Isaia 34:6 - Baibuli Ekibono kya Katonda 2014

⁶ Empiima ya Musengwa Katonda erisaabaana omusaayi n'amasavu eby'abantu, yaaba ng'oti bw'esaabaana omusaayi n'amasavu eby'entaama ento n'embuzi, edhimugheebwa ng'emisengo. Musengwa Katonda mwene n'alighaayo omusengo ogwo e Bozira, ng'aita abantu kamaala inho mu nsi Edomu.

Isaia 34:6 ပူးပေါင်းရင်းမြစ်များ

2 Samueli 1:22

Akalaso ka Yonathani tikairanga, nga tikasaabaine musaayi gwa bafiire era nga tikafumiite masavu ga b'amaani; n'empiima ya Saulo tiyairiranga agho bwereere.

1 Ebyomubyanda 1:44

Bela bwe yafa, Yobabu mutabane wa Zera ow'e Bozira yaamusikira ku bwakyabazinga.

Zabbuli 137:7

Wo Musengwa Katonda, idhukira Abaedomu kye baakola ku lunaku Abababilonia lwe baagema Yerusalemu. Baakobanga bati: “Mu kisaaniegho kyonakyona. Mutuukire irala ku musingi!”

Isaia 29:2

memale mbabonereze. Abantu baliwowoola amaziga baanakughala, era ekibuga ekyo kiriba ng'oti alutaari yeene, nga kisaabaine omusaayi.

Isaia 34:5

Musengwa Katonda ng'ali eyo mu igulu, ategeike empiima ye, era eidha kwidha eike ku Edomu, esobole okwita abo boonaboona b'asaliire ogw'okuzikirizibwa.

Isaia 63:1

“Naani oyo ali kuviira mu kibuga Bozira eky'omu nsi Edomu ng'ali mu ngoye edh'erangi ya kasaayisaayi? Naani oyo ali kutoonha mu bivaalo bye eby'ebitiibwa, ali kukumba n'obukumu n'amaani atyo?” “Ninze Musengwa Katonda ali n'obuyinza obw'okulokola, era ndi kwidha okulangirira obughanguzi bwange.”

Isaia 63:3

Musengwa Katonda airamu ati: “Natyankirira amaghanga zenka ng'oti n'ole atyanka emizabbibu mu kikunhiro, aye mu bantu mwaloba kubaamu anhambaku. Nagatyankirira n'obusungu bwange, omusaayi gwago gwasambukira ku bivaalo byange byonabyona, byaidhula ebimyamya

Isaia 65:12

Imwe muliitirwa mu ntalo mwatirimbulwa kuba bwe nabeeta timwanvugira waire okufaayo okuwulirisa bye nkoba. Aye mwakola ebibi ye ndi, mwalondagho okukola ebitansangaaza.

Yeremia 12:12

Abanhazi babisebise mu nsozi dhoonadhoona edh'omu irungu edhiziraku kantu. Nze Musengwa Katonda nsindiike olutalo okuzikiriza ensi eyo yoonayoona. Era ghazira muntu ali mu miraala.

Yeremia 25:34

Muwowoole imwe abakulembeze, mulire amaziga. Imwe abalabirira abantu bange, mwevulunge mu nkungu. Ekiseera kituuse eky'okubaita, babasalesale ng'oti bwe baita entaama enume enungi einho.

Yeremia 46:10

Luno n'olunaku lwa Musengwa Katonda afuga Amagye, olunaku olw'okwesasuuza nga yeesasuuliza ku bazigu be. Empiima ye eja kubalya eigute, era enhwe omusaayi gwaibwe okutuusa ku nkooye; kuba Musengwa Katonda oyo Afuga Amagye aja kubaghaayo ng'oti musengo, ere mu nsi eri ku luuyi olw'omukono omugooda olw'e buvandhuba kumpi n'omwiga Eufurate.

Yeremia 49:13

Nze ndayira mu liina lyange mwene nti ekibuga Bozira kirifuuka ekintu ekitiisa einho, abantu baakisekerera era baakozesa eriina lyakyo ng'ekikolimo. Ebyalo byonabyona ebikiri okumpi birifuuka bifulukwa byereere eby'olubeerera. Nze Musengwa Katonda, ninze nkobye.”

Yeremia 49:7

Bino Musengwa Katonda Afuga Amagye bye yakoba ku nsi Edomu, ati: “Abantu ab'omu Temani eky'omu nsi Edomu tibakaalimu magezi? Abawi b'amagezi tibakaabakobera kya kukola? Obwo amagezi gabaweereiremu irala?

Yeremia 50:27

Mugeme abalwani baayo boonaboona, ab'amaani ng'oti gate galume, muje mubaite. Abantu ab'e Babilonia bakagwireku, kuba ekiseera kyaibwe eky'okubabonereza kituuse.”

Yeremia 51:40

Ndibatwala okubaita nga bali ng'oti bwa nsolo mpiite edh'omu maka. Nze Musengwa Katonda, ninze nkobye.”

Ezekieli 21:10

Bagighagaire kutirimbula, baagizigula emyanse ng'oti lukuba. “Kale tighasobola kubaagho kusagamba, kuba abantu bange banhoomye buli kibonerezo, ghalala n'okulabulwa kwonakwona.

Ezekieli 35:15

ng'oti niiwe bwe wasagamba nga Isiraeli, ensi yange, erekeibwa agho etyo ng'eri bifulukwa byereere. Olusozi Seiri ndidha kulukolaku n'ensi Edomu yoonayoona ngikoleku, birekebwe agho bityo nga biri bifulukwa byereere. Olwo balimanha nga ninze Musengwa Katonda.”

Ezekieli 35:8

Ndiidhuza ensozi emirambo gy'abantu abaitiibwa mu lutalo, gyaidhula ni ku busozi, ni mu biiko, era ni mu bwinhamo.

Amosi 1:11

Musengwa Katonda akoba ati: “Abantu ab'e Edomu bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baayiiga baganda baibwe Abaisiraeli, baabaita aghazira kusaasira naire. Era obusungu bwaibwe bwaloba kukendeeraku naire, aye baabusiba ku mwoyo enaku dhoonadhoona.

Zefania 1:7

Musiriikirire aghali Musengwa Katonda, kuba olunaku lwe luli kumpi kutuuka. Musengwa Katonda ategeike okughaayo abantu be basalibwe ng'oti musengo, era amaze n'okweta abageni abaja okukola omukolo ogwo.

Amateeka Agokubiri 32:14

Ente dhaibwe dhaabagha omuzigo, n'embuzi dhaibwe dhaabagha amata. Baazaaza entaama ensavu einho, baafuna engaano enungi einho, baakunha omwenge ogw'emizabbibu omuka oguwooma.

Amateeka Agokubiri 32:41

ndidha kubangula empiima yange emesunkana, ngikozese okuleetagho enkola entuufu. Ndidha kwesasuuliza ku bazigu bange, mbonereze abo abankyagha.