Isaia 38:17 - Baibuli Ekibono kya Katonda 2014

¹⁷ Bwenebwene okuba n'enaku enhingi nakufunamu omuganhulo; kuba iwe olw'okungonza einho wamponia amagombe agazikiriza, wansonigha ebibi byange byonabyona.

Isaia 38:17 ပူးပေါင်းရင်းမြစ်များ

Yobu 29:18

“Nadhuubanga nti ndighangaala inho, naafiira mu maka gange nga ndi bukalamu.

Yobu 33:24

Malaika oyo asobola okumugemerwa ekivunika, era yaakoba Katonda ati, ‘Muwonie alobe kwika magombe. Leka mmununule.

Zabbuli 10:2

Abakozi b'ebibi beebona nga ba ghaigulu era baakiriga abaavu. Emitego gyene gye batega banaibwe, n'egibe gibategemu.

Zabbuli 103:12

Ng'e buvandhuba bw'eri eghala einho n'e bugwandhuba, n'ebibi byaife atyo bw'abighereekereza, by'atuba ghala.

Zabbuli 103:3

N'oyo asonigha okwonoona kwange kwonakwona, yaawonia endwaire dhange dhoonadhoona.

Zabbuli 103:4

Amponia okunserengeta e magombe, yangonza obutalekera n'okusaasira kwe okungi.

Zabbuli 30:3

Wantoola mu bafu, wandhiriza obulamu, naaloba kuja magombe.

Zabbuli 40:2

Yaanhinhulula mu lwina olw'okufa, yantoola mu bitosi eby'olutente, yaanhemereza ku lubaale, naatambula nga ndi mugumu.

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Zabbuli 85:2

Wasonigha abantu bo ebibi byaibwe, waabasaasira olw'okwonoona kwaibwe.

Zabbuli 86:13

Kuba ongonza inho obutalekera era wamponia okwikirira e magombe.

Isaia 38:15

Tiidhi na kya kwogera, kuba Musengwa Katonda mwene n'aleeteire ebyo okubaagho. Ndi n'enaku nhingi ku mwoyo, n'amaani gampoiremu. Era tikaatenduka na ndoolo.

Isaia 43:25

Aye era nze, ninze mwene nsonigha ebibi byaimwe nze ku bwange, era tija kabiri kubibavunaana.

Yeremia 31:34

Kiriba tikikeetaagisa muntu kwegeresa mwine amanhe Musengwa Katonda, kuba boonaboona baliimanha okuviira irala ku basembayo ghansi okutuukira irala ku babbede beene. Ndibasonigha ebibi byaibwe era neerabirira irala okwonoona kwaibwe. Nze Musengwa Katonda, ninze nkobye.”

Yona 2:6

Nagwa eyo ensozi ye dhisimuka, endhigi ye dhiigalwa ni dhitaigulwa ebyanda n'ebyanda. Aye iwe Musengwa Katonda wange wantoolayo nga ndi mulamu.

Yona 2:7

Wo Musengwa Katonda, bwe nali nga ndi kumpi kufa naidhukira okukusaba, era iwe wampa kye nakusaba ng'oli mu isinzizo lyo eitukuvu.