Isaia 37:6 - Baibuli Ekibono kya Katonda 2014

⁶ Isaia oyo yaabakoba okwirayo ye musengwa waibwe, bamukobe bati: “Musengwa Katonda akoba ati, ‘Otatya bibono by'owuliire, abakungu ba kyabazinga w'e Assiria bye boogeire nga banvuma.

Isaia 37:6 ပူးပေါင်းရင်းမြစ်များ

Okuvaayo 14:13

Aye Musa yaabairamu ati: “Mutatya, imwe mube bube bagumu, mwidha kubona Musengwa Katonda ky'anaakola okubawonia Abamisiri abo olwaleero luno. Kuba Abamisiri abo be muli kubona olwaleero timuja kwirayo kubabona kabiri.

Isaia 35:4

Mukobe abo abawoiremu amaani muti: “Mube bagumu, mutatya. Mubone, Katonda waimwe ali kwidha okubalokola, yeesasuulize ku bazigu baimwe ng'ababonereza.”

Isaia 37:5

Abakwenda ba kyabazinga Hezekia bwe baatuusa obukwenda bwe eri Isaia,

Isaia 51:7

Imwe abaidhi obutuufu era abagema amateeka n'omwoyo omulala, muwulirise kye nkoba. Mutatyanga bantu kubayeeyereza, era bwe babavumanga mutawangamu maani;

Isaia 7:4

Omukobe oti, ‘Guma obe mwikaikamu, otatya era otawaamu maani. Obusungu obubitirivu obwa Rezini, n'obw'Abasiria, n'obwa Peka mutabane wa Remalia, buli ng'oti mwosi bwosi oguva ku buti obubiri obunioka.

Abalevi 26:8

Abataanu ku imwe baidha kughangulanga ekikumi, n'ekikumi ku imwe baidha kughangulanga omutwalo omulamba. Mu lutalo, abazigu baimwe munaabaitanga mwabamaliriragho.

Mariko 4:40

Agho yaabakoba ati: “Lwaki mutiire mutyo? Muzira kwikiriza?”

Mariko 5:36

Ekyo Yesu yaaba oti takiwuliire, yaakoba omukulu wa sinagoga ati: “Otatya, ikiriza bwikirize.”

Yoshua 11:6

Musengwa Katonda yaakoba Yoshua ati: “Abo otabatya kuba ndidha kubaita boonaboona, idho ku saawa ng'oti ni dhino banaaba bafiire. Embalaasi dhaibwe mwidha kudhisala eminho, n'ebigaali byaibwe eby'omu lutalo mubyokye.”