Isaia 35:7 - Baibuli Ekibono kya Katonda 2014

⁷ Omusenho ogwokya gulifuukamu nhandha, n'eitaka eikalu ery'olubbalangu lyafuuka nsulo dha maadhi. Ekifo ebibe mwe byabanga, mulimeramu isubi na bitoogo.

Isaia 35:7 ပူးပေါင်းရင်းမြစ်များ

Zabbuli 107:35

Afuula aghabaire eirungu ghairagho ebidiba eby'amaadhi, ate aghabaire eitaka eikalu, ghaafuukagho enhindo edhivaamu emiiga.

Isaia 13:22

Empiti dhinaabwigukiranga mu minaala gyayo, n'ebibe byaboigokeranga mu ndhu dhaayo enkalamu. Ekiseera kya Babiloni eky'enkomerero kituuse! Enaku dhaakyo dhinaatera okuwaaku!”

Isaia 19:6

Emyala egigufukamu amaadhi giriwunha ekivundu, era gyaja nga giwaamu amaadhi okutuusa okukala, n'ebitoogo byaniala.

Isaia 29:17

Ekaabulayo akaseera katono, ekibaire ekibira ekizibirivu eky'e Lebanoni bakifuulemu enimiro edhigimusa ebirime, ate ebaire enimiro egimusa ebirime eiremu okuba ekibira.

Isaia 30:25

Ku lunaku ebimante ebigumu eby'abazigu baimwe lwe birigemwa era abazigu ni baitibwa kamaala, amaadhi amangi galiba gakuuluula nga gava ku nsozi dhoonadhoona endeeyi ni ku busozi bwonabwona obugulumivu.

Isaia 34:13

Endhu dhaayo dirimeramu amawa, n'ebifo byayo eby'okwewogomamu byameramu ensiko n'enkandwa. Era biribangamu bwa bibe na biwigulu.

Isaia 41:18

Ndireetera emiiga okukuuluula nga giva ghaigulu ku nsozi edhiziraku kantu, naataagho enhindo edh'ensulo dh'amaadhi mu biiko. Ndifuula eirungu lyaba kidiba kya maadhi, n'eitaka eikalu lyabaamu ensulo edh'amaadhi agakuuluula.

Isaia 43:20

Ensolo edh'omu nsiko dhirintaamu ekitiisa, n'ebibe ni maaya byansaaka; olw'okuba ntaagho emiiga mu nsi enkalukalu naaleetera amaadhi okuba mu irungu, olwo naagha abantu bange be nalondamu okunhwa.

Isaia 48:21

Musengwa Katonda oyo bwe yali ng'ali kubisa abantu be mu irungu, endiwo tiyabagema naire; kuba yayatisa olubaale, amaadhi gaatiiriika nga gava mu lutanda olwo, atyo yaabagha amaadhi okuva mu lubaale olwo.

Isaia 49:10

Endhala teribalumanga waire endiwo okubagemanga. Empewo ebabula teribafuuwanga waire omusana okubookyanga; kuba oyo abagemerwa ekivunika alibakulembera, yaabatuusa ku nsulo dh'amaadhi.

Ezekieli 47:8

Agho yankoba ati: “Amaadhi ago gakuuluula nga gaja mu biketezo eby'e buvandhuba ebiri mu kiiko ekirimu omwiga Yorudani. Bwe gatuuka mu maadhi ag'omu nhandha, galongoosa amaadhi ago ag'omu nhandha gaafuuka malungi.

Matayo 21:43

“Kale ni ka mbakobere: Obwakyabazinga bwa Katonda bulibatoolebwaku bwagheebwa eighanga eryama ebibala byabwo. [

Luka 13:29

Eriyo abaliva ku luuyi olw'e buvandhuba n'olw'e bugwandhuba abaliva ku luuyi olw'omukono omugooda olw'e buvandhuba ni ku luuyi olw'omukono omusaadha olw'e buvandhuba, baatyama ku mbaga mu Bwakyabazinga bwa Katonda.

Yoanne 4:14

aye kiisi anhwa ku maadhi ge mmugha, taliirayo kuba ndiwo. Amaadhi ago ge ndimugha, mu oyo galifuuka ensulo ey'amaadhi agagha obulamu era gaamugha obulamu obutawaagho.”

Yoanne 7:38

Era ng'Ebyaghandiikibwa bwe bikoba, ‘Kiisi andhikiriza emiiga egy'amaadhi ag'obulamu giriviira mu mwoyo gwe.’ ”

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

Okwolekebwa 18:2

Yaayogera n'eiroboozi ery'amaani ati: “Agwire, agwire Babiloni omukologho! Afuuse kifo omwesololeza emizimu emibi egya buli nsambo, na kiisi nhonhi mbi etali nongoofu.

Abalamuzi 6:38

Era kityo bwe kyali. Gideoni bwe yazuuka ku nkyo, yaakamula omusulo ogwali mu buviiri bw'entaama, mwavaamu amaadhi agamala okwidhuza n'ekibya ekiramba.