Isaia 38:5 - Baibuli Ekibono kya Katonda 2014

⁵ Yaamukoba okwirayo akobe Hezekia ati: “Musengwa Katonda, Katonda wa Daudi dhaadha wo akoba ati, ‘Mpuliire ky'onsabye era naabona n'amaziga go. Kale ni bona, ndidha kwongera emyaka ikumi n'etaanu ku bulamu bwo.

Isaia 38:5 ပူးပေါင်းရင်းမြစ်များ

1 Bakyabazinga 15:4

Aye ku lwa Daudi, Musengwa Katonda yaagha Abiyamu oyo omwana omulenzi okumusikira ku bwakyabazinga mu Yerusalemu, n'okukuuma Yerusalemu nga kiri miraala.

1 Bakyabazinga 8:25

Wo Musengwa Katonda wa Isiraeli, mpegaano ni kuuma kye wasuubiza omugheereza wo lata wange Daudi oyo, bwe wakoba oti, ‘Mu b'eizaire lyo toobulengamu muntu ye ntaagho okutyama ku kityamo kyo eky'obwakyabazinga bwa Isiraeli, kasita banaawuliranga bye nkoba, ni bagumira ku nze nga iwe bwe wakola.’

2 Bakyabazinga 18:13

Mu mwaka ogweikumi n'ena (14) nga kyabazinga Hezekia n'afuga Buyudaaya, Sennakeribu kyabazinga w'e Assiria yaalumba ebibuga byonabyona ebya Buyudaaya ebyezungulwirwa ebimante ebigumu, yaabighangula.

2 Bakyabazinga 18:2

Yali agheza emyaka amakumi abiri n'etaanu egy'obukulu, era yaafuga okumala entangama ya myaka amakumi abiri na mwenda mu Yerusalemu. Inhina nga bamweta Abi mughala wa Zekaria.

2 Bakyabazinga 19:20

Agho Isaia mutabane wa Amozi yaagheereza Hezekia obukwenda obukoba buti Musengwa Katonda wa Isiraeli akoba ati awuliire okusaba kwo ku bigema ku Sennakeribu kyabazinga w'e Assiria.

2 Ebyomubyanda 34:3

Kyabazinga Yosia bweyali ng'akaali muto, mu mwaka gwe ogwomunaana nga n'afuga Buyudaaya, yaatoolera okusinza Katonda wa dhaadha we Daudi. Era mu mwaka gwe ogweikumi n'ebiri yaatoolera okugogola mu Buyudaaya ni mu Yerusalemu, okumalamu ebifo ebigulumivu eby'okusinzizaamu, n'ebifaananie eby'omusambwa omukazi Ashera, n'ebifaananie ebindi ebibaadhe n'ebyo ebyakolebwa mu kyuma ekisaanuusiibwa.

Yobu 14:5

Buli muntu wamusaliragho enaku dh'alighangaala, waamugerera n'emyezi era waamupimira ekiseera kye, ky'ataghanga kuswisaagho.

Zabbuli 116:15

Musengwa Katonda atwala okufa okw'abantu be abamutya nga kwa mughendo inho.

Zabbuli 147:3

Abo abawoiremu amaani abaizaamu amaani, yaasiba ebighero ku mabwa gaibwe.

Zabbuli 39:12

Wo Musengwa Katonda, ndhiraamu okusaba kwange era ofeeyo ku kulira kwange. Idha ombeere ng'oboine amaziga gange, kuba nze ndi musenze busenze, nga badhaadha bange boonaboona bwe baali.

Zabbuli 56:8

Iwe oidhi nga bwendaazibwadaazibwa einho, n'amaziga ge naakalira ogaidhi. Byonabyona biri mu kitabo kyo.

Zabbuli 6:9

Ampulirisa nga ndi kumusaba okumbeera era aidha kwiramu okusaba kwange.

Omulangirizi 3:3

Ekiseera eky'okwita, n'ekiseera eky'okuwonia. Ekiseera eky'okumenha, n'ekiseera eky'okuzimba.

Isaia 37:21

Agho Isaia mutabane wa Amozi yaagheereza Hezekia obukwenda obukoba buti: “Musengwa Katonda wa Isiraeli akoba ati awuliire okusaba kwo ku bigema ku Sennakeribu kyabazinga w'e Assiria.

Isaia 38:4

Agho Isaia bwe yali ava aghali kyabazinga, aye ng'akaali na kubita mu luya olwa ghagati, Musengwa Katonda yaayogera naye.

Okulira 3:56

Wampulirisa bwe nakweghemba nti, ‘Otaloba kumpulira nga ndi kukusaba okumbeera.’

Matayo 22:32

‘Ninze Katonda wa Aburahamu, Katonda wa Isaaka, Katonda wa Yakobo?’ Ti Katonda wa bafu aye Katonda wa balamu.”

Luka 1:13

Aye malaika yaamukoba ati: “Zekaria otatya, kuba okusaba kwo kuwuliirwa era mukazi wo Elisabethi aidha kukuzaalira omwana omulenzi, omutuume eriina Yoanne.

Ebikolwa by'Abatume 27:24

era yankoba ati, ‘Paulo, otatya, oteekwa okwemerera mu maiso ga Kaisari. Era olwa iwe Katonda aidha kukuuma n'abo boonaboona abali n'iwe mu lyato.’

2 Ab'e Korintho 7:6

Aye Katonda agumya buli awoiremu maani, yatugumya n'okwidha kwa Tito.

Okwolekebwa 7:17

Entaama Ento eri ghagati gh'ekityamo ky'obwakyabazinga, enaabalabiriranga ng'omwayi, yaabakulemberamu, okubatuusa ku nsulo edh'amaadhi ag'obulamu. Era Katonda alyeya buli iziga mu maiso gaibwe.”