Isaia 35:6 - Baibuli Ekibono kya Katonda 2014

⁶ Olwo omulema alituuma ng'oti mpongo, ni kasiru yaayemba olw'eisanhu; kuba amaadhi galitimbuka mu nhindo edh'ensulo mu irungu, gaakuuluulira mu nsi eyo enkalukalu.

Isaia 35:6 ပူးပေါင်းရင်းမြစ်များ

Nehemia 9:15

Wabagha emere okuva mu igulu okubawonia endhala, era waabagha amaadhi okuva mu lubaale okubawonia endiwo. Waabakoba baje batoole ebiketezo bye wasuubiza okubagha, bibe ebyaibwe ku bwaibwe.

Zabbuli 107:35

Afuula aghabaire eirungu ghairagho ebidiba eby'amaadhi, ate aghabaire eitaka eikalu, ghaafuukagho enhindo edhivaamu emiiga.

Zabbuli 46:4

Eriyo omwiga oguli n'emyala egireeta eisanhu mu kibuga kya Katonda, agho mu ndhu entukuvu aghali oyo Ali Ghaigulu Yeene.

Zabbuli 51:15

Wo Musengwa Katonda, nhamba ompe okwogera, ndidha kukusaakanga.

Okuvaayo 17:6

Nze ndidha kuba nga ndi eyo ku lusozi Horebu emberi waimwe. Oidha kukuba olubaale era amaadhi gaidha kuvaamu, abantu ge baghanga okunhwa.” Musa yaakola atyo ng'abakulu ab'ebikunsu mu Isiraeli babona.

Isaia 30:25

Ku lunaku ebimante ebigumu eby'abazigu baimwe lwe birigemwa era abazigu ni baitibwa kamaala, amaadhi amangi galiba gakuuluula nga gava ku nsozi dhoonadhoona endeeyi ni ku busozi bwonabwona obugulumivu.

Isaia 32:2

Buli muntu ku abo aliba ng'oti kifo kya kwekwekamu okuwona empewo era ng'oti mpuku ya kwewogomamu okuwona kiwunga. Baliba ng'oti miiga gya maadhi mu nsi enkalu ey'eirungu, era ng'oti kinsense eky'ogubaale ogukologho mu kiketezo ekikalukalu.

Isaia 32:4

Abantu aboogera nga tibasoose kulowooza baliba n'obuguminkiriza, n'enimi edh'abali n'ebiguguma dhiryogera ebitegeerekeka obukalamu.

Isaia 33:23

Emigugha egy'abazigu tigikaasobola kunhwegula mulongooti gwa lyato mu kifo kyagwo, waire okwandhuluza eitanga. Kale ebintu byonabyona eby'abazigu ebingi einho, birifuuka omunhago gwaife, nga n'abalema boona basobola okunhaga ku ogwo.

Isaia 35:1

Eirungu lirisagamba, ensi enkalukalu yaamulisa ebimuli.

Isaia 42:11

Eirungu n'ebibuga ebirimu ka byembere kulala nga bisaaka Katonda, n'abantu ab'e Kedari bamusaake. Abantu b'e Sela leka bakube emizira nga bali ku ngulu ku nsozi.

Isaia 44:3

Ndireeta amaadhi gaagwa mu nsi eziramu waire itondo lya maadhi, era naata emiiga mu itaka eryakala. Ndireeta omwoyo gwange gwaika ku baana baimwe, era naayugha enkabi dhange ku baidhukulu baimwe.

Isaia 48:21

Musengwa Katonda oyo bwe yali ng'ali kubisa abantu be mu irungu, endiwo tiyabagema naire; kuba yayatisa olubaale, amaadhi gaatiiriika nga gava mu lutanda olwo, atyo yaabagha amaadhi okuva mu lubaale olwo.

Isaia 51:3

Ndisaasira Yerusalemu n'abantu boonaboona ababa mu bifo byakyo ebyayonoonebwa. Ebiketezo byakyo eby'eirungu ndibifuula byaba ng'oti n'enimiro y'Edeni, ng'oti n'enimiro yange yeene nze mwene ye neerimira. Okusangaala n'okusagamba n'ebiribanga eyo, nga kw'otaire n'enhembo edh'okuneebaza n'okunsaaka.

Yoeli 3:18

Mu kiseera ekyo, ensozi dhiriidhula enimiro dh'emizabbibu, n'obusozi bwaidhula ente edhikamwa. Obwiga bw'omu Buyudaaya bwonabwona buliidhula amaadhi. Era ghalibaagho ensulo ey'amaadhi erikuuluula ng'eva mu isinzizo lya Musengwa Katonda, yaaja yaafukirira Ekiiko eky'e Shittimu.

Zekaria 14:8

Mu kiseera ekyo amaadhi amalungi galikuuluula nga gava mu Yerusalemu. Galyegabamu ghabiri agandi gaaja mu nhandha eri e buvandhuba, ate agandi gaaja mu nhandha eri e bugwandhuba. Galikuuluula omwaka gwonagwona nga tigalekera, ka bibe ebiseera eby'akasana oba eby'ekiinhogogo.

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Okubala 20:11

Era Musa yaagalula omukono yaakuba olubaale emikuzi ebiri n'omwigo gwe. Amaadhi amangi einho gaava mu lubaale olwo, abantu baanhwa n'ebyayo byaibwe.

Matayo 11:5

Abatulu babona, abalema batambula, abali n'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi.

Matayo 12:22

Agho Yesu baamuleetera omuntu aliku omuzimu omubi nga mutulu era kasiru, yaamuwonia yaaba ng'aghanga okwogera era n'okubona.

Matayo 21:14

Abatulu n'abalema baaja ghe yali mu isinzizo, era yaabawonia.

Luka 1:64

Mangu ago omunwa gwazibuka, olulimi lwasibulukuka, yaayogera era yaasaaka Katonda.

Luka 11:14

Agho olwatuuka, Yesu yaabinga ku muntu omuzimu omubi, nga ni gukasiru. Omuzimu bwe gwamuvaaku, kasiru yaatoolera okwogera, era abantu kamaala beewuunhia inho.

Ebikolwa by'Abatume 3:2

Ghaabaagho omusaadha ye baali basitwire, nga mulema okuva lwe yava mu nda ya inhina, era buli lunaku yabanga agho ku mulyango ogw'eisinzizo, ogwetebwa Omulungi, ng'asabiriza empiiya ku bangira mu isinzizo.

Ebikolwa by'Abatume 8:7

Kuba emizimu emibi gyava ku bantu kamaala nga gyasiikanira ghaigulu, era abagongobavu n'abalema kamaala baawonezebwa.

Ab'e Kolosai 3:16

Ekibono kya Kurisito n'obukombe bwakyo kibenga mu myoyo gyaimwe. Buli muntu ayegeresenga era agalagirenga mwine mu magezi goonagoona. Mwembenga zabbuli n'enhembo edhisaaka Katonda, n'enhembo edh'omwoyo nga mwoleka okusiima kwaimwe mu myoyo gyaimwe eri Katonda.

Okwolekebwa 22:1

Agho malaika yandholeka omwiga ogw'amaadhi ag'obulamu agabitamu amaiso, oguva mu kityamo kya Katonda n'eky'Entaama Ento.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.