Isaia 34:3 - Baibuli Ekibono kya Katonda 2014

³ Abantu abaliitibwa tibaliziikibwa, aye balisigala bw'agho ekiwunha kyagema woonawoona, n'ensozi dhaakuuluula bwa musaayi gwaibwe.

Isaia 34:3 ပူးပေါင်းရင်းမြစ်များ

Isaia 10:4

Muliba nga muzira kindi kya kukola okutoolaku okutwalibwa mu busibe, oba okwitibwa mu lutalo. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 34:7

Abantu baliitibwa ng'oti bwa mbogo era baitibwa ng'oti bwa nte nume entototo edh'amaani. Era ensi yaibwe erisaabaana omusaayi, n'eitaka lyaibwe lyagimuka n'amasavu.

Isaia 66:24

Bwe balibanga bavaayo, baliringanga ku mirambo egy'abantu abandheemera, kuba enhengere edhibalya tidhirifa, n'omuliro ogubookya tigulizikira, era baliba kyenhinhalwa eri abantu boonaboona.”

Yeremia 22:19

Balimuziika nga bwe baziika endogoyi: balimukwekwebya bukwekwebye, baamusuula kuliya kw'emiryango gya Yerusalemu.”

Yeremia 25:33

“Ku lunaku olwo, emirambo gy'abo Musengwa Katonda b'aliita, girisansaanira woonawoona okuva ensi y'eva okutuuka y'ekanga. Abantu abo tighalibaagho abalira waire atoolagho mirambo gyaibwe kuja kugiziika. Balisigala agho ku itaka ng'oti mmungo dha busa.

Ezekieli 14:19

“Oba bwe nsindika endwaire ya kawumpuli mu nsi eyo, ni ngimaliraku obusungu bwange okwita abantu n'ensolo okumaliriragho,

Ezekieli 32:4

Ndi kusuula eyo mu nsiko, naaleeta enhonhi dhoonadhoona dhaakwebungaku dhaakumoodhogola, n'ensolo dhoonadhoona edh'oku nsi dhaakukankamira.

Ezekieli 35:6

Agho ni, nze Musengwa Katonda ndayira nti nga bwendi omulamu, nkutegekeire kwitibwa era tolikuwona naire, kuba oli n'omusango ogw'obutemo.

Ezekieli 38:22

Ndimubonereza n'endwaire ya kawumpuli n'okutemulagana. Era mwene, n'eigye lye, n'abalwani abava mu maghanga agandi kamaala abaliba aghalala naye, ndibasindikira amaadhi ag'omwidhuzo, ni kiwunga alimu amabaale g'omugozi, n'omuliro, n'obunhota bwa salufa.

Ezekieli 39:11

Musengwa Katonda era akoba ati: “Ebyo byonabyona bwe birimala okubaagho, ndigha Gogi ekifo eky'okumuziikamu mu Isiraeli, nga bakyeta Ekiiko eky'Abatambuze. Kiriba ku luuyi olw'e buvandhuba olw'enhandha, era kirireetera ekifo ekyo obutabitangamu batambuze. Omwo mwe baliziika Gogi n'eigye lye lyonalyona, era kye baliva ni bakyeta Ekiiko eky'Eigye lya Gogi.

Ezekieli 39:4

Era iwe mwene, n'eigye lyo lyonalyona, n'abalwani abava mu maghanga agandi abaliba aghalala n'iwe, muligwa ku nsozi edh'omu Isiraeli. Olwo naaghaayo emirambo gyaimwe eri enhonhi edh'oku nsozi n'ensolo edh'omu nsiko, dhaagikankamira.

Yoeli 2:20

Ndidha kutoolagho eigye ery'enzige edhaava ku luuyi olw'omukono omugooda olw'e buvandhuba. Edhindi ndidha kudhibingira mu irungu ezira bantu: edho edhiri mu bikunsu ebikulembeiremu ndidha kudhisindika mu Nhandha Eyomuunhu. Ate edho edhiri mu bikunsu eby'einhuma ndidha kudhisindika mu Nhandha Eyaghagati. Ndidhizikiriza olw'ebibi bye dhaabakola, era emirambo gyadho giriwunha inho.

Amosi 4:10

“Era ninze eyabasindikira ebibamba okubagwaku, ng'ebyo ebyagwa ku Bamisiri. Naita abaisuka baimwe mu lutalo era abazigu baaja n'embalaasi dhaimwe. Era naidhuza enhindo dhaimwe ekivundu eky'emirambo woonawoona ghe mwasimba weema dhaimwe. Aye era mwaloba okwira ye ndi.

Nahumu 3:3

Ab'oku mbalaasi bali kulumba ng'empiima dhaibwe dhiri kumyansa era nga n'amafumo gaibwe gali kumirimiinha. Emirambo giri kugwa mmungo na mmungo, era abalwani bali kuja nga bagyekontolaku.

Okwolekebwa 14:20

Emizabbibu gyakunhirwa mu ikunhiro kuliya kw'ekibuga, mwavaamu omusaayi gwakuuluula ng'amagulu ag'embalaasi eyemereire gabuliramu, gwakuuluula kilo mita ng'ebikumi bisatu (300).