Isaia 34:4 - Baibuli Ekibono kya Katonda 2014

⁴ Endhuba n'omwezi n'emuunienie, birighanuka ku igulu byagwa, eigulu lyazingibwaku ng'oti nzingo ya kitabo. Eby'oku igulu byonabyona birimagala, ng'oti n'amakaba bwe gava ku muzabbibu oba ku mutiini, ni gagwa.

Isaia 34:4 ပူးပေါင်းရင်းမြစ်များ

Isaia 13:10

Emuunienie edha buli nsambo ku igulu dhirirekera agho okwaka, endhuba yaagema enzikiiza ng'eri kuvaayo, n'omwezi gwaloba kwaka.

Isaia 13:13

Ku lunaku nze Musengwa Katonda Afuga Amagye lwe ndiragiraku obusungu obubitirivu, ndidhugumiza eigulu, n'ensi yaaseetuka okuva mu kifo kyayo.

Isaia 14:12

Iwe emuunienie eyaka einho ku nkyo, oghanwike ku igulu waagwa! Iwe eyaghangulanga amaghanga, buti osuuliibwa ku itaka!

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Yoeli 2:10

Bwe dhiba dhiidha, ensi yeesunda n'eigulu lyatengeeta. Endhuba n'omwezi biirugala, n'emuunienie dhaalekera okwaka.

Yoeli 3:15

Endhuba n'omwezi biirugaire, n'emuunienie dhaalekera okwaka.

Matayo 24:29

“Okudaagadaaga okw'enaku edho nga kwakawa, endhuba eriirugala, omwezi guliroba okwaka, emuunienie dhirimagalika okuva mu igulu, n'amaani ag'omu igulu galitengeesebwa.

Matayo 24:35

Eigulu n'ensi biriwaagho aye ebibono byange tibiriwaagho.

Abaheburayi 12:27

Okukoba ati: “Ndidha kwiramu”, kitegeeza okutoolwagho ku ebyo ebitengeesebwa n'ebyo ebyatondebwa, memale olwo ebitatengeesebwa bisigalegho.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.

Okwolekebwa 6:12

Entaama Ento bwe yakakampula akamanhiso akomukaaga, naja okulinga nti nga mbona musisi ow'amaani, n'endhuba ng'eirugala ng'oti kisiriiza, n'omwezi gwonagwona nga gumyuka ng'oti musaayi.

Okwolekebwa 8:12

Malaika owokuna yafuuwa eigwala lye. Ekitundu kirala kirala ku buli bitundu bisatu eby'endhuba, n'ekitundu kirala kirala ku buli bitundu bisatu eby'omwezi, n'ekitundu kirala kirala ku buli bitundu bisatu eby'emuunienie byakubwa; olwo kyaba nti ekitundu kirala kirala ku buli bitundu bisatu eby'obutangaavu bwabyo kyafuuka nzikiiza. Ekitundu kirala kirala ku buli bitundu bisatu eby'olunaku, n'ekitundu kirala kirala ku buli bitundu bisatu eby'obwire, byaba nzikiiza.