Isaia 40:31 - Baibuli Ekibono kya Katonda 2014

³¹ Aye abo abeesiga Musengwa Katonda baliiramu amaani: baatambula nga tibakoogha, baaligita embiro nga tibasalaku naire, era baaguluka n'amaghagha ng'oti nkookooma.

Isaia 40:31 ပူးပေါင်းရင်းမြစ်များ

Yobu 17:9

Aye abo abeeyeta abatuufu, beeyongera bwa kwegumya bati batuufu.

Zabbuli 103:5

Ampa buli kikalamu kye neetaaga mu bulamu bwange bwonabwona, naasigala nga ndi mugumu era wa maani ng'oti n'enkookooma.

Zabbuli 123:2

Ng'omugheereza omusaadha bw'alingirira ku musengwa we omusaadha, n'omugheereza omukazi n'alingirira ku musengwa we omukazi, twena tutyo bwe tulingirira ku Musengwa Katonda, oyo Katonda waife, okutuusa lw'alitugemerwa ekivunika.

Zabbuli 138:3

Olunaku lwe nakulirira waidha wambeera, waayongera okundhizaamu amaani.

Zabbuli 20:9

Wo Musengwa Katonda, gha kyabazinga obughanguzi, tukweghembye wulira okusaba kwaife.

Zabbuli 25:21

Wo Musengwa Katonda, nkusaba obwesigwa n'obutuukirivu binkuumenga, kuba eisuubi lyange liri mu iwe.

Zabbuli 25:3

Bwene otaganha abo abasuubirira mu iwe kuswala, aye abo ab'empwitu abakudheemera, ka baswale.

Zabbuli 25:5

Ndagirira era ondhegerese okutambulira mu mazima go, kuba niiwe Katonda era omulokozi wange mwe nsuubirira buliidho.

Zabbuli 37:34

Weesige Musengwa Katonda okolenga nga bw'alagira, aja kukugha ekitiisa otwale ensi, era obone ng'ababi bawaagho.

Zabbuli 40:1

Eisuubi lyange lyonalyona nalita mu Musengwa Katonda era yaatega kutu yaawulira okulira kwange.

Zabbuli 84:7

Bwe batambula baja nga bwe beeyongera okufuna amaani; balibona Katonda asinga bakatonda mu Sioni.

Zabbuli 84:8

Wo Musengwa Katonda Afuga Amagye, wulirisa okusaba kwange. Ntegera kutu iwe Katonda wa Yakobo.

Zabbuli 92:1

Kigwaine okukusiima by'okola, iwe Musengwa Katonda! Kigwaine okwemba enhembo edhisaaka eriina lyo, iwe Ali Ghaigulu Yeene!

Zabbuli 92:13

Bali ng'oti n'emiti egyasimbwa mu ndhu ya Musengwa Katonda, era bakula bukalamu mu isinzizo lya Katonda waife.

Okuvaayo 19:4

‘Mwabona bye nakola Abamisiri, era mwabona bwe nabaleeta okubatuusa ghano ghe ndi, nga mbaginze ng'oti n'enkookooma bw'eginga omwana waayo ku maghagha.

Ensambo 30:19

Engeri enkookooma y'emanhamu engira mw'egulukira ku igulu, engeri omusota ye gumanha engira ye gubitamu ku lubaale, engira eryato ye libitamu mu nhandha ghagati, n'engeri omukwano ye gwidhamu ghagati agh'omusaadha n'omukazi.

Olwembo 8:5

Naani oyo ali kwidha ng'aviira mu irungu, nga bagemagaine n'omugonzi we? Nasiikuula okugonza kwo nga ndi ghansi agh'omuti ogw'ebibala, agho mu kifo inhoko ghe yali mu kulumwa ng'akuzaala.

Isaia 25:9

Ku lunaku olwo balikoba bati: “Mubone, Katonda waife wuuno. Tubairenga tumuteegerera okwidha okutuwonia. Ono ni Musengwa Katonda ye tubairenga tuteegerera, mpegaano ka tusangaale era tusagambe, kuba atulokoire.”

Isaia 30:15

Musengwa Katonda Omutukuvu wa Isiraeli, akoba ati: “Mwire ye ndi mugumire ku nze, ndidha kubalokola; mwewombeeke era muneesige, ndidha kubagha amaani.” Aye imwe mwaloba okukola ekyo.

Isaia 30:18

Aye ate Musengwa Katonda ali agho ateegereire ng'ayenda abagemerwe ekivunika. Yeetegeike okubasaasira, kuba by'akola byonabyona bituufu nga tiyeekubira. Ba nkabi abo boonaboona abamwesiga.

Isaia 41:1

Katonda akoba ati: “Musirike imwe ab'omu biketezo eby'oku nhandha, muwulirise kye nkoba. Abantu abamaghanga ka bairemu amaani buyaaka, baseete beewozeeku. Ka baseete tube ghalala omusango gusalwe.

Isaia 64:4

Okuva eira n'eira ghazira muntu yaali aboineku waire okuwuliraku, oba okulowoozaaku ku Katonda owundi akolera abamusinza ebyewuninkiriza, okutoolaku iwe wenka.

Isaia 8:17

Ndidha kuteegerera Musengwa Katonda atubeere, waire nga mpegaano yeegisiisa ku bantu be. Oyo nze ye ndidha okusuubiriramu.

Yeremia 48:15

Omuzigu azikiriiza ensi Moabu n'ebibuga byayo. Abaisuka baayo abasingayo okuba ab'amaani babaise. Ninze kyabazinga ayetebwa Musengwa Katonda Afuga Amagye, ninze nkobye.

Zekaria 10:12

Ndireetera abantu bange okuba ab'amaani. Era baligheesanga eriina lyange ekitiisa.” Musengwa Katonda atyo bw'akobye.

Luka 18:1

Agho yaabafumira olufumo okubalaga ati bagwaine okusabanga buliidho era n'obutakoogha.

Ab'e Roma 8:25

Aye bwe tusuubira ekyo kye tutabonaku, tulindirira n'okuguminkiriza.

2 Ab'e Korintho 4:1

Katonda mu kusaasira kwe yatugha omulimo guno okugukola, kale tutawaamu maani.

2 Ab'e Korintho 4:16

Kale ni tituwaamu maani. Kuba waire mu mubiri tuja nga tunafugha, mu mwoyo tuja nga twiramu amaani buli lunaku.

Ab'e Galatia 6:9

Kale ka tulobe kukoogha mu kukola obukalamu; kuba bwe tutawaamu maani, ekiseera eky'okukungula bwe kirituuka tulifuna okukungula okw'omwero.

Amateeka Agokubiri 32:11

Ng'enkookooma bw'eyaliira ekisu kyayo, n'eghambaatira abaana baayo, n'ebabbeedera ku maghagha gaayo, ni Musengwa Katonda atyo bwe yabagemerera obutagwa.

Amateeka Agokubiri 33:25

Ebibuga byaimwe biigalwenga na ndhigi dha kyuma kigumu inho era na kyuma kya kikomo. Mubenga bagumu obulamu bwaimwe bwonabwona.

1 Ab'e Thessalonika 1:10

Era n'okulindirira Omwana we Yesu okuva mu igulu oyo ye yazuukiza okuva mu bafu, atuwonia ekiruyi kya Katonda ekiri kwidha.

Abaheburayi 12:1

Kale twena nga bwe tuli n'abadhulizi kamaala batyo abatwezungulwire, tusuule ere kiisi kintu ekituzitoogherera era n'ekibi ekitwesibyeku. Tungire n'obumalirivu mu ntaka edh'okulumuka edhiteereibwagho,

Abaheburayi 12:3

Mwidhukire bwe yagumira okutakana n'obukyayi obw'aboonooni, olwo mulobenga kuwaamu maani;

Yoshua 14:11

Nkaali n'amaani gange ng'oti ni bwe nali nago Musa ghe yantumira. Ndimu amaani ag'okulwana oba okukola ekintu ekindi kyonakyona.

Okwolekebwa 12:14

Aye omukazi yaagheebwa amaghagha abiri ag'enkookooma emba, aguluke aje mu irungu mu kifo ye baali baja okumulabirira okumala entangama ey'emyaka esatu n'ekitundu, ng'ogusota tigumutuukaku.

Okwolekebwa 2:3

Ndidhi ng'oguminkiriza, waagumira ebizibu olw'eriina lyange, waaloba kuwaamu maani.

Okwolekebwa 4:7

Ekitonde ekiramu ekisooka kyali kiri ng'oti mpologoma ekyokubiri nga kiri ng'oti nte nume ekyokusatu nga kyakula mu maiso ng'oti muntu ekyokuna nga kiri ng'oti nkookooma eri kuguluka.

Abalamuzi 16:28

Agho Samusoni yaasaba Musengwa Katonda ng'akoba ati: “Wo Musengwa Katonda wange, nkweghemba ondidhukire ompe amaani ku mukuzi guno gwonka. Olwo nsobole, mu kikolwa kino ekirala, okwesasuuliza ku Bafilisiti olw'okuntundulamu amaiso gange gombi.”