Isaia 38:12 - Baibuli Ekibono kya Katonda 2014

¹² Obulamu bwange bwantoolebwaku era bwaja nga buweekereragho, ng'oti ni weema ey'omwayi ye basimbwiregho; era ng'oti n'ekighero kye basaze ku lugoye. Omusana gwonagwona n'obwire bwonabwona naalowoozanga nti Katonda aja kumalagho obulamu bwange.

Isaia 38:12 ပူးပေါင်းရင်းမြစ်များ

Yobu 14:2

Omuntu akula yaaniala ng'oti kimuli, era yaabulagho yaaweekereragho ng'oti kinsense.

Yobu 17:1

“Obulamu bwange bujiire, enaku dhange dhiwoireku; amagombe gonka ge nteegereire.

Yobu 4:20

Okuzikirira kwaibwe tikutwala na kiseera. Baba balamu okuva ku nkyo, aye buja okutuuka eigulo nga babuzeegho, baaloba na kwidhukirwa.

Yobu 6:9

Ngoli aganha okuuniantula, n'andhita!

Zabbuli 102:11

Obulamu bwange buwaagho ng'oti n'ekinsense ekyeigulo ng'endhuba egwire. Ndi ng'oti isubi erikala ni liwaagho.

Zabbuli 119:23

Waire abafuzi ab'obukumu batyama beeteesa okuunumba, nze omugheereza wo ndidha kwefumintirizanga ku ebyo by'olagira.

Zabbuli 31:22

Mu kutya okungi nadhuuba nti “Oba katyo aminze gh'ali!” Aye bwe namulirira yampulirisa nga ndi kumusaba okumbeera.

Zabbuli 73:14

Ndaazibwadaazibwa okugwisa endhuba, naabonerezebwa buli nkyo.

Zabbuli 90:5

Osaaniagho obulamu bw'abantu, baabulagho mangu ng'oti kirooto; oba ng'oti n'eisubi erinhirira ku nkyo:

Isaia 1:8

Ekibuga Sioni kisigaire agho kityo ng'oti n'ekibuga kye bazingiiza, kiri ng'oti n'entindi eyeewolookereire mu isamba ly'emizabbibu, era ng'oti n'ekigangu kye bakuumiramu enimiro y'amaliibwa.

Isaia 13:20

Tikiriiramu kabiri kubaamu bantu. Tighalibaagho Muwarabu asimbayo weema, waire okubaagho omwayi ayayirayo ebyayo bye.

2 Ab'e Korintho 5:1

Kuba twidhi ng'entindi yaife eno ey'oku nsi ye tulimu, omubiri guno gwe tulimu, bw'erisansulwa, Katonda alitugha endhu mu igulu etawaagho etaazimbwa bantu.

2 Ab'e Korintho 5:4

Bwe tuba nga tukaali mu ntindi eno ey'oku nsi tusinda olw'okuzitooghererwa, ti lwa kuba nga twenda okwetoolaku omubiri guno, aye lwa kuba twenda okuvaazibwa omubiri ogw'omu igulu, olwo omubiri ogutafa gumire ogufa.

Abaheburayi 1:12

Olibizingaku ng'ekidhuuba era birikyusibwa ng'oti bivaalo. Aye iwe tokyukakyuka, era obulamu bwo tibuwaagho.”

Yakobo 4:14

ng'ate timwidhi bya nkyo. Aye obulamu bwaimwe mwidhi bwe buli? Buli ng'oti lufu bufu olubaaghooku akaseera obuseera ate ni luwaagho.