Isaia 37:2 - Baibuli Ekibono kya Katonda 2014

² Yaatuma Eliakimu eyalabiriranga ekisaagaati kya kyabazinga, ni Shebuna omughandiisi, n'abakulira bakabona, baaja eri Isaia omulanzi mutabane wa Amozi nga bavaire kutiya olw'enaku.

Isaia 37:2 ပူးပေါင်းရင်းမြစ်များ

2 Bakyabazinga 18:18

Bwe baayetesa kyabazinga Hezekia, abakungu be bano baidha ye bali: Eliakimu mutabane wa Hilikia, nga n'eyalabiriranga ekisaagaati kya kyabazinga Shebuna eyali omughandiisi w'omu kisaagaati kya kyabazinga ni Yoa mutabane wa Asafu, nga n'eyali omukuumi w'ebighandiiko.

2 Bakyabazinga 19:2

Yaatuma Eliakimu eyalabiriranga ekisaagaati kya kyabazinga, ni Shebuna omughandiisi w'omu kisaagaati kya kyabazinga, n'abakulira bakabona, baaja eri Isaia omulanzi mutabane wa Amozi nga bavaire ekutiya olw'okunakughala.

2 Ebyomubyanda 20:20

Bwe bwakya, baasituka ku nkyo okuja mu irungu ly'e Tekoa. Bwe baali bali kuja, Yehoshafati yaayemerera, yaakoba ati: “Imwe abantu ab'omu Buyudaaya n'ab'omu Yerusalemu, mumpulirise. Mwikirize Musengwa Katonda waimwe, olwo mwidha kuba bagumu. Mwikirize eby'abalanzi be, olwo mwidha kughangula.”

Isaia 1:1

Buno n'obukwenda obugema ku Buyudaaya ni Yerusalemu, Katonda bwe yagha Isaia mutabane wa Amozi mu kubonekerwa. Yabumugha mu kiseera eky'obufuzi bwa bakyabazinga ba Buyudaaya bano: Uzzia, ni Yothamu, ni Ahazi, ni Hezekia. Musengwa Katonda yaakoba ati:

Isaia 20:2

Mu kiseera kyene ekyo Musengwa Katonda yaakoba Isaia mutabane wa Amozi ati: “Ja otoolemu ekutiya y'ovaire, otoolemu n'engaito mu bigere.” Isaia yaakola atyo, yaatambula ng'ali madu era ng'azira ngaito mu bigere.

Isaia 22:12

Era mu biseera ebyo, Musengwa Katonda Afuga Amagye, yali ali kubeeta mulire era mube mu nnaku, mumwe ku mitwe gyaimwe enviiri okudhimaliriraku ng'oti mpaata, era muvaale ekutiya.

Isaia 22:15

Musengwa Katonda Afuga Amagye, yankoba ati: “Ja eri Shebuna omughanika alabirira ekisaagaati kya kyabazinga, omukobe oti,

Isaia 22:20

Musengwa Katonda yaakoba Shebuna ati: “Olunaku olwo bwe lulituuka, ndyeta omugheereza wange Eliakimu mutabane wa Hilikia,

Isaia 36:3

Agho abakungu bano Abayudaaya baidha ye bali: Eliakimu mutabane wa Hilikia, nga n'eyalabiriranga ekisaagaati kya kyabazinga Shebuna eyali omughandiisi w'omu kisaagaati kya kyabazinga ni Yoa mutabane wa Asafu, nga n'eyali omukuumi w'ebighandiiko.

Isaia 37:14

Kyabazinga yaatoola embaluwa eyo ku bakwenda, yaagisoma. Yaamala yaaja mu isinzizo, yaagyandhuluza mu maiso ga Musengwa Katonda,

Isaia 37:21

Agho Isaia mutabane wa Amozi yaagheereza Hezekia obukwenda obukoba buti: “Musengwa Katonda wa Isiraeli akoba ati awuliire okusaba kwo ku bigema ku Sennakeribu kyabazinga w'e Assiria.

Isaia 38:1

Agho mu biseera ebyo, Hezekia yaalwala inho kumpi afe. Omulanzi Isaia mutabane wa Amozi yaajaayo okumubona, yaamukoba ati: “Musengwa Katonda akoba ati, ‘Tegeka eby'omu ndhu yo bukalamu, kuba oja kufa, toidha kuwona.’ ”

Yoeli 1:13

Imwe bakabona muvaale ekutiya mulire enaku, muwowoole imwe abagheereza ku alutaari. Imwe abagheereza ba Katonda wange, mwingire mu isinzizo musule nga muvaire kutiya olw'okunakughala; kuba tighakaali bigheebwayo bya mere ya mpeke waire ebigheebwayo eby'okunhwa ebireetebwa mu isinzizo lya Katonda waimwe.