Isaia 36:11 - Baibuli Ekibono kya Katonda 2014

¹¹ Agho Eliakimu mutabane wa Hilikia, ni Shebuna, ni Yoa, baakoba omukungu oyo Omuassiria bati: “Tukweghembye, yogera n'ife mu lulimi Oluaramaika, kuba tulutegeera. Aye otayogera n'ife mu Luheburayi ng'abantu abali ku kimante bawulira.”

Isaia 36:11 ပူးပေါင်းရင်းမြစ်များ

Ezera 4:7

Kabiri mu kiseera Arutazerizesi mwe yabeera nga ni kyabazinga w'e Perusia, Bishilamu, ni Mithuredathi, ni Tabeeli, ghalala ni bakagwa baibwe abandi boonaboona, baamughandiikira embaluwa. Embaluwa eyo yakyusibwa okuva mu lulimi Oluaramaika.

Isaia 22:15

Musengwa Katonda Afuga Amagye, yankoba ati: “Ja eri Shebuna omughanika alabirira ekisaagaati kya kyabazinga, omukobe oti,

Isaia 22:20

Musengwa Katonda yaakoba Shebuna ati: “Olunaku olwo bwe lulituuka, ndyeta omugheereza wange Eliakimu mutabane wa Hilikia,

Isaia 36:12

Omukungu Omuassiria yairamu ati: “Mulowooza muti musengwa wange yantuma okukobera ebibono ebyo musengwa waimwe kyabazinga n'imwe mwenka? Busa, yantuma okubikobera n'abantu abo abatyaime ku kimante, abanaatuuka n'okulya obubi obwaibwe bwene n'okunhwa enkali eyaibwe yeene, ng'oti n'imwe bwe munaakola.”

Isaia 36:13

Agho omukungu Omuassiria oyo yaayemerera, yaalangirira mu lulimi Oluyudaaya, ng'ayogera mu mamiro ag'amaani ati: “Muwulire kyabazinga omukologho ow'e Assiria ky'akoba!

Danieli 1:4

Abaisuka abo baali n'okuba nga baziraku kikyamu kyonakyona, nga baboneka bulungi, nga bali n'obukugu mu bye bakola, nga bagezi, nga beega mangu, era nga basobola okugheereza mu kisaagaati kya kyabazinga. Era baali n'okusomesebwa empandiika n'endhogera ey'olulimi Olubabilonia.

Danieli 2:4

Baamwiramu mu lulimi Oluaramaika bati: “Isebantu kyabazinga, ghangaala byanda na byanda. Ife abagheereza bo tuli kukusaba otukobere ekirooto ekyo, twidha kuvuunula amakulu gaakyo.”