Isaia 39:8 - Baibuli Ekibono kya Katonda 2014

⁸ Agho Hezekia yaakoba Isaia ati: “Musengwa Katonda by'ayogeire birungi.” Hezekia oyo yakoba atyo, kuba yalowooza mule ati: “Kasita mu bulamu bwange twidha kubanga mu miraala nga ghazira kitweraliikiriza?”

Isaia 39:8 ပူးပေါင်းရင်းမြစ်များ

2 Samueli 15:26

Aye bw'alinkoba ati, ‘By'okola tibisiima,’ kale nze ndigho, alinkola mwene ky'alibona nga n'ekingwaniire.”

2 Ebyomubyanda 32:26

Aye Hezekia yaamala yaagonda ghalala n'abantu ab'omu Yerusalemu, era baalekera agho okwekuluntaza. Kale Musengwa Katonda yaaloba kubamaliraku busungu bwe mu biseera bya Hezekia oyo.

2 Ebyomubyanda 34:28

Era bona eno, ndikutwala weeyimba ku badhaadha bo abaafa, waaziikibwa mu miraala, waaloba kubona ku kabi ke ndituusa ku kifo kino ni ku bantu abakibaamu.’ ” Agho abasaadha bairayo baakobera kyabazinga obukwenda obwo.

Yobu 1:21

Yaakoba ati: “Mu nda ya maama navaamu nga ndi bwereere, era ndifa nga ndi bwereere. Musengwa Katonda n'eyampa ebyo, era Musengwa Katonda oyo n'atoiregho kale asaakibwe.”

Zabbuli 39:9

Ka nsirike, tiidha kwogera kibono kyonakyona, kuba okudaagadaaga kwange kuva y'oli.

Okulira 3:22

Okugonza kwa Musengwa tikukoma n'ekisa kye tikiwa.

Okulira 3:39

Lwaki omuntu yeemuluguunhia ng'ali kubonerezebwa olw'ebibi bye?

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Zekaria 8:16

Bino bye mugwaine okukolanga: buli muntu akobere mwine amazima. Musalenga mu mazima mu mbuga dhaimwe edh'amateeka, mu nsambo ereetagho emiraala.

Zekaria 8:19

“Okusiiba kwaimwe okw'omu mwezi ogwokuna, n'okw'omu gwokutaanu, n'okw'omu gwomusanvu, n'okw'omu gweikumi, kulifuukamu biseera bya masanhu na kusagamba eri ab'eighanga Buyudaaya nga bali mu bibinuko. Agho ni mugwaine mugonzenga okukolerera amazima n'emiraala.”

1 Petero 5:6

Kale ni mwewooye ghansi gh'omukono gwa Katonda ogw'amaani, olwo alibafuula okuba aba ghaigulu mu kiseera kye ekituufu.

1 Samueli 3:18

Kale Samueli yaamukobera byonabyona nga ghazira ky'amugisiisa naire. Eli yaakoba ati: “Oyo ni Musengwa Katonda, k'akole mwene ky'abona nga n'ekirungi.”