Isaia 37:12 - Baibuli Ekibono kya Katonda 2014

¹² Badhaadha bange baazikiriza ebibuga, Gozani, ni Harani, ni Rezefu, era baazikiriza abantu Abaedeni abaali mu Telassari. Aye ghaalighooku omusambwa waire omulala ogwasobola okubawonia?

Isaia 37:12 ပူးပေါင်းရင်းမြစ်များ

Amainhama 11:31

Tera yatwala mutabane Aburamu, ni mwidhukulu we Loti, eyali mutabane wa Harani, era yaatwala ni mukaamwana Sarai, eyali muka Aburamu. Yaaja nabo, baava mu Uri ekiri mu nsi ey'Abakaladea, nga baja mu kiketezo eky'e Kanaani. Aye bwe baatuuka mu Harani, baasenga eyo.

Amainhama 11:32

Tera yaafiira eyo ng'agheza emyaka bikumi bibiri n'etaanu (205) egy'obukulu.

Amainhama 12:14

Aburamu bweyaingira mu Misiri, Abamisiri baabona nga bwenebwene omukazi yali mulungi inho.

Amainhama 2:8

Musengwa Katonda yaataagho enimiro mu Edeni ku luuyi olw'e buvandhuba yaata omwo omuntu ye yali amaze okuwumba.

Amainhama 28:10

Yakobo yaava mu Beerisheba, yaaja ng'ayolekeire Harani.

Amainhama 29:4

Yakobo yaabuuza abaayi ab'ebighaso eby'entaama bire ebisatu, ati: “Bakagwa, muviira gha?” Bairamu bati: “Tuviira Harani.”

2 Bakyabazinga 17:6

Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

2 Bakyabazinga 18:11

Kyabazinga w'e Assiria yaakukumba abantu ab'omu Isiraeli yaabatwala mu Assiria. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedi.

2 Bakyabazinga 19:12

Badhaadha bange baazikiriza ebibuga, Gozani, ni Harani, ni Rezefu, era baazikiriza Abaedeni abaali mu Telassari. Aye ghaalighooku omusambwa waire omulala ogwasobola okubawonia?

Isaia 36:18

Aye mutawulirisa Hezekia ali kubaguyaguya ati, ‘Musengwa Katonda aidha kutuwonia!’ Ghalighooku omusambwa waire omulala guti ogw'abamaghanga agandi ogwali gusoboireku okuwonia ensi yaagwo ni gugitoola mu ngalo dha kyabazinga w'e Assiria?

Isaia 36:19

Emisambwa egy'e Hamathi n'egy'e Arupadi, buti giri gha? Ate emisambwa egy'e Sefarivaimu, buti giri gha? Gyali giwoniizaaku ekibuga Samaria, kyanva mu ngalo?

Isaia 36:20

Musambwa ki, ku misambwa egy'ensi dhoonadhoona, ogwali guwoniizaaku ensi yaagwo ni gugintoola mu ngalo, memale olwo katyo mulowooze muti Musengwa Katonda asobola okuwonia Yerusalemu, yaakintoola mu ngalo?”

Isaia 37:13

Bakyabazinga ab'ebibuga, Hamathi, ni Arupadi, ni Sefarivaimu, ni Hena, ni Ivva, buti bali gha?’ ”

Ezekieli 27:23

Ab'e Harani, n'ab'e Kanne, n'ab'e Edeni, n'ab'e Sheba, n'ab'e Assihuri, n'ab'e Kilimadi, boonaboona baasuubulagana n'iwe.

Ezekieli 28:13

Wabanga mu Edeni, enimiro ya Katonda. Ng'ovaala eby'okwewoomya ebyakolebwa mu mabaale ag'omughendo: sarudio, topazi, yasipera, kurisolito, berulo, onikisi, saffiro, karabunkule ni emeraludo. Era ng'oba n'ebyamadholobera ebya zaabu. Ebyo byonabyona byakolebwa ku lunaku lwe watonderwaku.

Amosi 1:5

Era nja kumenha olwigi olwigala ekibuga ekyo Damasiko, nzikirize abantu ababa mu kiiko ekyetebwa Aveni, n'omufuzi ow'e Bethedeni. Abantu ab'e Siria baja kutwalibwa mu nsi Kiri nga banhage.”

Ebikolwa by'Abatume 7:2

Sitefano yaakoba ati: “Balata ni baganda bange mumpulirise. Katonda ow'ekitiisa yabonekera dhaadha waife Aburahamu bwe yali mu Mesopotamia ng'akaali kuja kuba mu Harani,