Isaia 36:8 - Baibuli Ekibono kya Katonda 2014

⁸ Mpegaano ni, ka mbasonsoonie mu liina lya musengwa wange kyabazinga ow'e Assiria: ndidha kubagha imwe embalaasi enkumi ebiri (2,000), bwe munaasobola okufunayo abanaadhivuga!

Isaia 36:8 ပူးပေါင်းရင်းမြစ်များ

1 Bakyabazinga 20:10

Agho Benihadadi yaamusindikira obukwenda, ng'akoba ati: “Ndidha kuleeta abasaadha bange bazikirize Samaria, bakifuule ng'oti nkungu bukungu, ate era enkungu eyo erobe na kubabuna buli mulala okuyoolaku omuganda. Ekyo bwe ntaakituukirize, emisambwa gimbonerezanga n'obukambwe.”

1 Bakyabazinga 20:18

Yaalagira ati: “Bwe baba nga baidhie lwa miraala, mubageme mubaleete nga balamu, ni bwe banaaba nga baidhie kulwana, era mubageme mubaleete nga balamu.”

2 Bakyabazinga 14:14

Yaanhaga zaabu ni feeza yeenayeena, n'ebintu ebikozesebwa byonabyona bye yayagaana mu isinzizo lya Musengwa Katonda, n'eby'obukombe eby'omu kisaagaati kya kyabazinga, era yaatwala n'abantu ng'omusingo. Agho yairayo e Samaria.

2 Bakyabazinga 18:13

Mu mwaka ogweikumi n'ena (14) nga kyabazinga Hezekia n'afuga Buyudaaya, Sennakeribu kyabazinga w'e Assiria yaalumba ebibuga byonabyona ebya Buyudaaya ebyezungulwirwa ebimante ebigumu, yaabighangula.

2 Bakyabazinga 18:23

Mpegaano ni, ka mbasonsoonie mu liina lya musengwa wange kyabazinga w'e Assiria: ndidha kubagha imwe embalaasi enkumi ebiri (2,000), bwe munaasobola okufunayo abanaadhivuga!

Isaia 36:2

Agho kyabazinga w'e Assiria oyo yaasindika omukungu we akulira baine boonaboona, ave e Lakishi ng'ali n'eigye eikologho, aje alumbe kyabazinga Hezekia e Yerusalemu. Bwe baatuukayo, baayemerera gha mweta oguleeta amaadhi okuva mu nsulo y'eitale eri ku ngira eja mu kifo ekyetebwa Ekyolezo.

Isaia 36:7

Omukungu Omuassiria yaayongera okukoba ati: “Aye bwe munkoba muti, ‘Twesiga Musengwa Katonda waife,’ ndidha kubabuuza nti, ‘Musengwa Katonda oyo ti n'oyo Hezekia ye yatooleragho ebifo bye ebigulumivu eby'okusinzizangamu ni alutaari dhe, era Hezekia oyo n'akoba abantu ab'omu Buyudaaya ni mu Yerusalemu ati okusinzizanga ku alutaari endala ey'omu Yerusalemu yonka?’

Isaia 36:9

Oba nga timusobola naire kulwanisa muduumizi mulala ati ow'eidaala erisembayo mu baduumizi b'eigye lya musengwa wange, olwo musobola mutya okwesiga ensi Misiri olw'ebigaali byayo eby'omu lutalo n'olw'abavuzi baayo ab'embalaasi?