Isaia 37:1 - Baibuli Ekibono kya Katonda 2014

¹ Kyabazinga Hezekia bwe yawulira ebibono ebyo, yaakanulamu ebivaalo bye era yaavaala ekutiya olw'enaku. Agho yaaja mu isinzizo.

Isaia 37:1 ပူးပေါင်းရင်းမြစ်များ

2 Bakyabazinga 22:11

Agho kyabazinga bwe yawulira ebyasomwa mu kitabo ky'Amateeka, yaakanulamu ebivaalo bye olw'okunakughala.

2 Ebyomubyanda 32:20

Agho kyabazinga Hezekia ni Isaia omulanzi mutabane wa Amozi, baalirira Katonda nga bamusaba okubabeera.

Ezera 9:5

Ekiseera eky'okughaayo omusengo ogw'eigulo bwe kyatuuka, naasituka ghe nali ntyaime nga ndi kusiiba era nga nkaali mu bivaalo byange ebikanufu. Naakuba amakiryaivu era naayandhululiza eri Musengwa Katonda wange emikono nga nkoba nti:

Isaia 22:12

Era mu biseera ebyo, Musengwa Katonda Afuga Amagye, yali ali kubeeta mulire era mube mu nnaku, mumwe ku mitwe gyaimwe enviiri okudhimaliriraku ng'oti mpaata, era muvaale ekutiya.

Isaia 36:22

Agho Eliakimu mutabane wa Hilikia, nga n'eyalabiriranga ekisaagaati kya kyabazinga, ni Shebuna eyali omughandiisi w'omu kisaagaati kya kyabazinga, era ni Yoa mutabane wa Asafu, nga n'eyali omukuumi w'ebighandiiko, baaja eri Kyabazinga Hezekia nga bakanwiremu ebivaalo byaibwe olw'enaku. Baamukobera omukungu w'e Assiria bye yakoba.

Isaia 37:14

Kyabazinga yaatoola embaluwa eyo ku bakwenda, yaagisoma. Yaamala yaaja mu isinzizo, yaagyandhuluza mu maiso ga Musengwa Katonda,

Yeremia 26:19

Abakulu ab'ebika abo baayongera okukoba bati: Mulowooza muti kyabazinga Hezekia n'abantu b'omu Buyudaaya baamala baita Mika oyo? Busa naire. Mu kifo eky'okumwita, kyabazinga Hezekia oyo yata bwa mu Musengwa Katonda kitiibwa era yaagezaaku okukola ebisiimya Musengwa Katonda oyo. Era Musengwa Katonda yakyusa ekirowoozo kye, yaaloba kubaleetaku kabi ke yali akobye okubaleetaku. Aye ife mperaano tuli kwenda okwereetaku akabi akanene einho.”

Yeremia 36:24

Aye k'abe kyabazinga mwene, oba abakungu be abaawulira ebyo nga bisomebwa, tighaaligho naire omulala ati eyatya oba eyakanulamu ebivaalo bye okwoleka nga bw'anakughaire.

Matayo 11:21

Yaakoba ati: “Abantu ab'e Korazini, mukagwireku! N'abe Bethisaida, mukagwireku! Kuba ebyewuunhio ebikolerwa mu imwe nguli byali bikoleirwa mu Tiro ni Sidoni, nguli beenenia, baavaala ekutiya, beebbaaka n'eivu.