Isaia 34:7 - Baibuli Ekibono kya Katonda 2014

⁷ Abantu baliitibwa ng'oti bwa mbogo era baitibwa ng'oti bwa nte nume entototo edh'amaani. Era ensi yaibwe erisaabaana omusaayi, n'eitaka lyaibwe lyagimuka n'amasavu.

Isaia 34:7 ပူးပေါင်းရင်းမြစ်များ

Zabbuli 22:21

Mponia okuliibwa empologoma edho omponie okufulibwa n'amayiga g'embogo edho.

Zabbuli 68:30

Kaabukira ensolo edho edh'omu nsiko edhisula mu bigada; okaabukire abantu abo abaayira enume n'obuyana aghalala, era obatyankirire okutuusa lwe banaakuba amakiryaivu ni bakutonera feeza. Sansaania abantu abo abenda einho okutanula entalo.

Zabbuli 92:10

Aye nze ompaire amaani ng'oti ga mbogo nume, wansiiga omuzigo.

Isaia 63:6

Natyankatyanka mu busungu amaghanga, naagamanhiangula n'ekiruyi kyange, naayugha ku itaka omusaayi gw'abantu ogubagha obulamu.”

Yeremia 25:34

Muwowoole imwe abakulembeze, mulire amaziga. Imwe abalabirira abantu bange, mwevulunge mu nkungu. Ekiseera kituuse eky'okubaita, babasalesale ng'oti bwe baita entaama enume enungi einho.

Yeremia 46:21

N'abalwani ba Misiri abapangise boona bali bw'agho batyo, ng'oti n'ente entototo empiite ensavu, ghazira kye basobola kukola. Baalemwa okwesimbagho okulwana, boonaboona baakyuka baalumuka bulumuke; kuba olunaku lwaibwe olw'okubonerezebwa lwali lutuuse, era nga n'olunaku lwaibwe olw'okuzikirira.

Yeremia 50:11

Musengwa Katonda akoba ati: “Imwe abantu b'omu nsi Babilonia, mwanhagulula eighanga lyange. Muli basangaavu era muli kusagambya, ng'oti n'ente ento bw'etuumiratuumira mu isubi, era muli kugufula ng'oti mbalaasi nume.

Yeremia 50:27

Mugeme abalwani baayo boonaboona, ab'amaani ng'oti gate galume, muje mubaite. Abantu ab'e Babilonia bakagwireku, kuba ekiseera kyaibwe eky'okubabonereza kituuse.”

Ezekieli 32:6

Ndiyugha omusaayi gwo mu nsi, gwaboza ensozi dhaatoonha butoonhe, era gwaidhula ni mu miiga.

Ezekieli 39:17

Musengwa Katonda yankoba ati: “Iwe omuntu, koba enhonhi edha buli nsambo n'ensolo dhoonadhoona edh'omu nsiko, dheesoloze okuva woonawoona dhiidhe ku kibinuko eky'omusengo kye nja okudhitegekera. Kiriba ekibinuko eky'omusengo ekikologho ku nsozi edh'omu Isiraeli. Dhirirya emamba, dhaanhwa n'omusaayi.

Ezekieli 39:18

Dhirirya emamba ey'abalwani ab'amaani, dhaanhwa n'omusaayi ogw'abafuzi b'ensi, ng'oti gwa ntaama nume na ntaama nto, oba ng'oti gwa mbuzi na gwa nte nume nga dhoonadhoona baadhipiitira e Bashani.

Okubala 23:22

Beesiga Katonda oyo eyabatoola mu Misiri, ng'oti n'embogo bweyeesiga amayiga gaayo.

Okubala 24:8

Beesiga Katonda oyo eyabatoola mu Misiri ng'oti n'embogo bweyeesiga amayiga gaayo. Baidha kweyangagho amaghanga ag'abazigu baibwe, bamenhemenhenga amagumba gaibwe, babafumitenga n'obulaso bwaibwe.

Amateeka Agokubiri 33:17

Yosefu ali n'amaani ng'oti ga nte nume, n'amayiga ng'oti ga mbogo. Amayiga ago, n'enkumi n'enkumi edh'abalwani Abamanasse, era n'emitwalo n'emitwalo egy'abalwani Abaefuraimu. Amayiga ago aligakozesa okufula amaghanga, yaagasindiikiriza okugatuusa ensi y'ekoma.”