Isaia 40:3 - Baibuli Ekibono kya Katonda 2014

³ Ghaligho amamiro g'oyo alangirira ati: “Mutegeke Musengwa Katonda gh'anaabita mu nsi enkalukalu, mutereeze oluguudo lwa Katonda waife mu irungu.

Isaia 40:3 ပူးပေါင်းရင်းမြစ်များ

Zabbuli 68:4

Mwembere Katonda, mwembe enhembo edhisaaka eriina lye. Mumutegekere engira oyo aseeyeeya ku bire, eriina lye ni Musengwa Katonda, musagambire mu maiso ge.

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Isaia 40:4

Buli kiiko kiriidhuzibwamu eitaka, buli lusozi na buli kasozi byasendebwa. Engira engodegode dhiritereezebwa, n'edh'ebikonko dhaanhirizibwa.

Isaia 43:19

Mpegaano mulingirire mubone ekiyaaka kye nja okukola. Era nakitandiseeku ira. Timuli kukibona? Nja kutema oluguudo mu irungu, era nte n'emiiga mu nsi eyo enkalukalu.

Isaia 49:11

‘Ensozi dhange dhoonadhoona ndidhitaamu engira, dhaafuuka enguudo abantu bange mwe balitambuliranga.

Isaia 57:14

Musengwa Katonda era akoba ati: “Muteegho oluguudo, muteegho oluguudo mangu, mutegeke abantu bange ghe banaabita. Mutoole ebitimuguunha byonabyona mu ngira y'abantu bange.

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

Yoanne 1:23

Yaakozesa ebibono bya Isaia Omulanzi, yaakoba ati: “Ninze eiroboozi ly'oyo alangiriza mu irungu ati, ‘Mutereeze engira ya Musengwa.’ ”