Isaia 35:1 - Baibuli Ekibono kya Katonda 2014

¹ Eirungu lirisagamba, ensi enkalukalu yaamulisa ebimuli.

Isaia 35:1 ပူးပေါင်းရင်းမြစ်များ

Zabbuli 48:11

Abantu ab'oku lusozi Sioni ka basanhuke, n'ab'omu bibuga bya Yuda basagambe; kuba osala ensonga mu butuufu.

Zabbuli 96:12

Enimiro n'ebidhirimu byonabyona ka bisangaale, olwo emiti gyonagyona egy'omu kibira gyembe n'eisanhu,

Zabbuli 97:8

Ab'e Sioni bawulira era baasangaala, n'ab'omu bibuga bya Buyudaaya basagamba olw'ensala yo iwe Musengwa Katonda.

Olwembo 2:1

Nze ndi kimuli kya mu nsiko eky'e Sharoni, ndi kimera ekyetebwa eky'omu biiko.

Isaia 25:9

Ku lunaku olwo balikoba bati: “Mubone, Katonda waife wuuno. Tubairenga tumuteegerera okwidha okutuwonia. Ono ni Musengwa Katonda ye tubairenga tuteegerera, mpegaano ka tusangaale era tusagambe, kuba atulokoire.”

Isaia 27:10

Ekibuga ekyabangaku ebimante ebigumu ebikyezungulwire, mpegaano kiri bifulukwa byereere, era kirekeibwa bwagho nga kyereere ng'oti irungu. Kifuuse kyayiro ensolo mwe dhiriira nga dhikooza amakaba g'emiti, era ni dhiwuumulira omwo.

Isaia 27:6

Mu biseera ebiri kwidha, Abaisiraeli baidhukulu ba Yakobo balisimba emizi ng'oti muti, baamulisa ekimuli, era baataaku ebibala ebiidhuza ensi.

Isaia 29:17

Ekaabulayo akaseera katono, ekibaire ekibira ekizibirivu eky'e Lebanoni bakifuulemu enimiro edhigimusa ebirime, ate ebaire enimiro egimusa ebirime eiremu okuba ekibira.

Isaia 35:6

Olwo omulema alituuma ng'oti mpongo, ni kasiru yaayemba olw'eisanhu; kuba amaadhi galitimbuka mu nhindo edh'ensulo mu irungu, gaakuuluulira mu nsi eyo enkalukalu.

Isaia 4:2

Olunaku olwo bwe lulituuka, Musengwa Katonda alireetera ebimera byonabyona n'emiti okuboneka obulungi era nga bya kitiisa. N'ebibala eitaka bye liribaza biriba bikalamu, byawoomera inho abo abaliba bawoniegho mu Isiraeli.

Isaia 40:3

Ghaligho amamiro g'oyo alangirira ati: “Mutegeke Musengwa Katonda gh'anaabita mu nsi enkalukalu, mutereeze oluguudo lwa Katonda waife mu irungu.

Isaia 42:11

Eirungu n'ebibuga ebirimu ka byembere kulala nga bisaaka Katonda, n'abantu ab'e Kedari bamusaake. Abantu b'e Sela leka bakube emizira nga bali ku ngulu ku nsozi.

Isaia 43:19

Mpegaano mulingirire mubone ekiyaaka kye nja okukola. Era nakitandiseeku ira. Timuli kukibona? Nja kutema oluguudo mu irungu, era nte n'emiiga mu nsi eyo enkalukalu.

Isaia 51:3

Ndisaasira Yerusalemu n'abantu boonaboona ababa mu bifo byakyo ebyayonoonebwa. Ebiketezo byakyo eby'eirungu ndibifuula byaba ng'oti n'enimiro y'Edeni, ng'oti n'enimiro yange yeene nze mwene ye neerimira. Okusangaala n'okusagamba n'ebiribanga eyo, nga kw'otaire n'enhembo edh'okuneebaza n'okunsaaka.

Isaia 6:11

Nze naabuuza nti: “Wo Musengwa Katonda, ekyo kiriba kityo kumala kiseera ki?” Yandhiramu ati: “Okutuusa ng'ebibuga bifuuse bifulukwa, nga tibikaalimu bantu babibaamu, n'amayumba nga tigakaalimu bantu, n'ensi ng'ezikiriire okuweekereragho.

Isaia 7:21

“Olunaku olwo bwe lulituuka, omuntu ni bw'aliba ng'asigaizaagho bwa nte ndala eyonsa ento, n'entaama ibiri bubiri,

Ezekieli 36:35

Era balikoba bati, ‘Eno ensi eyali erekeibwa obwagho etyo ng'eri bifulukwa byereere, buti efuuse ng'oti n'enimiro ey'e Edeni! N'ebibuga ebyali byonooneibwa era nga byona birekeibwa bw'agho bityo nga biri bifulukwa byereere, buti birimu abantu era byezungulwirwa ebimante ebigumu!’