Isaia 34:9 - Baibuli Ekibono kya Katonda 2014

⁹ Amaadhi ag'omu miiga egy'omu Edomu galiirugala geegema ng'oti koolaasi. Eitaka lyayo lirikyuka lyafuuka buganga bwa salufa. Era ensi eyo yoonayoona erigema omuliro oguli ng'oti gwa koolaasi.

Isaia 34:9 ပူးပေါင်းရင်းမြစ်များ

Amainhama 19:28

Yaalinga e Sodoma n'e Gomorra, era ni mu biketezo eby'ekiiko yaabona omwosi nga gunioka ogugemye okuva mu biketezo ebyo, nga guli ng'oti n'omwosi ogw'oluyiira.

Yobu 18:15

Omuntu aba ng'ayenze n'eyeesulira mu ndhu eyo etakaali yiye, nga bamaze okumansiramu obuganga bwa salufa.

Zabbuli 11:6

Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

Isaia 30:33

Ekifo eky'okwokeramu kyabazinga w'e Assiria kyategekebwa ira. Ekifo ekyo kinene era kirimu olwina oluleeyi, olwidhwire enku. Musengwa Katonda alifuuwa omuuka oguli ng'oti buganga bwa salufa, gwakikunaaniaku omuliro.

Yeremia 49:13

Nze ndayira mu liina lyange mwene nti ekibuga Bozira kirifuuka ekintu ekitiisa einho, abantu baakisekerera era baakozesa eriina lyakyo ng'ekikolimo. Ebyalo byonabyona ebikiri okumpi birifuuka bifulukwa byereere eby'olubeerera. Nze Musengwa Katonda, ninze nkobye.”

Luka 17:29

aye ku lunaku Loti lwe yafuluma mu Sodoma, omuliro n'obunhota byamagalika okuva mu igulu byabazikiriza boonaboona.

Amateeka Agokubiri 29:23

Balibona ng'ensi eyo yoonayoona eyokeibwa, ng'efuuse buganga bwa salufa na muunhu. Eriba nga tekaasigibwamu kantu, ng'ezira ky'esobola kubaza era nga tekaameramu isubi. Eriba ng'ezikiriziibwa nga Sodoma ni Gomorra, era ng'Adama ni Zeboiimu, Musengwa Katonda bye yagemerwa obusungu n'ekiruyi n'abizikiriza.

Yuda 1:7

Nhenda era okubaidhusa Sodoma ni Gomorra n'ebibuga ebindi ebyali biriiraine agho, byona ebyakola ebikolwa eby'ensoni n'eby'amairu ag'abasaadha n'abakazi agatajiira ku butonde. Bino byabonerezebwa mu muliro ogutazikira, byafuuka eky'okuboneraku.

Okwolekebwa 19:20

Ekisolo kyagemebwa ghalala n'omulanzi omuguya eyakola ebyewuunhio mu maiso gaakyo. Ebyewuunhio ebyo bye yakozesa okuguya abo abaaganha okuteebwaku akamanhiso k'ekisolo era n'okusinza ekifaananie kyakyo. Ekisolo ekyo ghalala n'omulanzi omuguya, bombi baasuulibwa mu nhandha ey'omuliro n'obunhota bwa salufa nga balamu.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”