Isaia 35:10 - Baibuli Ekibono kya Katonda 2014

¹⁰ Abo Musengwa Katonda b'alinunula balisituka bairayo e Yerusalemu nga bemba. Baliba mu masanhu era baaba mu kusagamba enaku dhoonadhoona, ng'enaku n'okusinda biwoiregho.

Isaia 35:10 ပူးပေါင်းရင်းမြစ်များ

Zabbuli 107:2

Abo Musengwa Katonda be yanunula boona ka bakobe batyo; abo be yatoola mu buyinza bw'abazigu,

Zabbuli 126:2

Ku matama twaidhula enseko, era twayemba nga tukuba n'emizira. Agho abantu abamaghanga agandi baakoba bati: “Musengwa Katonda abakoleire ebyewuunhisa.”

Zabbuli 126:5

Abo abasiga nga balira amaziga, ka bakungule nga bakuba emizira!

Zabbuli 14:7

Katonda agwananga yaaleetagho alizaawula Isiraeli ng'ava mu Sioni! Musengwa Katonda bw'aliiriza abantu be obukombe, aba Yakobo balisagamba, aba Isiraeli baasangaala!

Zabbuli 51:8

Mpa okuwulira eisanhu n'okusagamba; oleke amagumba ge wamenhamenha gairemu okusangaala.

Zabbuli 84:7

Bwe batambula baja nga bwe beeyongera okufuna amaani; balibona Katonda asinga bakatonda mu Sioni.

Isaia 1:27

Olw'okuba Musengwa Katonda akolera ku mazima era nga mutukuvu, alinunula Yerusalemu n'abantu baamu boonaboona abeenenia.

Isaia 25:8

Musengwa Katonda alizikiriza okufa kwasaaniragho irala ebyanda n'ebyanda. Alyeya abantu be boonaboona amaziga, yaatoolagho n'okuswazibwa kwe baali nakwo mu nsi yoonayoona. Musengwa Katonda oyo mwene n'ayogeire.

Isaia 30:19

Imwe abantu ababa mu Yerusalemu, timukairamu kabiri kulira maziga. Oluliba okulira muti, nga Musengwa Katonda abagemerwa kivunika ng'awuliire okulira kwaimwe, ng'abagha kye mumusabye.

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 41:14

Musengwa Katonda Omununuzi wo era Omutukuvu wo, iwe Isiraeli ninze nkoba ati: Otatya, waire ng'oli mugoogombe era omunafu ng'oti lugereegere. Nze ndidha kukuyamba.

Isaia 41:16

Olibisensa, empewo yaabifuumuula yaabitwala, ni kiwunga yaabisansaania. Olwo waasagambira mu nze Musengwa Katonda, era wansaaka nze Omutukuvu wa Isiraeli.

Isaia 60:20

Enaku edh'okulira kwo dhiriba dhikomye. Nze Musengwa Katonda mwene, ninze nnaabanga eitaala lyo ebyanda n'ebyanda, erisinga endhuba emala n'egwa eigulo, n'omwezi ogumala ni gwirayo enkyo.

Isaia 61:7

Mulibanga mu nsi eyaimwe ku bwaimwe, obukombe bwaimwe bweyongerangaku obungi bwa mikuzi ebiri, mu kifo kyaimwe okwira agho okugemwanga obw'ensoni n'okunhoomebwa. Era eisanhu lyaimwe liribangagho ebyanda n'ebyanda.

Isaia 65:18

Aye musangaale era musagambe ebyanda n'ebyanda olw'ekyo kye ndi kutonda kuba Yerusalemu kye ndi kutonda kiriba kya kusagambiramu, n'abantu baamu baliba basangaavu.

Isaia 65:19

Nze mwene ndisangaala olwa Yerusalemu, era naasagamba olw'abantu bange abo. Tighalibaagho kabiri kukuba mpungu waire okulira amaziga.

Isaia 9:3

Oleeteire abantu okweyongera obungi mu ighanga, waabaleetera okweyongera okusangaala. Basagambira mu maiso go ng'oti bwe basagamba mu makungula, oba ng'oti n'abantu bwe basagamba nga bagabana omunhago.

Yeremia 30:19

Abantu abakibaamu balyemba enhembo edh'okwebaza, baakuba emizira nga basagamba. Ndibagha enkabi beeyongera okuba abangi nga tibakendeera naire. Abantu balibaghanga ekitiibwa aghazira kunhoomebwa.

Yeremia 33:11

emizira egy'abali mu binhumo ni mu kusagamba, n'egy'abo abali mu mbaga edh'obugole. Era oliwulira abantu abemba nga bali kuleeta ebigheebwayo olw'okwebaza mu isinzizo lyange, nga bakoba bati, ‘Mwebaze Musengwa Katonda Afuga Amagye, kuba Musengwa Katonda oyo mulungi. Okugonza kwe tikukoma, kubaagho byanda na byanda.’ Ndiizaagho ebirungi mu nsi eno, ebe nga bwe yalinga okusooka. Nze Musengwa Katonda, ninze nkobye.”

Matayo 20:28

Ng'Omwana w'Omuntu bw'ataidha kugheerezebwa aye okugheereza, n'okughaayo obulamu bwe olw'okununula abantu kamaala.”

Yoanne 16:22

Mperaano mwena muwulira, enaku aye ndidha kabiri kubabona era emyoyo gyaimwe gisagambe. Era okusagamba okwo ghazira muntu yeenayeena alikubatoolaku.

1 Timotheo 2:6

Oyo yeeghaayo olw'okununula abantu boonaboona. Ekyo kyakakasibwa mu kiseera kyakyo ekituufu.

Yuda 1:21

era mwekuumirenga mu kugonza kwa Katonda. Muteegerere Musengwa Yesu Kurisito, mu kusaasira kwe abaghe obulamu obutawaagho.

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”

Okwolekebwa 21:4

Alibeeya amaziga goonagoona mu maiso. Ghaliba tighakaali kufa, kugegenga oba kulira, oba obulumi. Kuba olwo eby'eira biriba nga byawaagho.”