Isaia 40:26 - Baibuli Ekibono kya Katonda 2014

²⁶ Mulinge ghaigulu mubone! Naani eyatonda ebyo ebiri ku igulu? Ni Katonda omulala oyo abiduumira ng'oti igye, n'ayeta buli kirala eriina lyakyo. Era nga bw'ali omukologho ow'amaani agataloodheka, ghaziragho waire ekirala kiti ku ebyo ekitabaagho ng'ayese.

Isaia 40:26 ပူးပေါင်းရင်းမြစ်များ

Amainhama 1:14

Agho Katonda yaakoba ati: “Ghabeegho ebyaka ku igulu, okwawulagho omusana n'obwire bibenga obumanhiso obw'ebiseera, obw'enaku, n'obw'emyaka,

Amainhama 1:16

Katonda yaakola ebyaka ebikologho bibiri ekyaka einho nga kya kufuganga musana, ate ekyaka akatono nga kya kufuganga bwire. Era yaakola n'emuunienie.

Zabbuli 102:25

Eira einho wataagho emisingi egy'ensi, n'eigulu lyona walikola na ngalo dho.

Zabbuli 119:91

Olw'ekiragiro kyo ebintu byonabyona bikaaligho ni ye buli eno, kuba ebintu byonabyona bigheereza mulala iwe.

Zabbuli 121:1

Ningirira ensozi neebuuza nti: “Naani anambeera?”

Zabbuli 19:1

Eigulu lyoleka ekitiisa kya Katonda, waikendi yaatukobera oyo Katonda bye yakola n'engalo dhe.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Isaia 34:16

Mwagaaze mu kitabo kya Musengwa Katonda, musomemu mubone: Mwidha kuzuula nga ku bitonde ebyo tikulibaaku waire ekirala kiti ekitaliba eyo. Era tighalibaagho kisaadha kitaliba na kiinaakyo ekikazi. Musengwa Katonda mwene n'eyalagira bibe bityo, era mwene oyo n'alibisolokeza aghalala.

Isaia 42:5

Musengwa Katonda n'eyatonda eigulu yaalibambagho, era yaayandhagho ensi yaagitaamu n'ebigirimu byonabyona. Abantu ababa mu nsi eyo ni bagitambuliramu, yabataamu omuuka gwe bagheera n'omwoyo ogw'obulamu. Era Musengwa Katonda oyo akoba omugheereza we ati:

Isaia 44:24

“Ninze Musengwa Katonda Omununuzi waimwe, eyabatonda ni mbata mu nda dha bainhaimwe. Ninze Musengwa Katonda eyakola ebintu byonabyona, ni mmambagho eigulu zenka, era ni nhandhagho ensi nga ghazira angemeireku naire.

Isaia 45:12

Ninze natonda ensi, naatonda n'abantu abagibaamu. Nakozesa obuyinza bwange, naabamba eigulu, era ninze nfuga n'ebiri ghaigulu mu ibbanga byonabyona.

Isaia 45:7

Ninze ndeetagho obutangaavu era ninze ndeetagho n'enzikiiza; ninze ndeetagho enkabi era ninze ndeetagho n'akabi. Nze Musengwa Katonda, ninze nkola ebyo byonabyona.

Isaia 48:12

Musengwa Katonda akoba ati: Imwe Abaisiraeli be nayeta, baidhukulu ba Yakobo mumpulirise. Ninze Katonda eyaligho ku ntoolo, era ninze ndibaagho ku nkomerero.

Isaia 48:13

Ninze mwene eyataagho omusingi gw'ensi, era nze mwene naabambagho eigulu; bwe mbyeta bivugira era byaidha mangu.

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Amateeka Agokubiri 4:19

“Mulobenga kusendebwasendebwa kusinza na kugheereza ebyo bye mubona ku igulu: endhuba, omwezi, n'emuunienie. Ebyo Musengwa Katonda waimwe yabitaagho abantu abandi boonaboona abali ku nsi n'ababe babisinzenga.