Isaia 39:7 - Baibuli Ekibono kya Katonda 2014

⁷ N'abandi ku batabane bo beene, balibatwala baabalaawa, baafuuka bagheereza ba mu kisaagaati ekya kyabazinga w'e Babilonia.’ ”

Isaia 39:7 ပူးပေါင်းရင်းမြစ်များ

2 Bakyabazinga 24:10

Mu biseera ebyo, eigye lya kyabazinga Nebukadinezzari ow'e Babilonia lyaidha e Yerusalemu, lyazingiza ekibuga okukyezunguluza.

2 Bakyabazinga 24:12

Kyabazinga Yehoiakini owa Buyudaaya, ng'ali ghalala n'inhina, n'abagheereza be, n'abakungu be, n'abakulira ekisaagaati kye, yaavaayo, yeeghaayo mu ngalo dha kyabazinga w'e Babilonia. Mu mwaka ogwomunaana ogwo, nga Nebukadinezzari n'afuga Babilonia, Nebukadinezzari oyo yaatwala Yehoiakini nga musibe.

2 Bakyabazinga 24:15

Kyabazinga w'e Babilonia yaatwala Yehoiakini e Babilonia ghalala n'inhina, ni bakazi be, n'abakungu be, n'abantu abakologho mu Buyudaaya. Yabatoola e Yerusalemu, yaabatwala e Babilonia nga basibe.

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

2 Ebyomubyanda 36:10

Agho omwaka nga guli kutoolera, ekiseera ebimera kye bisibukiramu, kyabazinga Nebukadinezzari yaatwala Yehoiakini e Babilonia nga musibe, yaatwala n'ebintu eby'omughendo eby'omu isinzizo. Yaataagho Zedekia muganda wa Yehoiakini oyo, yaamufuula kyabazinga wa Buyudaaya ni Yerusalemu.

2 Ebyomubyanda 36:20

Yaatoola abo abaawonagho mu lutalo, yaabatwala e Babilonia. Baabanga eyo nga bamugheereza era baamala baagheereza n'abaamwiririra ng'aviiregho, okutuusa obwakyabazinga obw'e Perusia bwe bwaidhagho.

Yeremia 39:7

Bwe yamala, yaalagira baatundulamu Zedekia amaiso era baamusiba ku ndhegere okumutwala e Babilonia.