Isaia 37:4 - Baibuli Ekibono kya Katonda 2014

⁴ Kyabazinga w'e Assiria yatuma omukungu we akulira bakungu baine boonaboona okwidha okudhooga Katonda omulamu. Musengwa Katonda wo agwaine awulire ebyo byonabyona omukungu oyo by'ayogeire, era amubonereze olw'okubyogera.’ Kale ni sabira abo abanaawonagho ni basigala nga bakaaligho.”

Isaia 37:4 ပူးပေါင်းရင်းမြစ်များ

2 Samueli 16:12

Oba katyo Musengwa Katonda anaalingirira okudaagadaaga kwange, yansasulamu ebirungi mu kuvumibwa kwange kuno olwaleero luno.”

2 Bakyabazinga 17:18

Agho Musengwa Katonda yaasungughalira inho Abaisiraeli, yaababinga mu maiso ge ghaaloba kusigalagho waire omulala ati, okutoolaku ab'omu Buyudaaya bonka.

2 Bakyabazinga 19:4

Kyabazinga w'e Assiria yatuma omukungu we omukologho okwidha okudhooga Katonda omulamu. Musengwa Katonda wo agwaine awulire ebyo byonabyona omukungu oyo by'ayogeire, era amubonereze olw'okubyogera.’ Kale ni sabira abo abanaawonagho ni basigala nga bakaaligho.”

2 Ebyomubyanda 28:19

Ebyo byaligho, kuba kyabazinga Ahazi oyo yakola eidhoogo mu Buyudaaya era yaaloba kuba mwesigwa eri Musengwa Katonda, yaaleetera Musengwa Katonda okusindika ebizibu ku Buyudaaya.

2 Ebyomubyanda 34:21

“Muje mwebuuze ku Musengwa Katonda ku lwange ni ku lw'abo abaasigalagho mu Isiraeli ni mu Buyudaaya, ebigema ku ebyo ebighandiikiibwa mu kitabo kino ekizuuliibwa. Obusungu bwa Musengwa Katonda buli kututumbukiraku ng'oti muliro, kuba badhaadha baife tibaagondera bibono bya Musengwa Katonda ebiri mu kitabo kino, ni babikoleraku nga bwe byali n'okukolerwaku.”

Zabbuli 106:23

Kyeyava n'akoba ati aja kubazikiriza, okutuusa Musa omulonde we, bweyayemereragho mu maiso ge, n'abawolerezaayo, era n'aikaikania obusungu bwa Katonda eyali aja okubazikiriza.

Zabbuli 50:21

Mwakola ebintu ebyo nze naasirika, mwalowooza muti zeena ndi ng'oti niimwe. Aye buti ndi kubanenia nti mukola bubi inho, era omusango ogwo nhenda ngwerule mugubone bukalamu.

Isaia 1:8

Ekibuga Sioni kisigaire agho kityo ng'oti n'ekibuga kye bazingiiza, kiri ng'oti n'entindi eyeewolookereire mu isamba ly'emizabbibu, era ng'oti n'ekigangu kye bakuumiramu enimiro y'amaliibwa.

Isaia 1:9

Ngoli Musengwa Katonda Afuga Amagye tiyatulekeraghooku bantu batono abaawonagho, twandibaire ng'oti n'ab'e Sodoma, era twafaanana ng'oti n'ab'e Gomorra mu ebyo ebyabatuukaku.

Isaia 10:20

Mu kiseera ekyo, Abaisiraeli baidhukulu ba Yakobo abalisigalagho nga n'abawoniegho, baliba nga tibakeesiga ighanga eryo eryabaghangula, aye nga mu mazima beesiga Musengwa Katonda, Omutukuvu wa Isiraeli.

Isaia 10:22

Waire nga mpegaano Abaisiraeli bali kamaala ng'oti n'omusenho bwe guba ku mbali okw'enhandha, aye batono abaliwonagho ni baira. Katonda yasalagho bazikirizibwe, ng'ekyo n'ekibagwaniire.

Isaia 11:11

Olunaku olwo bwe lulituuka, Musengwa Katonda aliiramu okukozesa obuyinza bwe, yaiza abantu be abaliba bawoniegho, yaabatoola mu Assiria, ni mu Misiri, ni mu Pathirosi, ni mu Ethiopia, ni mu Elamu, ni mu Shinari, ni mu Hamathi, ni mu biketezo eby'oku nhandha.

Isaia 36:13

Agho omukungu Omuassiria oyo yaayemerera, yaalangirira mu lulimi Oluyudaaya, ng'ayogera mu mamiro ag'amaani ati: “Muwulire kyabazinga omukologho ow'e Assiria ky'akoba!

Isaia 36:18

Aye mutawulirisa Hezekia ali kubaguyaguya ati, ‘Musengwa Katonda aidha kutuwonia!’ Ghalighooku omusambwa waire omulala guti ogw'abamaghanga agandi ogwali gusoboireku okuwonia ensi yaagwo ni gugitoola mu ngalo dha kyabazinga w'e Assiria?

Isaia 36:20

Musambwa ki, ku misambwa egy'ensi dhoonadhoona, ogwali guwoniizaaku ensi yaagwo ni gugintoola mu ngalo, memale olwo katyo mulowooze muti Musengwa Katonda asobola okuwonia Yerusalemu, yaakintoola mu ngalo?”

Isaia 37:17

Wo Musengwa Katonda lingirira obone ebitutuuseeku, era otege kutu owulire ebibono Sennakeribu by'agheereiza okukuvuma, iwe Katonda omulamu.

Isaia 37:31

Abo abaliwonagho mu Buyudaaya, balisibuka ng'ebimera ebisimba emizi gyabyo ghansi mu itaka, ni bitaaku ebibala ghaigulu.

Isaia 37:32

Ghaja kubaagho abaliwonagho mu Yerusalemu, n'abandi abaliva ku lusozi Sioni. Musengwa Katonda amaliriire okutuukiriza ekyo.

Isaia 37:5

Abakwenda ba kyabazinga Hezekia bwe baatuusa obukwenda bwe eri Isaia,

Isaia 41:14

Musengwa Katonda Omununuzi wo era Omutukuvu wo, iwe Isiraeli ninze nkoba ati: Otatya, waire ng'oli mugoogombe era omunafu ng'oti lugereegere. Nze ndidha kukuyamba.

Isaia 46:3

Mumpulirise imwe ab'endhu ya Yakobo, imwe mwenamwena Abaisiraeli abaawonagho. Bukyanga muzaalibwa, ninze mbalabirira okuviira irala mu nda dha bainhaimwe.

Yeremia 26:19

Abakulu ab'ebika abo baayongera okukoba bati: Mulowooza muti kyabazinga Hezekia n'abantu b'omu Buyudaaya baamala baita Mika oyo? Busa naire. Mu kifo eky'okumwita, kyabazinga Hezekia oyo yata bwa mu Musengwa Katonda kitiibwa era yaagezaaku okukola ebisiimya Musengwa Katonda oyo. Era Musengwa Katonda yakyusa ekirowoozo kye, yaaloba kubaleetaku kabi ke yali akobye okubaleetaku. Aye ife mperaano tuli kwenda okwereetaku akabi akanene einho.”

Yeremia 42:2

ye ndi nze Yeremia. Bankoba bati: “Tukweghembye ganha otukolere kye tuja okukusaba! Tusabire eri Musengwa Katonda waife. Tusabire ife twenatwena abaawonagho, kuba eira twali abantu kamaala, aye mpegaano nga bw'obona twasigala batono bati.

Danieli 2:18

Era yaabakoba basabe Katonda ow'eigulu abasaasire ku bigema ku kyama ekyo, balobe kwitirwa ghalala n'abagezigezi ab'omu Babiloni.

Yoeli 2:17

Bakabona abagheereza Musengwa Katonda, ka balirire amaziga ghagati gh'omulyango gw'eisinzizo ni alutaari, nga bakoba bati: “Wo Musengwa Katonda saasira abantu bo. Otatuleka kufuuka kivumo era eky'okwogeraku mu bamaghanga agandi, nga bakoba bati, ‘Memale Katonda waibwe aligha.’ ”

Amosi 5:15

Mukyaghe ebibi, mugonze ebirungi. Musalenga mu mazima mu mbuga dhaimwe edh'amateeka. Oba katyo Musengwa Katonda Afuga Amagye, yaakagemerwa abaliwonagho ku Baisiraeli ekivunika.

Amosi 7:2

Enzige bwe dhaamala okulya eisubi lyonalyona eryali buli ghantu, naakoba nti: “Wo Musengwa Katonda, nkweghembye sonigha abantu bo! Abaisiraeli banaawonera gha, ate nga batono era banafu?”

Ab'e Roma 9:27

Isaia yeena yalangirira ku Isiraeli ati: “Abantu ba Isiraeli ni bwe balyaga omusenho ogw'enhandha obungi, aye batono bati abaliwonagho ni balokolebwa

Yakobo 5:16

Kale ni buli muntu akoberenga baine ebibi bye mwene, era musabiraganenga, muwonezebwe. Okusaba okw'omutuukirivu kuli n'amaani mangi.

Yoshua 14:12

Agho ni kyenva nsaba nti mpa ebiketezo ebyo ebirimu ensozi, Musengwa Katonda bye yansuubiza ku olwo kuba wawulira ku olwo nga bw'eriyo Abanaki, abantu abawaigufu, mu bibuga ebyezungulwirwa ebimante ebigumu. Musengwa Katonda aghanga okuba ninze, naababingamu nga Musengwa Katonda bwe yakoba.”

1 Samueli 12:19

Baakoba Samueli bati: “Tusabire eri Musengwa Katonda wo, ife abagheereza bo tulobe kufa, kuba ku bibi byaife byonabyona bye tuli nabyo, kabiri twongeireku ni kino eky'okwesabira kyabazinga.”

1 Samueli 12:23

Era ku lwange, neeghemba Musengwa Katonda ansaasire ndobe kukola kibi ni mmusungughaza, nga ndekayo okubasabira imwe. Era ndidha kubeegeresanga ekirungi era ekituufu kye mugwaine okukola.

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”

1 Samueli 17:26

Daudi yaabuuza abantu abaali beemereire okumpi naye, ati: “Kiki kye baja okukolera omuntu anaita Omufilisiti oyo, n'atoola ku Isiraeli ekyobeera ekyo? Obwo katyo Omufilisiti oyo atali mukekete naani, yeena okunhooma eigye lya Katonda omulamu?”

1 Samueli 17:36

Nze omugheereza wo, nga bwembairenga nga ndhita empologoma n'ensolo enkambwe, era ntyo bwe ndidha okwita n'Omufilisiti oyo atali mukekete, anhoomye amagye ga Katonda omulamu.”

1 Samueli 7:8

Abaisiraeli baakoba Samueli bati: “Otalekera kweghemba Musengwa Katonda waife, atuwonie Abafilisiti.”