Isaia 38:13 - Baibuli Ekibono kya Katonda 2014

¹³ Nasulanga nga nsinda businde obwire okukya, ng'oti n'ole empologoma y'eri kumemena amagumba. Omusana gwonagwona n'obwire bwonabwona naalowoozanga nti Katonda aja kumalagho obulamu bwange.

Isaia 38:13 ပူးပေါင်းရင်းမြစ်များ

1 Bakyabazinga 20:36

Agho yaamukoba ati: “Nga bw'odheemeire ekiragiro kya Musengwa Katonda, bw'onaaba nga waakava ghe ndi, empologoma eidha kukwita.” Era olwali okuva oyo ghe yali ati, empologoma yaamwita.

Yobu 7:6

Enaku edh'obulamu bwange dhiziinhuuka okusinga empiso ey'ekyalaani; dhiwaaku mangu nga nzira isuubi lye ndi na lyo.

Zabbuli 32:4

Wambonerezanga omusana n'obwire, amaani gampweramu irala ng'oti n'ebisimbe bwe bikala okw'endoboozi.

Zabbuli 39:10

Ntoolaaku obulwaire buno, mbulaku bwa katono okufa olw'omukono gwo okunkuba einho.

Zabbuli 50:22

Mumanhe kino imwe abatanfaaku nze Katonda: nsobola okubayuzayuza ate nga ghazira na muntu wa kubawonia.

Zabbuli 51:8

Mpa okuwulira eisanhu n'okusagamba; oleke amagumba ge wamenhamenha gairemu okusangaala.

Zabbuli 7:2

Tiikulwa nga bandhuzayuza ng'oti mpologoma, bankwekwebya nga ghazira n'ambeera.

Zabbuli 90:5

Osaaniagho obulamu bw'abantu, baabulagho mangu ng'oti kirooto; oba ng'oti n'eisubi erinhirira ku nkyo:

Okulira 3:4

Yangoogombya naaweera mu luwu, n'amagumba gange yaagamenhamenha.

Danieli 6:24

Kyabazinga yaalagira baaleeta abasaadha bale abaaghaayiriza Danieli, baabasuula mu kiina ekyo omwali empologoma, ghalala ni bakazi baibwe, n'abaana baibwe. Era baabanga bakaali na kutuuka ku ntobo ya kiina ekyo, ng'empologoma dhaabamemeine ira amagumba goonagoona.

Hosea 5:14

Kale ndirumba Isiraeli ni Buyudaaya ng'oti mpologoma. Era nze mwene, ninze ndibayuzayuza, memale neejiira. Ndibaghaluudhania naabatwala nga ghazira n'asobola kubawonia.