'oti n'enhandha bw'eidhula amaadhi.

Zekaria 2:13

Abantu mwenamwena musiriikirire mu maiso ga Musengwa Katonda, kuba asitwike alikwidha ng'aviira mu kifo kye ekitukuvu mw'aba.

Luka 2:32

Ekimulika eky'okumulisa amaghanga ekitiisa, eky'abantu bo Abaisiraeli.”

Luka 3:6

Olwo abantu boonaboona baabona nga Katonda bw'alokola.’ ”

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 12:41

Isaia yakoba ebyo lwa kuba yabona ekitiisa kye era yaamwogeraku.

Yoanne 17:2

Wamugha obukumu ku bantu boonaboona aghe obulamu obutawaagho abo boonaboona be wamugha.

Ebikolwa by'Abatume 2:17

‘Katonda akoba ati ku nkomerero kino n'ekiribaagho: Ndiyugha ku bantu boonaboona Mwoyo wange. Batabane baimwe ni baghala baimwe baliranga ekiribaagho, n'abaisuka baimwe balibonekerwa, n'abakaire mu imwe baliroota ebirooto.

2 Ab'e Korintho 3:18

Era ife twenatwena bwe tutoolebwaku ekitughembye ku maiso, tubonerwamu okumesunkana kwa Musengwa ng'oti mbonerwamu. Okumesunkana okuva ye Musengwa era nga ni Mwoyo, kutufuula twafaanana nga mwene mu kumesunkana okuja nga kweyongera.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Abaheburayi 1:3

Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw'afaanana. Era oyo n'agemereire ebintu byonabyona n'ekibono kye eky'amaani. Bwe yamala okuwonia abantu ebibi byaibwe, yaatyama mu igulu ku luuyi olw'omukono omusaadha ogw'oyo asinga boonaboona obukumu.

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.