Isaia 34:17 - Baibuli Ekibono kya Katonda 2014

¹⁷ Musengwa Katonda n'alibigabaniamu ensi eyo, yaabisimbira n'ebiroowa ku bitundu byabyo. Ensi eyo eriba yaabyo ense n'ense, era birigibangamu ebyanda n'ebyanda.

Isaia 34:17 ပူးပေါင်းရင်းမြစ်များ

Zabbuli 78:55

Kiisi ghe baatuukanga, yaabingangagho abatyamye baagho ensi yaibwe yaagigabania mu bika bya Isiraeli, n'amaka gaibwe yaagagha abantu be Abaisiraeli.

Isaia 17:13

Amaghanga gali kuyoolooka ng'oti n'enhandha eri kwefuukuula. Aye Musengwa Katonda aligadhuuka budhuuke gaalumukagho. Galiba ng'oti bikaba ku lusozi empewo by'efuuwa, era ng'oti n'enkungu eri kwezungululira mu mpewo ey'amaani.

Isaia 17:14

Eigulo balireetagho okutya okungi, aye bulija okukya enkyo nga babuzeegho. Ebyo n'ebituuka ku abo abatutoolaku ebyaife, era ogwo n'omugabo gw'abo abanhagulula ensi yaife.

Isaia 34:10

Omuliro ogwo tigulizikira omusana n'obwire, era guliniokanga omwosi lubeerera. Ensi eyo erifuuka bifulukwa ebyanda n'ebyanda, era ghazira muntu aliirayo kugibitamu kabiri.

Isaia 34:11

Ebiwigulu n'amakoova n'enhonhi edhindi, n'ebirifuuka byenemu okubanga omwo. Musengwa Katonda alireeta mu nsi eyo okutabukatabuka, yaaleetera n'abakungu baayo okufuuka ng'oti bintuntu eyo bityo ebitakaali na mugaso naire.

Yeremia 13:25

Musengwa Katonda oyo akobye ati ekyo n'ekija okubatuukaku. Ekyo ky'asazeegho okubakola, kuba mwamwerabira, mwesiga bakatonda ab'obuguya.

Ebikolwa by'Abatume 13:19

Yaazikiriza amaghanga omusanvu agaali mu nsi ey'e Kanaani, yaabagha ensi eyo okuba obutaka bwaibwe,

Ebikolwa by'Abatume 17:26

Mu muntu omulala Katonda ye yatonda, n'omwava amaghanga goonagoona ag'abantu agabunia ensi. Yasooka okubateeragho ebiseera ebigere, n'ensalo edh'ebifo mwe banaabanga.

Amateeka Agokubiri 32:9

Yalondamu aba Yakobo yaabafuula babe, baaba bantu be ku bubwe.

Yoshua 18:8

Kale abasaadha abo be baalonda baatoolera olugendo lwaibwe okuja okughandiika Yoshua bye yabakoba. Yoshua era yaabakoba ati: “Muje mukebere bukalamu nga mughandiika ebifa ku kiketezo ekyo, memale mwidhe munkobere. Nze ndidha kubakubira obululu mu maiso ga Musengwa Katonda ghano e Shilo.”