Isaia 40:2 - Baibuli Ekibono kya Katonda 2014

² Mwize amaani mu bantu b'omu Yerusalemu. Mubakobe muti mpegaano okudaazibwadaazibwa kukomye, era ebibi byaibwe bisoniyiibwa. Nze Musengwa Katonda namala okubagha ekibonerezo ekibajaamu olw'ebibi byaibwe.”

Isaia 40:2 ပူးပေါင်းရင်းမြစ်များ

Amainhama 34:3

Omwoyo gwe gwatwalirizibwa inho Dina oyo mughala wa Yakobo, yaamwenda inho era yaayogera naye n'ekisa.

2 Ebyomubyanda 30:22

Hezekia yaasiima Abalevi abaayoleka obukugu mu kugheereza Musengwa Katonda. Yaayogera nabo ng'abaizaamu amaani. Kale abantu baamala enaku musanvu nga bali kulya ebyali ku kibinuko. Baaghaayo emisengo egy'okutabagana n'egy'okwebaza eri Musengwa Katonda, Katonda wa badhaadha baibwe.

Zabbuli 32:1

Wa nkabi oyo asoniyibwa ebyonoono bye, ebibi bye ni bimutoolebwaku.

Zabbuli 85:3

Walekera okubabaaku ekiruyi, waalekera okubasungughalira n'obusungu obungi.

Omulangirizi 3:4

Ekiseera eky'okuwowoola, n'ekiseera eky'okuseka. Ekiseera eky'okulira, n'ekiseera eky'okukina.

Isaia 12:1

Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

Isaia 14:3

Musengwa Katonda alireetera Abaisiraeli okuwona obulumi n'okudaazibwadaazibwa, n'emirimo egy'olukako gye baabakozesanga.

Isaia 27:9

Aye Abaisiraeli balisoniyibwa ebibi byaibwe, nga bamaze okumenhamenha alutaari dh'emisambwa n'okusekulasekula amabaale gaadho ni gafuuka ensaano. Era nga bamaze okukomya okuniokezanga obubbaani ku alutaari edho, era nga basaaniizaagho kiisi kamanhiso akooleka omusambwa omukazi Ashera.

Isaia 33:24

Tighalibaagho muntu waire omulala ati ku b'omu nsi yaife, alikoba ati alwaire. Abantu abaliba eyo boonaboona balisoniyibwa ebibi byaibwe.

Isaia 35:4

Mukobe abo abawoiremu amaani muti: “Mube bagumu, mutatya. Mubone, Katonda waimwe ali kwidha okubalokola, yeesasuulize ku bazigu baimwe ng'ababonereza.”

Isaia 43:25

Aye era nze, ninze mwene nsonigha ebibi byaimwe nze ku bwange, era tija kabiri kubibavunaana.

Isaia 44:22

Ndheyiiyaagho ebibi byo byavaagho ng'oti kire, ebyonoono byo ebyo byabulagho ng'oti lufu. Kyuka oire ye ndi, kuba ninze nakununula.”

Isaia 49:25

Aye Musengwa Katonda airamu ati: “Ekyo kyene n'ekija okubaagho. Ow'amaani balimulekuza omunhago gw'ali nagwo, n'omufuzi omukambwe bamutoolaku abantu b'anhaze. Ndirwanisa abo ababalwanisa imwe, era naanunula abaana baimwe.

Isaia 51:17

Situka, situka iwe Yerusalemu, situkiramu mangu oyemerere! Situka iwe owanhwa ekikopo eky'obusungu bwa Musengwa Katonda obungi, mwene kye yakugha okunhwa, n'okimaliramu irala era ni kikuleetera okutagala.

Isaia 53:5

Aye olw'ensobi dhaife baamufumita baamutaaku ebibwa, era olw'ebibi byaife baamunuubulanuubula. Baamudaazadaaza ife tuwonezebwe, era baamukuba emiigo ife tube abalamu.

Isaia 53:6

Ife twenatwena twabula ng'oti ntaama, buli muntu yaagema njira ye. Aye Musengwa Katonda yaatoola ekibonerezo ekyali kitugwaniire olw'ebibi byaife, yaakita ku mugheereza we oyo.

Isaia 54:15

Omuntu yeenayeena alikutanulaku olutalo, ti ninze ndiba nga mmuganhie akole atyo. Buli alikutanulaku olutalo olimughangula yaagwa ere.

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Isaia 55:7

Ababi balekeyo empisa dhaibwe embi; aboonooni bave mu ndowooza yaibwe embi. Baire eri Musengwa Katonda, aidha kubagemerwa ekivunika; Katonda waife oyo aidha kubasoniyira irala na mwoyo mulala.

Isaia 6:7

Kyansiinha ku munwa n'eryanda eryo nga kikoba kiti: “Eryanda lino nga bwe likusiinhie ku munwa, omusango gukutooleibwaku, n'ebibi byo bisoniyiibwa.”

Isaia 61:7

Mulibanga mu nsi eyaimwe ku bwaimwe, obukombe bwaimwe bweyongerangaku obungi bwa mikuzi ebiri, mu kifo kyaimwe okwira agho okugemwanga obw'ensoni n'okunhoomebwa. Era eisanhu lyaimwe liribangagho ebyanda n'ebyanda.

Isaia 66:13

Ndibaghemberera mu Yerusalemu ng'oti n'inhina w'omwana bw'aghemberera omwana we okumusirisaagho.

Yeremia 16:18

Nja kubabonereza nga mbeesasuulizaaku emikuzi ebiri olw'okwonoona kwaibwe n'ebibi byaibwe kuba baayonoona ensi yange baagireetamu ebisinzibwa byaibwe ebitali Katonda ebyenhinhalwa ebiri ng'oti bwa mirambo, era bagiidhuza emisambwa.”

Yeremia 17:18

Abo abankiriga bagwananga baaswala, aye nze, iwe Musengwa Katonda, mponia okuswala. Beene n'ababe beeraliikirirenga, aye nze otandekanga kweraliikirira. Basindikire akabi kabasaanizeegho irala.

Yeremia 29:11

Nze mwene zenka, ninze ndidhi kye mbategekeire imwe. Mbategekeire bintu kubajiiranga bukalamu, se ti kubajiiranga bubi. Era ndidha kubatusaaku ebyo byonabyona bye musuubira mu maiso eyo.

Yeremia 51:10

Musengwa Katonda akoba ati: “Imwe abantu bange, mukube emizira mukobe muti, ‘Musengwa Katonda ayoleike nga tuziraku musango. Mukole tuje tukobere abali mu Yerusalemu, Musengwa Katonda waife by'akoze.’ ”

Okulira 4:22

Imwe ab'omu Sioni ekibonerezo kyaimwe olw'okwonoona kiwoire, Musengwa Katonda takaayongera kubakuumira mu bunhage. Aye imwe Abaedomu, Musengwa aja kwoleka okwonoona kwaimwe era ababonereze.

Ezekieli 16:42

Ntyo bwendikumaliraku obusungu bwange, olwo naalekera agho okuba n'enkikidi ku lulwo, ye wandeetera okuba nayo olw'obutaba mwesigwa ye ndi. Nditereera naalekera agho okukusungughalira.

Danieli 11:35

Abandi ku bakulembeze abagezi abo baliitibwa. Olwo okwitibwa kwaibwe okwo kwaleetera abantu okwamulwa, baatukuzibwa era baafuulibwa balongoofu. Ekyo kiribaagho okutuusa ekiseera eky'enkomerero Katonda mwene kye yategeka nga kimaze okutuuka.

Danieli 12:4

Agho yankoba ati: “Mperaano ni, iwe Danieli, wumbaku ekitabo ekyo okisibeku n'akamanhiso, okutuusa ku kiseera eky'enkomerero. Abantu kamaala balizungira eno n'ere nga benda okwongera ku bumanhi bwaibwe.”

Danieli 12:9

Yandhiramu ati: “Danieli, gema engira yo oje, kuba ebintu ebyo biidha kukuumibwa nga bya kyama era bikwekebwe okutuusa ku kiseera eky'enkomerero.

Danieli 9:12

Otuukiriiza ekyo kye watwesoomera okutukola ife n'abafuzi abatufuga waatutuusaaku akabi akataloodheka, kuba wabonereza Yerusalemu ekibitiriire okusinga ebibuga ebindi byonabyona ebiri ghansi gh'eigulu.

Danieli 9:2

nze Danieli nali ndi kwetegereza ebyaghandiikibwa ebitukuvu, naabona ng'emyaka gija kuba nsanvu, ekibuga Yerusalemu gye kiri n'okumala nga kisigaire bifulukwa byereere, nga Musengwa bwe yamanhisa Yeremia omulanzi.

Hosea 2:14

Kale ni bona eno, ndimulembereza naamutwala mu irungu, naayogera naye mu kugonza okungi.

Hosea 2:16

Agho mu biseera ebyo aliiramu okundheta iba yaalekera agho okundheta Baali,

Habakkuku 2:3

Bighandiike kuba ekiseera kyabyo eky'okutuukirizibwa kikaali. Aye nga kiri kwidha mangu, era bye ndi kukwoleka biri n'okubaagho. Ni bwebiboneka okuba ng'oti biidha mpola, era biteegerere. Tibiriroba kubaagho, era biryangughaku.

Zefania 3:15

Musengwa Katonda atoiregho ekibonerezo kyaimwe, abinze abazigu baimwe boonaboona. Musengwa Katonda oyo kyabazinga wa Isiraeli ali mu imwe buti, ghazira kye mukaatya.

Zekaria 1:13

Musengwa Katonda yaamwiramu n'ekisa ng'amugumya.

Zekaria 1:15

Era nsungughaliire inho amaghanga agali mu miraala, kuba nze nasungughaliraku abantu bange akatono kati, aye amaghanga ago gaayongeranga bwongere kuleetera bantu bange abo kudaazibwadaazibwa.

Zekaria 9:12

Imwe abali mu bunhage, mwire mu kifo kyaimwe eky'okwewogomamu. Mwire kuba mpegaano muli n'eisuubi. Olwaleero ndi kubakakasa nti ebyaimwe byonabyona ebyayonoonebwa mu kudaazibwadaazibwa kwaimwe, ndibibairizaagho naasinzaagho emikuzi ebiri.

Ebikolwa by'Abatume 1:7

Yesu yaabakoba ati: “Ti kyaimwe okumanha entangama n'ekiseera Lata bye yata mu buyinza bwe.

Ab'e Galatia 4:4

Aye ekiseera ekironde bwe kyatuuka, Katonda yaatuma Omwana we mwene. Yaazaalibwa omukazi era yaafugibwa Amateeka,

Okwolekebwa 18:6

Mumukole nga mwene bwe yabakola, ate ku bikolwa bye mumwesasuuzeemu emikuzi ebiri. Ekikopo kye yabatabulira imwe, mukimutabuliremu obuka bwa mikuzi ebiri.