Isaia 34:2 - Baibuli Ekibono kya Katonda 2014

² Musengwa Katonda asungughaliire amaghanga goonagoona, yaasungughalira n'amagye gaago goonagoona, era yaagaghaayo y'abazigu bagazikirize goonagoona.

Isaia 34:2 ပူးပေါင်းရင်းမြစ်များ

Zabbuli 2:5

Agho nga yeenayeena adhuunie abadhuuka, mu busungu obutiisa einho yaabakoba

Okuvaayo 8:14

Baabibunga byavaamu emungo kamaala, ekiwunha kyaidhula Misiri.

Isaia 10:5

Musengwa Katonda yaakoba ati: “Assiria, n'omwigo gwe ngema nga nsungughaire, gwe nkozesa okubonereza abo be ndiku n'ekiruyi.

Isaia 13:5

Bava mu maghanga ag'eghala ere ensi y'ekanga. Musengwa Katonda ali kwidha n'obusungu okuzikiriza ensi yoonayoona.

Isaia 13:6

Muwowoole amaziga kuba olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Isaia 26:20

Mwidhe imwe abantu bange, mwingire mu ndhu dhaimwe, mweigalize mwegise omwo okumala akaseera, okutuusa obusungu bwa Katonda lwe buliwaagho.

Isaia 30:25

Ku lunaku ebimante ebigumu eby'abazigu baimwe lwe birigemwa era abazigu ni baitibwa kamaala, amaadhi amangi galiba gakuuluula nga gava ku nsozi dhoonadhoona endeeyi ni ku busozi bwonabwona obugulumivu.

Isaia 61:2

Yantuma okulangirira nti ekiseera kituuse, Musengwa Katonda agemerwe abantu be ekivunika, era yeesasuulize ku bazigu baibwe. Era yantuma okugumya abo boonaboona abalira olw'okuba mu nnaku.

Isaia 63:6

Natyankatyanka mu busungu amaghanga, naagamanhiangula n'ekiruyi kyange, naayugha ku itaka omusaayi gw'abantu ogubagha obulamu.”

Isaia 65:12

Imwe muliitirwa mu ntalo mwatirimbulwa kuba bwe nabeeta timwanvugira waire okufaayo okuwulirisa bye nkoba. Aye mwakola ebibi ye ndi, mwalondagho okukola ebitansangaaza.

Isaia 66:14

Ekyo mulikibona mwasagamba mu myoyo ni mu mibiri, mwairamu obulamu n'amaani. Era kirimanhikana nga nze Musengwa Katonda nhamba abagheereza bange abampulira, aye naasungughalira abazigu bange.”

Isaia 66:16

Musengwa Katonda alibonereza abantu boonaboona ng'akozesa muliro na mpiima, era abo b'aliita baliba kamaala.

Yeremia 25:31

Amamiro ge baligawulira eyo yoonayoona ensi y'ekanga, kuba ghaligho omusango Musengwa Katonda oyo gw'avunaana amaghanga. Aliwozesa abantu boonaboona, yaabaghaayo baabaita.’ ”

Yeremia 25:32

Musengwa Katonda Afuga Amagye akoba ati: “Bona, akabi kali kwidhira amaghanga irala ku irala, nga kava ku lino kaaja ku lire. Kiwunga ow'amaani ali kusiikuuka ere eghala ensi y'ekanga.

Yeremia 25:33

“Ku lunaku olwo, emirambo gy'abo Musengwa Katonda b'aliita, girisansaanira woonawoona okuva ensi y'eva okutuuka y'ekanga. Abantu abo tighalibaagho abalira waire atoolagho mirambo gyaibwe kuja kugiziika. Balisigala agho ku itaka ng'oti mmungo dha busa.

Ezekieli 36:5

“Nze Musengwa Katonda kyenva ni nkoba nti ndi kwogeza busungu bwereere eri amaghanga goonagoona, n'okusingira irala Edomu, olw'enkikidi ye ndi nayo ku lw'abantu bange. Amaghanga ago gaanhaga ensi yange gaagifuula eyaago ku bwago, era gaaginhagulula mu masanhu amangi n'obunhoomi obubitirivu.

Zefania 3:8

Musengwa Katonda akoba ati: “Kale ni muteegerere olunaku lwe ndyesimbagho okugha obudhulizi obulumiriza amaghanga ebibi bye gakola. Nsazeegho okusololeza aghalala amaghanga n'obwakyabazinga, mbamalireku ekiruyi kyange kyonakyona kuba obusungu bwange obuli ng'oti muliro, obuva ku nkikidi ye ndi nayo ku bantu bange, buja kuzikiriza ensi yoonayoona.

Zekaria 14:3

Agho Musengwa Katonda alimala yaalumba amaghanga ago, yaagalwanisa ng'oti bwe yalwana mu ntalo edhaabita.

Ab'e Roma 1:18

Katonda alaga obusungu bwe okuva mu igulu ku bantu abatamutya era abakozi b'ebibi abataganha mazima kuboneka olw'ebikolwa byaibwe ebibi.

Yoshua 11:20

Musengwa Katonda n'eyaleeteranga abantu abo, okukanaghala ni balwana n'Abaisiraeli. Olwo basalirwe omusango gubasinge, era bazikirizibwe aghazira kusaasirwa, nga Musengwa Katonda bwe yalagira Musa.

Okwolekebwa 20:15

Era kiisi muntu eyayagaanibwa ng'eriina lye tiryaghandiikibwa mu kitabo kya bulamu, yaasuulibwa mu nhandha ey'omuliro.

Okwolekebwa 20:9

Balisaatuukira mu nsi yoonayoona, baazingiza enkambi y'abatuukirivu, n'ekibuga kya Katonda ekigonzi. Aye omuliro guliika nga guva mu igulu, gwabazikiriza