Isaia 36:12 - Baibuli Ekibono kya Katonda 2014

¹² Omukungu Omuassiria yairamu ati: “Mulowooza muti musengwa wange yantuma okukobera ebibono ebyo musengwa waimwe kyabazinga n'imwe mwenka? Busa, yantuma okubikobera n'abantu abo abatyaime ku kimante, abanaatuuka n'okulya obubi obwaibwe bwene n'okunhwa enkali eyaibwe yeene, ng'oti n'imwe bwe munaakola.”

Isaia 36:12 ပူးပေါင်းရင်းမြစ်များ

2 Bakyabazinga 18:27

Omukungu Omuassiria yairamu ati: “Mulowooza muti musengwa wange yantuma okukobera ebibono ebyo musengwa waimwe n'imwe mwenka? Busa, yantuma okubikobera n'abantu abo abatyaime ku kimante, abanaatuuka n'okulya obubi obwaibwe bwene n'okunhwa enkali eyaibwe yeene, ng'oti n'imwe bwe munaakola.”

Isaia 36:11

Agho Eliakimu mutabane wa Hilikia, ni Shebuna, ni Yoa, baakoba omukungu oyo Omuassiria bati: “Tukweghembye, yogera n'ife mu lulimi Oluaramaika, kuba tulutegeera. Aye otayogera n'ife mu Luheburayi ng'abantu abali ku kimante bawulira.”

Isaia 36:13

Agho omukungu Omuassiria oyo yaayemerera, yaalangirira mu lulimi Oluyudaaya, ng'ayogera mu mamiro ag'amaani ati: “Muwulire kyabazinga omukologho ow'e Assiria ky'akoba!

Isaia 9:20

Abantu balinhakula buli ghantu mu nsi eyo aye nga tibamatira, era baalya buli kamere ke balyagaana ghano ni ghale aye nga tibaiguta. Balituuka n'okulya abaana abaibwe beene.

Yeremia 19:9

Abazigu balizingiza ekibuga kino okukyezunguluza nga benda okwita abantu baamu. Okuzingiza ekibuga kino kuliba kukambwe inho, abantu abaliba munda baatuuka n'okulya banaibwe, era n'okulya abaana baibwe beene.’ ”

Ezekieli 4:12

Oidha kukozesanga obubi bw'abantu obukalu ng'enku, obukumisenga omuliro gw'onaafumbisanga emere, ng'eri mu nsambo ya mugaati gwa sayiri. Ekyo oidha kukikolanga ng'abantu babona.”

Ezekieli 4:16

Era yaayongera okunkoba ati: “Iwe omuntu, bona eno, nja kulekeza emere okwidha mu Yerusalemu. Abantu baidha kulyanga mere mpime bupime nga bali mu kutya kwereere, n'amaadhi goona banhwenga mapime bupime nga beeraliikirivu.

Abalevi 26:29

Endhala ey'amaani einho eidha kubalumanga, mutuuke n'okulyanga abaana baimwe.