Isaia 38:3 - Baibuli Ekibono kya Katonda 2014

³ “Wo Musengwa Katonda, nkweghemba oidhukire nga bwe mbairenga omwesigwa y'oli, nga ngondera by'ondagira n'omwoyo mulala, era nga nfuba buliidho okukola by'osiima.” Hezekia oyo yaatimbuka, yaalira inho amaziga.

Isaia 38:3 ပူးပေါင်းရင်းမြစ်များ

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 6:9

Bino n'ebifa ku Noa. Yali muntu akola ebituufu, ng'aziraku kibi mu bantu ab'omu biseera bye

1 Bakyabazinga 15:14

Aye waire Asa oyo tiyatoolagho bifo bigulumivu bye baasinzizangamu emisambwa, obulamu bwe bwonabwona yali mwesigwa ye Musengwa Katonda.

1 Bakyabazinga 2:4

Era olwo Musengwa Katonda atuukirizenga kye yansuubiza, bwe yankoba ati ku baidhukulu bange n'okunaabanga anaafuganga Isiraeli, kasita baidhukulu bange abo baneegenderezanga okugema bye yalagira n'omutima gwaibwe gwonagwona, era n'omwoyo gwaibwe gwonagwona.

2 Bakyabazinga 18:3

Yaakolanga ebituufu Musengwa Katonda by'asiima, ng'oti n'ebyo dhaadha we Daudi bye yakolanga.

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

1 Ebyomubyanda 29:19

Nkweghemba oghe mutabane wange Solomoni omwoyo ogw'okwegheerayo irala okugema amateeka go ni by'olagira byonabyona, n'okuzimba eisinzizo, lye nteereiregho ebintu ebyo.”

1 Ebyomubyanda 29:9

Agho abantu baasagamba olw'abo abaaghaayo ku byaibwe eri Musengwa Katonda n'omwoyo omulala ekyeyendere. Kyabazinga Daudi yeena yaasagamba inho.

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

2 Ebyomubyanda 25:2

Amazia yakolanga ebituufu Musengwa Katonda by'asiima, aye nga tabikola na mwoyo mulala.

Ezera 10:1

Ezera bweyali ng'ali kusaba bw'ayatula ebibi, eno nga bw'alira amaziga ng'akubye amakiryaivu gha mberi gh'eisinzizo lya Katonda, eikuukuubira ery'Abaisiraeli abasaadha n'abakazi n'abaana abato, lyesololeza gh'ali. Boonaboona nga bali kulira inho amaziga.

Nehemia 1:4

Bwe nawulira ebyo byonabyona naatyama ghansi, naalira amaziga. Naamala enaku nga ndi kulira obughafu, naasiiba era naasaba Katonda ow'eigulu,

Nehemia 13:14

Naasaba nti: “Wo Katonda wange, oteerabiranga ebyo ebirungi bye nkoleire eisinzizo lyo, n'emirimo gye bakoleramu okukusinza.

Nehemia 13:22

Kale naalagira Abalevi okwetukuza, bamale baje bakuume emiryango olw'okukuuma Sabbato nga ntukuvu. Agho naasaba nti: “Wo Katonda wange, oteerabiranga n'ekyo kyona kye nkoze. Nkweghemba onsaasirenga, ongonze obutalekera.”

Nehemia 13:31

Era naakola entegeka abantu okuleetanga enku mu biseera ebituufu, edh'okwokya ebigheebwayo ku alutaari. Era n'okuleetanga ebigheebwayo byaibwe eby'ebirime ebisooka okukungulwa. Naasaba nti: “Wo Katonda wange, oteerabiranga ebyo bye nkoze. Nkweghemba ompenga ebirungi.”

Nehemia 5:19

Wo Katonda wange, idhukiranga ebyo byonabyona bye nkoleire abantu bano, zeena onsasulemu ebirungi.

Zabbuli 101:2

Ndidha kwebisanga mu ngeri etandeetere kwogerwaku. Oliidhaku li ye mba? Ndidha kubanga mwesigwa okuviira irala mu ndhu yange.

Zabbuli 102:9

Nsiiba mu ivu era n'eryanfuukira emere, ate mu buli kye nhwa mwetabulamu amaziga ge ndira.

Zabbuli 119:80

Nkusaba ombeere okugema ebiragiro byo n'omwoyo gwange gwonagwona, ndobe kuswala.

Zabbuli 16:8

Buli kaakyeire ndidhi nga Musengwa Katonda andi kumpi era ghazira kisobola kuntengeesa, kuba andi ghano gheene gha mukono gwange omusaadha.

Zabbuli 26:3

kuba okugonza kwo okutakoma n'okunkuuma, era mu bwesigwa bwo mwe ntambulira.

Zabbuli 32:2

Wa nkabi oyo Musengwa Katonda y'abala ng'azira kibi, era nga mu mwoyo gwe muzira buguya.

Zabbuli 6:6

Ndi munafu mwene olw'okusula nga nsinda. Obwire bukya ng'obuliri bwange buboze olw'okulira, n'akaito ke neeziziike kaatoonha amaziga.

Zabbuli 6:8

Munveeku imwe mwenamwena abakozi ab'ebibi; kuba Musengwa Katonda awulira okulira kwange.

Isaia 38:2

Agho Hezekia yaakyuka yaalinga eri ekimante, yaasaba Musengwa Katonda ng'akoba ati:

Isaia 38:4

Agho Isaia bwe yali ava aghali kyabazinga, aye ng'akaali na kubita mu luya olwa ghagati, Musengwa Katonda yaayogera naye.

Hosea 12:4

Yalwana ni malaika yaaghangula, era yalira ng'asaba okugheebwa enkabi. Bwe yali e Betheli yabona Katonda era Katonda oyo yaayogera naye.

Yoanne 1:47

Yesu bwe yabona Nathanaeli ng'ali kwidha y'ali, yaamwogeraku ati: “Mubone Omuisiraeli keenekeene aziramu kwesubaayiriza kwonakwona.”

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

Amateeka Agokubiri 6:18

Mukolenga ebyo Musengwa Katonda by'abona nga bituufu era nga birungi. Olwo musobole okuba obukalamu, n'okwingira okutwala ensi enungi, Musengwa Katonda ye yasuubiza badhaadha baimwe.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.

Abaheburayi 6:10

Kuba Katonda ti n'omubi einho okusobola okwerabira omulimo gwe mwakola, n'okugonza kwe mwayoleka mu buyambi bwe mwagha, era bwe mukaagha abatuukirivu ni ye buli eno.