Isaia 39:6 - Baibuli Ekibono kya Katonda 2014

⁶ ‘Manha ng'ekiseera kiidha kutuuka, byonabyona ebiri mu kisaagaati kyo eky'obwakyabazinga, n'ebyo badhaadha bo bye baatereka okutuusa buti, batwalibwe e Babilonia. Tighalibaagho waire ekirala kiti ekirisigalagho.

Isaia 39:6 ပူးပေါင်းရင်းမြစ်များ

2 Bakyabazinga 24:13

Yaatoola eby'obukombe byonabyona eby'omu isinzizo, n'eby'omu kisaagaati kya kyabazinga, yaabitwala. Era nga Musengwa Katonda bwe yakoba, Nebukadinezzari yaamenhamenha ebintu byonabyona ebya zaabu, kyabazinga Solomoni owa Isiraeli bye yali ataire mu isinzizo.

2 Ebyomubyanda 36:10

Agho omwaka nga guli kutoolera, ekiseera ebimera kye bisibukiramu, kyabazinga Nebukadinezzari yaatwala Yehoiakini e Babilonia nga musibe, yaatwala n'ebintu eby'omughendo eby'omu isinzizo. Yaataagho Zedekia muganda wa Yehoiakini oyo, yaamufuula kyabazinga wa Buyudaaya ni Yerusalemu.

2 Ebyomubyanda 36:18

Yaatoola n'ebintu byonabyona ebyakozesebwanga mu isinzizo ka bibe ebinene oba ebitono, n'eby'obukombe eby'omu isinzizo, n'eby'obukombe ebya kyabazinga, n'eby'abakungu be, byonabyona yaabitwala e Babilonia.

Yeremia 20:5

Era nja kuleka abazigu baimwe banhage eby'obukombe byaimwe byonabyona ebiri mu kibuga muno, n'ebintu abantu bye baafaabiikanira, n'eby'omughendo einho omuli n'ebya bakyabazinga ab'omu Buyudaaya. Ebyo byonabyona abazigu abo balibinhaga baabitwala e Babilonia.

Ezekieli 23:26

Balikutoolamu engoye dho, era baakutoolaku ebyamadholobera byo ebirungi einho.

Danieli 1:2

Musengwa yaaghaayo kyabazinga Yehoiakimu owa Buyudaaya mu buyinza bwa Nebukadinezzari ghalala n'ebindi ku bintu ebyakozesebwanga mu isinzizo lya Katonda. Nebukadinezzari yaabitwala mu nsi Shinari mu isabo lya katonda we, yaabita mu iterekero ery'eisabo eryo.

Danieli 1:3

Kyabazinga Nebukadinezzari yaalagira Ashipenazi eyali akulira bagheereza baine abalaawe, alonde mu Baisiraeli abaaleetebwa mu bunhage, atoolemuuku abaisuka ab'oku lulyo olulangira n'abandi ku batabane b'abakungu.