Isaia 40:10 - Baibuli Ekibono kya Katonda 2014

¹⁰ Bwenebwene Musengwa Katonda wuuyo aidha ng'afuga n'amaani n'obuyinza. Wuuyo aidha n'ebirabo eby'okugabira abantu be, n'ebibonerezo eby'okwesasuuliza ku bazigu be.

Isaia 40:10 ပူးပေါင်းရင်းမြစ်များ

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Zabbuli 110:6

Aidha kusalira ensi dhoonadhoona omusango, adhiidhuze emirambo era afafaaganie bakyabazinga mu nsi yoonayoona.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Isaia 28:2

Bona, Musengwa Katonda ali n'omuntu we ow'amaani aziramu ntete naire, eyeetegeike okubalumba n'amaani. Omuntu oyo ali ng'oti ni kiwunga namuzisa alimu n'omugozi; ali ng'oti ni kiwunga ow'amaani einho, era ng'oti n'amaadhi ag'omwidhuzo agataalaala ni gaidhula ensi.

Isaia 33:2

Wo Musengwa Katonda, tugemerwe ekivunika, kuba eisuubi lyaife liri mu iwe. Tukuumenga buli kaakyeire, era otulokolenga mu biseera ebizibu.

Isaia 49:4

Agho naakoba nti: “Bwenebwene nadaagiranga busa okukola, neemalangamu amaani gange bya bwereere. Aye ate nkakasa ng'aliinwanirira, era yampa empeera olw'ebyo bye nkola.”

Isaia 51:5

Ndija mangu naabawonia, era ekiseera kyange eky'okulokola kiri kumpi. Mwene nze ninze ndifuga amaghanga. Era ensi edh'eghala dhinteegereire nga dhisuubirira mu nze okudhirokola.

Isaia 53:12

Kye ndiva ni mmugha omugabo aghalala n'abakologho, yaagabana omunhago aghalala n'ab'amaani; kuba yaaghaayo obulamu bwe yaitibwa, yaabalirwa mu bamenhi ab'amateeka. Aye ate yaaba nga yeetwika ebibi eby'abantu kamaala, era yaabasabira ekisonigho.”

Isaia 59:15

Obwesigwa buziragho mu bantu, era oyo alekayo okukola ebibi bamuyiiga n'obukambwe.” Musengwa Katonda ekyo yakibona era yaasungughala, olw'obutabaagho kukolera ku mazima.

Isaia 59:16

Yeewuunhia okubona nga ghaziragho muntu waire omulala ati, afaayo kuwolerezaagho abo abatuntuzibwa. Kale mwene alikozesa obuyinza bwe n'obutuufu bwe, yaanunula abantu be okubatuusa ku bughanguzi.

Isaia 59:18

Alibonereza abazigu be ng'ajiira ku bye baakola, ng'atwaliiremu n'abo ababa mu biketezo eby'eghala.

Isaia 62:11

bamanhe nga Musengwa Katonda ali kulangirira mu nsi yoonayoona ati: “Mukobe ab'omu Sioni muti, bona, omulokozi wuuyo aidha, ng'ali n'ebirabo eby'okugabira abantu be, n'empeera ey'okubasasula.”

Isaia 63:5

Nalingirira inho, aye nga tibona aidha ye ndi kuunhamba. Naatya inho, aye nga ghazira angumya. Kale naakozesa amaani gange n'obusungu bwange, byandeetera okughangula.

Yeremia 31:16

Aye nze Musengwa Katonda nkoba nti lekera agho okulira, weeyeye amaziga mu maiso. Byonabyona bye wakolera abaana bo biidha kukusasulwamu empeera, kuba baliira okuva mu nsi ey'abazigu.

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

Matayo 28:18

Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Yoanne 12:13

Baagema ensaga edh'emiti eminaazi baaja okumusangaaza, era baaleekaana bati: “Hosanna, wa nkabi oyo aidha mu liina lya Musengwa! Era wa nkabi Kyabazinga wa Isiraeli.”

Yoanne 12:15

“Imwe abantu b'e Sioni, mutatya! Mubone, Kyabazinga waimwe ali kwidha ng'atyaime ku ndogoyi ento.”

Abaheburayi 2:14

Kale, ng'abo Yesu b'ayeta abaana bwe bali abantu obuntu, yeena mwene yafuuka omuntu nga beene. Yakola atyo asobole okufa, era ng'abita mu kufa kwe azikirize Sitaani, ali n'obukumu ku kufa.

1 Yoanne 3:8

Oyo akola ekibi, aba wa Sitaani kuba Sitaani mukozi wa bibi okuviira irala ku kwinhama. Kyova Omwana wa Katonda yaidha okuzikiriza ebikolwa bya Sitaani.

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.

Okwolekebwa 22:12

“Bona, ndi kwidha mangu. Ndidha n'empeera nsasule buli muntu, nga njiira ku bye yakola.