Isaia 37:29 - Baibuli Ekibono kya Katonda 2014

²⁹ Mmaze okuwulira nga bw'oneedundeekezaaku, era nga bw'oneekuluntalizaaku. Mpegaano nja kukutunga eirobo lyange mu nhindo yo, nkusibe n'olukoba lwange mu kanwa mwo, nkwiririzeeyo mu ngira yeene ye wabitamu ng'oidha.’ ”

Isaia 37:29 ပူးပေါင်းရင်းမြစ်များ

Yobu 41:2

Osobola okwingiza omugugha mu nhindo yaayo, oba okuwumula oluba lwayo n'eirobo?

Zabbuli 32:9

Otabanga ng'embalaasi oba enhumbu edhizira kutegeera, edhitasobola kukola muntu ky'ayenda, okutoolaku nga adhisibyemu ekyuma mu kanwa n'enkoba mu kifuba, memale ni dhikola ky'ayenda.”

Zabbuli 46:6

Katonda bw'aboigoka, abamaghanga baidhamu okutya okw'amaani, obwakyabazinga bwatengeesebwa n'ensi yoonayoona yaatengera.

Zabbuli 74:23

Oteerabira kukaabuka kw'abo abakukyagha, n'okuboigoka okw'abazigu bo okutakoma.

Zabbuli 74:4

Abazigu baayasiikana mu kifo kyo ekitukuvu nga beesuuta olw'obughanguzi; era baasimbamu ebendera dhaibwe ng'obumanhiso obw'obughanguzi.

Zabbuli 83:2

Bona, abazigu bo bali kwegugunga; abo abakukyagha bali kudheema.

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 30:28

Omuuka gw'agheera guli ng'oti n'omwiga ogubanze ni gutaayaaya, ng'amaadhi gaagwo gatuuka mu nkoto, olwo gaaja nga geeyaagho amaghanga bwe gagazikiriza, era gaalekeza amaghanga okutuukiriza entegeka dhaago embi.

Isaia 36:10

Mulowooza muti nalumba ekifo kino okukizikiriza nga Musengwa Katonda tali ghalala ninze? Musengwa Katonda mwene n'eyankoba ati, ‘Lumba ensi eyo ogizikirize.’ ”

Isaia 36:4

Omukungu oyo Omuassiria yaabakoba ati: “Mukobe kyabazinga Hezekia muti, ‘Kyabazinga omukologho ow'e Assiria ali kukubuuza ati, kiki ekiri kukwesiguza?

Isaia 37:10

“Muje mukobe Hezekia kyabazinga wa Buyudaaya muti, ‘Katonda wo ye weesiga atakulimba ng'akoba ati Yerusalemu tikiidha kugheebwayo mu ngalo dha kyabazinga w'e Assiria.

Isaia 37:34

Engira emuleese yeene eyo yaidha okugema, aireyo nga taingiireeku mu kibuga kino. Nze Musengwa Katonda, ninze nkobye.

Isaia 37:7

Bona eno, ndidha kumutaamu ekidhuubo, mmuleetere okujiira ku lubono lw'awulira nga lwogerwa mu bantu, aireyo mu nsi ye. Era mmuleetere okwitibwa ng'ali eyo.’ ”

Ezekieli 29:4

Olw'ekyo ndikutunga mu mba dho amalobo, era naaleetera ebyenhandha ebiba mu mwiga gwo okukweriipa ku bigalagamba byo. Memale naakughaluzaayo mu mwiga gwo, ghalala n'ebyenhandha byo byonabyona nga bikweriipye ku bigalagamba.

Ezekieli 35:13

Era naawulira ebibono byaimwe ebibi kamaala bye mwandhogeraku n'eminwa gyaimwe nga muli kuneekudumbalizaaku.”

Ezekieli 38:4

Ndikukyusa naakulingiriza ye ndi, naakutunga mu mba dho amalobo era naakukwekwebya, naakutoolayo n'eigye lyo lyonalyona omuli embalaasi, n'abaisirukale ab'oku mbalaasi, boonaboona nga bavaire eby'omu lutalo mu bwidhuvu, nga bali igye ikologho lyene. Era nga bagemye engabo enene n'entono, eno bwe bazunza empiima.

Amosi 4:2

Musengwa Katonda alayiire mu butukuvu bwe ati: “Ekiseera kiidha kutuuka abantu babatunge ku malobo, babaghaluudhanie ng'oti n'ebyenhandha bwebabighaluza mu maadhi mwenamwena muja kuba ng'oti n'ebyenhandha ebiri ku malobo.

Matayo 27:24

Pilato bwe yabona nga byonabyona bya bwereere, okudhagalala nga n'okuligho, yaatoola amaadhi yaanaaba mu ngalo mu maiso ag'eikuukuubira ng'akoba ati: “Nze nzira musango ku kuyugha omusaayi ogw'omuntu ono niimwe beene abalibona.”

Ebikolwa by'Abatume 22:22

Abantu baamuwulirisa okutuusa bwe yayogera ekibono ekyo. Agho bainhama okwasiikana nga bakoba bati: “Mumutoolegho, kuba omuntu ng'oti n'oyo tagwaine kuba mulamu.”

Ebikolwa by'Abatume 9:4

Yaagwa ghansi era yaawulira eiroboozi nga limukoba liti: “Saulo, Saulo! Lwaki onkiriga?”