Isaia 38:19 - Baibuli Ekibono kya Katonda 2014

¹⁹ Abalamu bonka n'abakusiima, nga nze bwe ndi kukola olwaleero. Abazaire bakobera abaana baibwe nga bw'oli omwesigwa.

Isaia 38:19 ပူးပေါင်းရင်းမြစ်များ

Amainhama 18:19

Namulonda asobole okulagira abaana be n'abaidhukulu be abaliiragho, bangonderenga nga bakola ebyo ebyoleka obutuufu era eby'amazima. Memale olwo mmukolere ebyo byonabyona bye nasuubiza.”

Zabbuli 118:17

Tiri wa kufa, ndidha kuba mulamu, nomboodhe ebyo Musengwa Katonda bye yankolera.

Zabbuli 119:175

Mpa obulamu nsobole okukusaakanga, ng'ensala yo entuufu n'enkuuma.

Zabbuli 145:4

Buli luse lwa bantu lwidhanga kukobera olulwiraku ebyewuunhisa bye wakola, lwogerenga ku bikolwa byo eby'amaani.

Zabbuli 146:2

Nze ndidha kusaakanga Musengwa Katonda obulamu bwange bwonabwona, era nhembenga enhembo edhisaaka Katonda wange nga nkaali mulamu.

Okuvaayo 10:2

musobole mwena okukobera abaana baimwe n'abaidhukulu engeri ye nsirughaizaamu Abamisiri, n'ebyewuunhio bye mbakozeemu. Mwenamwena musobole okumanha nga ninze Musengwa Katonda.”

Omulangirizi 9:10

Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Yoeli 1:3

Mukikoberenga abaana baimwe, boona bakikoberenga abaana baibwe, n'abo boona bakoberenga ab'oluse oluliiragho.

Yoanne 9:4

Tuteekwa okukola eby'oyo eyantuma nga bukaali musana, kuba obwire buli kwidha nga ghazira aghanga kukola.

Amateeka Agokubiri 11:19

Mubyegeresenga abaana baimwe. Era mubyogerengaku nga muli ghaka, oba nga muli mu ngira muli kutambula, nga mulambaire, oba nga musitwikegho.

Amateeka Agokubiri 4:10

olunaku lwe mwayemerera mu maiso ga Musengwa Katonda waimwe ku lusozi Sinai. Ku olwo Musengwa Katonda lwe yankoba ati, ‘Nsololeza abantu baidhe. Nhenda bawulire bye nja okubakoba, beege okuntyanga n'okumpuliranga enaku dhoonadhoona edh'obulamu bwaibwe, era beegerese n'abaana baibwe okukolanga batyo boona.’

Amateeka Agokubiri 4:9

“Aye mwegenderezenga era mwekuumenga, mulobe kwerabiranga mu bulamu bwaimwe bwonabwona, ebyo imwe beene bye mweboneraku n'agaimwe. Mukoberenga abaana n'abaidhukulu

Amateeka Agokubiri 6:7

Mubyegeresenga abaana baimwe. Era mubyogerengaku nga muli ghaka oba nga muli mu ngira mutambula, nga mulambaire oba nga musitwikegho.