Isaia 40:30 - Baibuli Ekibono kya Katonda 2014

³⁰ Abaisuka boona bakoogha, n'abakaali abato boona baawaamu amaani.

Isaia 40:30 ပူးပေါင်းရင်းမြစ်များ

Zabbuli 33:16

Kyabazinga okuba n'eigye ery'amaani ti n'ekimuwonia okughangulwa, ate omulwani okuba n'amaani kamaala ti n'ekimuleetera okughangula.

Zabbuli 34:10

Ni bwedhiba empologoma edh'amaani dhibula emere, aye abo abasaba Musengwa Katonda tibabulwa kintu kirungi.

Zabbuli 39:5

Bona, enaku dhange wadhikola nga nhimpi inho mu maiso go, obulamu bwange buli ng'akantu akazira ghe kaaga. Bwenebwene buli muntu ali ku nsi, ali ng'oti muuka buuka gwa mu nhindo!

Omulangirizi 9:11

Kabiri neetegereza eby'oku nsi, naabona nti omuntu omulumusi einho ti n'aghangula embiro edh'okusinganwa, ow'amaani ti n'aghangula olutalo, omugezi ti n'afuna eky'okulya, omutegeevu ti n'aba omukombe, n'omukugu ti n'afuna emirimo egya ghaigulu. Boonaboona bibagwaku bugwe

Isaia 13:18

Balikozesa obulaso bwaibwe okutirimbula abaisuka, aghazira kusaasira baana bato, waire okusonigha abaana abaghere.

Isaia 9:17

Kale ni, Musengwa Katonda talireka abaana baibwe abaakaisuka kuwonagho, waire okusaasira banamwandu baibwe oba abaana baibwe bamulekwa; kuba abantu boonaboona tibatya Katonda, bakola ebibi era boogerayogera eby'ekisiru. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Yeremia 48:15

Omuzigu azikiriiza ensi Moabu n'ebibuga byayo. Abaisuka baayo abasingayo okuba ab'amaani babaise. Ninze kyabazinga ayetebwa Musengwa Katonda Afuga Amagye, ninze nkobye.

Yeremia 6:11

Obusungu obungi kye buviire ni bungema ng'oti n'obubwo. Era bumbitiriireku tikaasobola kubufuga.” Agho Musengwa Katonda yankoba ati: “Obusungu obwo bumalire ku baana abato mu nguudo, ni ku baisuka abeesoloiza. Abasaadha ni bakazi baibwe baja kutwalibwa, n'abantu abakulu n'abakaire einho boona batwalibwe.

Yeremia 9:21

kuba okufa kutwidhiire, kwabitira mu madinisa gaife, kwaingira mu ndhu dhaife, kwaita abaana mu nguudo n'abaisuka mu mpya edh'ebibuga.

Amosi 2:14

Waire abalumusi einho mu imwe, embiro dhija kubabula, n'ab'amaani amangi gaja kubawaamu, n'abalwani ab'amaani einho tibaja kusobola kwewonia beene.

1 Samueli 30:10

Aye Daudi yeeyongerayo n'abasaadha ebikumi bina, kuba abasaadha ebikumi ebibiri baali bakooye inho, nga tibaghanga kusomoka kaiga Besori, kale n'okusigala agho.