Isaia 37:26 - Baibuli Ekibono kya Katonda 2014

²⁶ Towulirangaku ng'ebyo byonabyona nabitegeka ira nga byakubaagho? Ebyo bye ndeeteire okubaagho mpegaano, nabyekoota ira mu biseera ebyabita. Kyewava n'ozikiriza ebibuga ebyezungulwirwa ebimante ebigumu, ni bifuuka bwa mmungo ya bimunku.

Isaia 37:26 ပူးပေါင်းရင်းမြစ်များ

Amainhama 50:20

Imwe mwayenda okunkola ekibi, aye Katonda yaayenda kiveemu ekirungi olw'okuwonia obulamu obw'abantu kamaala. Abantu abo bakaali balamu mpegaano, olw'ekyo ekyabaagho.

Zabbuli 17:13

Wo Musengwa Katonda, idha olwane n'abazigu bange obaghangule! Kozesa empiima yo omponie, nve mu ngalo dh'abakozi b'ebibi.

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Isaia 10:15

Aye Musengwa Katonda akoba ati: “Empasa esobola okwesuuta eti n'esinga ole agitemesa? Oba, omusumeeni gusobola okwekuluntaliza ku muntu ali kugusaza? Ate oba oluga ti n'oluwuuba ole alugemye, oba omwigo okubbeeda omuntu atali kiti!”

Isaia 17:1

Buno n'obukwenda obugema ku Damasiko. Musengwa Katonda akoba ati: “Bona, Damasiko kija kulekera agho okuba ekibuga, kifuuke bwa mmungo dha bifunfugu.

Isaia 22:11

Mwasima ekidiba mu kibuga, okukuumiramu amaadhi agava mu kidiba kire ekikaire. Aye timwafaayo ku Katonda eyategeka okuva eira ng'ebintu ebyo byakubaagho, era n'abireetera okubaagho.

Isaia 40:21

Obwo bwenebwene timukiidhi era timukiwulirangaku? Ghazira muntu akibakoberangaku okuva mu mainhama? Era timukitegeerangaku okuva ku kutondebwa kw'ensi?

Isaia 40:28

Obwo bwenebwene timukiidhi era timukiwulirangaku? Kale ni bwenebwene Musengwa Katonda oyo ni Katonda atawaagho, eyatonda ensi yoonayoona okuva y'eva okutuuka y'ekanga. Takoogha waire okuwaamu amaani. Era titusobola kutegeera bukalamu magezi ge.

Isaia 45:7

Ninze ndeetagho obutangaavu era ninze ndeetagho n'enzikiiza; ninze ndeetagho enkabi era ninze ndeetagho n'akabi. Nze Musengwa Katonda, ninze nkola ebyo byonabyona.

Amosi 3:6

Eigwala eriraalika olutalo, lifuuyibwa mu kibuga abantu baaloba kutya? Akabi kagwa ku kibuga nga Musengwa Katonda ti n'akasindiike?

Ebikolwa by'Abatume 2:23

Ono yabagheebwa nga Katonda amaze okukiteesa n'okukimanha, era imwe mwakozesa ababi okumwita nga bamukomerera ku musalaba.

1 Petero 2:8

Era biti: “Lino n'eibaale abantu kwe beekontola ni bagangalima, olubaale lwe beeguunhaku ni bagwa.” Bagangalima kuba tibaikiriza kibono, kye kikoba era atyo Katonda bwe yabategekera.

Yuda 1:4

Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw'ekisa kya Katonda nga benda bwisanie n'obudankaanu bwaibwe. Era beegaana Yesu Kurisito Omukulu waife era Musengwa waife yenka ati.