Isaia 36:9 - Baibuli Ekibono kya Katonda 2014

⁹ Oba nga timusobola naire kulwanisa muduumizi mulala ati ow'eidaala erisembayo mu baduumizi b'eigye lya musengwa wange, olwo musobola mutya okwesiga ensi Misiri olw'ebigaali byayo eby'omu lutalo n'olw'abavuzi baayo ab'embalaasi?

Isaia 36:9 ပူးပေါင်းရင်းမြစ်များ

2 Bakyabazinga 18:24

Oba nga timusobola naire kulwanisa muduumizi mulala ati ow'eidaala erisembayo mu baduumizi b'eigye lya musengwa wange, olwo musobola mutya okwesiga ensi Misiri olw'ebigaali byayo eby'omu lutalo n'olw'abavuzi baayo ab'embalaasi?

2 Bakyabazinga 7:6

kuba Musengwa Katonda yaaleetera ab'eigye lya Siria okuwulira okupakalana okw'ebigaali eby'omu lutalo, n'okugabbalya okw'ebigere by'embalaasi, nga kuli ng'oti kwa igye inene. Kale beekobaana beene na beene bati: “Bona, kyabazinga wa Isiraeli apangiisa bakyabazinga ab'Abahitti n'ab'Abamisiri okwidha okutulwanisa!”

Ensambo 21:31

Abantu basobola okutegeka embalaasi okulwana olutalo, aye Musengwa Katonda n'agaba obughanguzi.

Isaia 10:8

Yeesuuta ati, ‘Kiisi muduumizi wa magye gange yeenayeena, aba kyabazinga mulamba.

Isaia 20:5

Abo abaali beesigulira ku Ethiopia okubabeera, n'abaali beenhumiriza mu Misiri, balisoberwa baawaamu n'eisuubi.

Isaia 30:7

Obuyambi ensi Misiri bw'ebagha buzira kye bubaganhula waire okubagasa. Kyenviire ntuuma Misiri eyo eriina, ‘Ogusota Rahabu ogutamoodha.’ ” Agho Katonda yankoba ati:

Isaia 31:3

Abamisiri bantu buntu, se ti Katonda. N'embalaasi dhaibwe dhiri na mubiri, se ti mwoyo mwereere. Musengwa Katonda bw'aligalula omukono gwe okubonereza, abayambi baligangalima, era n'abo be bayamba baagwa, olwo boonaboona baazikirira.

Isaia 36:6

Bona, oli kwesiga ensi Misiri eri ng'oti n'olugada olumenhefu, olufumita engalo dh'oyo alugema n'alwesigamaku. Atyo kyabazinga w'e Misiri bw'ali y'abo abamwesiga.’ ”

Isaia 36:8

Mpegaano ni, ka mbasonsoonie mu liina lya musengwa wange kyabazinga ow'e Assiria: ndidha kubagha imwe embalaasi enkumi ebiri (2,000), bwe munaasobola okufunayo abanaadhivuga!

Yeremia 2:36

Lwaki mukyukakyuka ni mujiira ku misambwa gy'abamaghanga agandi? Kale ni Misiri eidha kubaleka mu ibbanga, ng'oti ni Assiria bwe yakola.

Amateeka Agokubiri 17:16

Era kyabazinga oyo atagezangaku kufuna mbalaasi kamaala, waire okwizaayo abantu e Misiri ayongere okufunayo embalaasi edhisingagho obungi. Kuba Musengwa Katonda yakoba ati timuja kwirayo eyo kabiri.