Isaia 36:16 - Baibuli Ekibono kya Katonda 2014

¹⁶ Mutawulirisa Hezekia, kuba kyabazinga w'e Assiria akoba ati, ‘Muveeyo bya bulungi mwegheeyo ye ndi. Olwo kiisi muntu aidha kulyanga ku bibala eby'emizabbibu egigye gyene, n'eby'emiti emitiini egigye gyene, era anhwenga amaadhi ag'omu nsulo eyiye yeene,

Isaia 36:16 ပူးပေါင်းရင်းမြစ်များ

Amainhama 32:20

Munaamukoba muti ‘Bwenebwene omugheereza wo Yakobo ali kutuvaaku einhuma!’ Kuba Yakobo yakoba mule ati, ‘Ndidha kumuwooyawooya n'ebirabo ebinkulembeiremu, olwo bwe nnaamwagaana, katyo anaatusangaalira.’ ”

Amainhama 33:11

Nkweghembye, ganha otwale ekirabo kino kye nkuleeteire, kuba Katonda yangemerwa ekivunika yampa byonabyona bye neetaaga.” Yakobo yaayongera okumweghemba okutuusa Esau lwe yaganha.

2 Samueli 8:6

Agho Daudi yaata enkambi edh'abalwani mu Aramu eky'e Damasiko, Abasiria baafuuka bagheereza be nga bamugha omusolo. Musengwa Katonda yaaghanga Daudi obughanguzi buli ye yajanga.

1 Bakyabazinga 4:20

Abantu mu Buyudaaya ni mu Isiraeli baali kamaala inho ng'oti musenho oguba ku mbali kw'enhandha, era baalyanga n'okunhwa baanhwanga, nga basangaavu.

1 Bakyabazinga 4:25

Ekiseera kyonakyona kye yamala nga mulamu, abantu boonaboona mu Buyudaaya ni mu Isiraeli, baali mu miraala okuva e Dani okutuuka e Beerisheba. Buli maka gaabanga n'eisamba lyago ery'emizabbibu n'ery'emiti emitiini.

2 Bakyabazinga 18:31

Mutawulirisa Hezekia, kuba kyabazinga w'e Assiria akoba ati, ‘Muveeyo bya bulungi mwegheeyo ye ndi. Olwo kiisi muntu aidha kulyanga ku bibala by'emizabbibu egigye ku bubwe, n'eby'emiti emitiini egigye ku bubwe, era anhwenga amaadhi ag'omu nsulo eyiye ku bubwe,

2 Bakyabazinga 5:15

Yairayo y'omuntu wa Katonda ghalala ni be yali nabo boonaboona, yaayemerera mu maiso ge, yaakoba ati: “Bona, mpegaano ntegeereire irala nga mu nsi muzira katonda wundi okutoolaku Katonda wa Isiraeli. Kale ganha nze omugheereza wo nkughe ekirabo kye nkuleeteire.”

Ensambo 27:18

Omuntu alabirira omuti omutiini alya ku bibala byagwo, n'ole alabirira musengwa we ateebwamu ekitiibwa.

Ensambo 5:15

Mwana wange, mukazi wo ali ng'oti n'ensulo ey'amaadhi amalungi. Kale ni banga mwesiga ng'onhwa amaadhi ag'omu nsulo yo yonka.

Isaia 36:17

okutuusa lwe ndiidha ni mbatwala mu nsi eri ng'oti n'eyaimwe yeene, ensi erimu engaano ey'okufumbamu emigaati, n'amasamba ag'emizabbibu ag'okutoolangamu omwenge ogw'emizabbibu.’

Mika 4:4

Buli muntu aidha kuwuliranga emiraala ng'ali mu masamba ge ag'emizabbibu n'ag'emiti emitiini, nga ghazira muntu yeenayeena amutiisa naire. Kuba Musengwa Katonda afuga amagye, mwene n'akobye.

Zekaria 3:10

Okuva olunaku olwo, buli muntu alyetanga mwine aje ewuwe awuumulireku mu isamba lye ery'emizabbibu n'ery'emitiini.”

2 Ab'e Korintho 9:5

Kale nakibona nga kikalamu okukoba aboluganda bano bansooke okwidha eyo, bategekere irala ekirabo kye mwasuubiza. Nze nje okwidha nga kirigho, kino kyoleke nga mugaba lwa kweyendera aye ti lwa nnaakola ntya.

1 Samueli 11:3

Abakulembeze b'e Yabeshi baamweghemba bati: “Tughe ekiseera kya nnaku musanvu, tughange okutuma abakwenda mu Isiraeli mwonamwona. Bwe ghataabeegho atununula, olwo twidha kweghaayo y'oli.”

1 Samueli 25:27

Era mperaano, musengwa wange, ekirabo kino nze omugheereza wo omukazi kye nkuleeteire, kighe abasaadha bo.