Isaia 35:2 - Baibuli Ekibono kya Katonda 2014

² Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 35:2 ပူးပေါင်းရင်းမြစ်များ

1 Ebyomubyanda 16:33

Memale olwo emiti gyonagyona egy'omu kibira gyembe n'eisanhu mu maiso ga Musengwa Katonda, kuba ali kwidha okusalira ensi omusango.

1 Ebyomubyanda 27:29

Shiturai ow'e Sharoni n'eyalabiriranga ente dhe baayayiranga mu Sharoni ate Shafati mutabane wa Adulai yaalabiriranga ente edhaabanga mu biiko.

1 Ebyomubyanda 5:16

Abagadi baabanga mu kiketezo ky'e Gileadi n'eky'e Bashani, mu bibuga byayo byonabyona ni mu biketezo eby'e Sharoni byonabyona ebyalimu ebyayiro.

Zabbuli 50:2

Katonda oyo ayakaayakana ng'ali mu Sioni ekibuga ekituukiriire mu bulungi bwakyo.

Zabbuli 72:16

Emere ebenga ya mwero mu byalo; ensozi dhoonadhoona dhiidhule misiri, ebibala byagyo bibe ng'oti n'ebibala eby'omu Lebanoni. Ebibuga biidhule abantu abangi ng'oti isubi.

Zabbuli 72:19

Eriina lye ery'ekitiisa lisaakibwenga ebyanda n'ebyanda. Ekitiisa kye kiidhule ensi yoonayoona! Amiina era Amiina.

Zabbuli 89:12

Niiwe owatonda ebiri ku luuyi olw'omukono omugooda olw'e buvandhuba, n'ebiri ku luuyi olw'omukono omusaadha olw'e buvandhuba. Ensozi Tabori ni Herimoni dhisaaka eriina lyo n'eisanhu.

Zabbuli 97:6

Eby'omu igulu birangirira nga bw'ali omutuufu, abantu b'ensi dhoonadhoona baabona ekitiisa kye.

Okuvaayo 16:7

Enkyo ku nkyo mwidha kubona ekitiisa kya Musengwa Katonda, kuba awuliire bye mumwemuluguunhiaku buliidho. Okwemuluguunhia okwo tikusobola kwidha ku ife, kuba katyo ife niife baani?”

Olwembo 2:1

Nze ndi kimuli kya mu nsiko eky'e Sharoni, ndi kimera ekyetebwa eky'omu biiko.

Olwembo 7:5

Omutwe gwo guli ghaigulu bulungi ng'oti n'olusozi Karumeli. Enviiri dho dha kitiibwa ng'oti langi ya nakasooma. Obulungi bwo bwasaamiriza ni kyabazinga.

Isaia 25:9

Ku lunaku olwo balikoba bati: “Mubone, Katonda waife wuuno. Tubairenga tumuteegerera okwidha okutuwonia. Ono ni Musengwa Katonda ye tubairenga tuteegerera, mpegaano ka tusangaale era tusagambe, kuba atulokoire.”

Isaia 27:6

Mu biseera ebiri kwidha, Abaisiraeli baidhukulu ba Yakobo balisimba emizi ng'oti muti, baamulisa ekimuli, era baataaku ebibala ebiidhuza ensi.

Isaia 32:15

Aye ekiseera kirituuka, Katonda yaatuyughaku omwoyo gwe okuva ghaigulu. Olwo eribaire eirungu lyafuuka enimiro egimusa ebirime, ate ebaire enimiro egimusa ebirime yaatwalibwa okuba ng'ekibira.

Isaia 33:9

Abantu tibakaalima, eitaka liri bw'agho. Ebibira by'e Lebanoni biri kuwaagho. Ekiiko ky'e Sharoni kiri ng'oti irungu. Ate mu kiketezo ky'e Bashani ni ku lusozi Karumeli, emiti giwaawiiza amakaba.

Isaia 35:10

Abo Musengwa Katonda b'alinunula balisituka bairayo e Yerusalemu nga bemba. Baliba mu masanhu era baaba mu kusagamba enaku dhoonadhoona, ng'enaku n'okusinda biwoiregho.

Isaia 40:5

Olwo ekitiisa kya Musengwa Katonda kiryeyoleka, abantu boonaboona baakibona. Musengwa Katonda mwene n'akobye.”

Isaia 40:9

Iwe aleetera Sioni amawulire amalungi, niina ghaigulu ku lusozi oluleeyi. Iwe aleetera Yerusalemu amawulire amalungi, kangula ku mamiro, oyogere n'amaani. Okobe ab'omu bibuga by'e Buyudaaya, oti: “Mubone, Katonda waimwe wuuyo aidha!”

Isaia 41:19

Ndimeza mu irungu emiti emivule, n'emikasia, n'emyoliva, n'emiti egindi. Ndimeza mu itaka eikalu emiti emisipuressi, n'emipulane, n'emyalumugi, gyonagyona gyakulira ghalala.

Isaia 49:13

Iwe eigulu yemba olw'eisanhu, n'iwe ensi osagambe. Imwe ensozi mutimbuke mwembe enhembo; kuba Musengwa Katonda aiziiza mu bantu be amaani. Era aligemerwa ekivunika abantu be abadaazibwadaazibwa.

Isaia 6:3

Buli kitonde kyali nga kiri kukoba kiinaakyo kiti: “Musengwa Katonda Afuga Amagye mutukuvu, mutukuvu, mutukuvu. Ekitiisa kye kibunie ensi yoonayoona.”

Isaia 60:13

Abantu balireeta emiti egiva e Lebanoni, emisipuressi, emipulane, n'emyalumugi, baagizimbisa buyaaka eisinzizo lyange okuliwoomya, n'okugheesa ekibuga kyange ekitiisa.

Isaia 60:19

Omusana toidha kwetaaganga ndhuba kukumuliikirira, waire obwire okwetaaganga omwezi okukwakira. Nze Musengwa Katonda mwene, ninze nnaabanga eitaala lyo ebyanda n'ebyanda; okumesunkana okw'ekitiisa kyange kunaakwakirangaku.

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Isaia 66:10

Imwe mwenamwena abagonza Yerusalemu, musangaalire ghalala naye, era musagambe ku lulwe. Imwe mwenamwena abalira ku lulwe era abamulumirwa, mweyimbe ghalala mu isanhu lye musagambe,

Isaia 66:14

Ekyo mulikibona mwasagamba mu myoyo ni mu mibiri, mwairamu obulamu n'amaani. Era kirimanhikana nga nze Musengwa Katonda nhamba abagheereza bange abampulira, aye naasungughalira abazigu bange.”

Hosea 14:5

Ng'amaadhi bwe gagwa ku itaka eikalu ni linoga amaadhi obukalamu, zeena ntyo bwe ndigha Abaisiraeli ebirungi kamaala. Baliba ng'oti kisimbe ekimuliisa ekimuli, era baasimba emizi mu itaka, baagumiragho ng'oti miti emipopulari egy'e Lebanoni.

Habakkuku 2:14

Aye ensi eja kwidhula abantu abaidhi ekitiisa kya Musengwa Katonda ng'oti n'enhandha bw'eidhula amaadhi.

Zekaria 10:7

Olwo abantu b'omu Isiraeli baliba ng'oti n'abalwani abaziramu ntete. Era mule baliba basanhuukirivu ng'oti n'abanhweire omwenge ogw'emizabbibu. Baidhukulu baibwe bwe baliidhukiranga obughanguzi buno, balisagambanga olw'ebyo nze Musengwa Katonda bye nkoze.

Yoanne 12:41

Isaia yakoba ebyo lwa kuba yabona ekitiisa kye era yaamwogeraku.

Yoanne 17:24

Lata, kye neegomba n'okuba n'abo be wampa ghe ndi, babone ekitiisa kyange kye wampa, kuba wangonza nga n'ensi ekaali kutondebwa.

Ebikolwa by'Abatume 9:35

Abantu boonaboona ab'omu Ludda ni mu Sharoni baamubona baikiriza Musengwa.

Ab'e Roma 10:15

Era balikoberwa batya, nga ghazira batumiibwa? Nga bwe kyaghandiikibwa kiti: “Okwidha kw'abo abaleeta Amawulire Amalungi nga kusangaaza!”

Ab'e Roma 15:10

Ate kabiri ekyaghandiikibwa kikoba kiti: “Imwe abamaghanga agandi, musagambire ghalala n'abantu be.”

2 Ab'e Korintho 3:18

Era ife twenatwena bwe tutoolebwaku ekitughembye ku maiso, tubonerwamu okumesunkana kwa Musengwa ng'oti mbonerwamu. Okumesunkana okuva ye Musengwa era nga ni Mwoyo, kutufuula twafaanana nga mwene mu kumesunkana okuja nga kweyongera.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Yoshua 19:26

Allamu Meleki, Amadi ni Mishali. E bugwandhuba nga kibita ku Karumeli ni Shihori Libunathi.

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.