Isaia 34:16 - Baibuli Ekibono kya Katonda 2014

¹⁶ Mwagaaze mu kitabo kya Musengwa Katonda, musomemu mubone: Mwidha kuzuula nga ku bitonde ebyo tikulibaaku waire ekirala kiti ekitaliba eyo. Era tighalibaagho kisaadha kitaliba na kiinaakyo ekikazi. Musengwa Katonda mwene n'eyalagira bibe bityo, era mwene oyo n'alibisolokeza aghalala.

Isaia 34:16 ပူးပေါင်းရင်းမြစ်များ

Amainhama 6:17

kuba bona, ndidha kuleeta omwidhuzo gw'amaadhi ku nsi guzikirize kiisi kiri na bulamu ekiri ghansi gh'eigulu. Buli kintu ku nsi kiidha kufa.

Zabbuli 33:6

Musengwa Katonda yalagira eigulu lyakolebwa; ebiririmu byonabyona byakolebwa olw'ekibono kye.

Zabbuli 33:9

kuba yayogera bwogere ensi yaabaagho, yaalagira bulagire buli kintu kyabaagho.

Ensambo 23:12

Oisanga omwoyo ku bye bakugalagira, era waawulirisanga eby'amagezi bye bakwegeresa.

Isaia 1:20

Aye bwe munaadheemanga obudheeme, mwidha kwitibwanga bwitibwe. Nze Musengwa Katonda, ninze ndhogeire.”

Isaia 14:31

Imwe Abafilisiti ababa mu bibuga, mulire amaziga! Imwe Abafilisiti mwenamwena, mutekemuke mutye! Enkungu eri ng'oti kire eri kuva ku luuyi olw'omukono omugooda olw'e buvandhuba; eryo nga n'eigye ly'abazigu eriziramu mulwani adhugumira waire omulala ati.

Isaia 21:17

Waire ng'abalasi b'obusaale Abakedari n'abasinga okuba abalwani ab'amaani, aye abalisigalagho baliba batono. Nze Musengwa Katonda wa Isiraeli, ntyo bwe nkobye.”

Isaia 30:8

“Ebyo ja obighandiike ku kipande nga babona, era obighandiike mu kitabo, bibenga obudhulizi obw'olubeerera obukakasa obubi bw'abantu bano.

Isaia 40:26

Mulinge ghaigulu mubone! Naani eyatonda ebyo ebiri ku igulu? Ni Katonda omulala oyo abiduumira ng'oti igye, n'ayeta buli kirala eriina lyakyo. Era nga bw'ali omukologho ow'amaani agataloodheka, ghaziragho waire ekirala kiti ku ebyo ekitabaagho ng'ayese.

Isaia 40:5

Olwo ekitiisa kya Musengwa Katonda kiryeyoleka, abantu boonaboona baakibona. Musengwa Katonda mwene n'akobye.”

Isaia 58:14

olwo mulifuna eisanhu eriva mu kumpeereza nze Musengwa Katonda. Ndireetera abantu b'ensi dhoonadhoona okubatangamu imwe ekinhagansi, era imwe ndibagha ensi ye nagha dhaadha waimwe Yakobo, yaaba butaka bwaimwe. Nze Musengwa Katonda, ninze nkobye.”

Danieli 10:21

Aye ndidha kukukobera ebyaghandiikibwa mu kitabo ekirimu eby'amazima. Ezira anhambaku kulwanisa bamalaika abo, okutoolaku Mikaeli, malaika oyo omukuumi w'ensi yaimwe Isiraeli.

Amosi 3:7

Mu butuufu bwene, ghazira Musengwa Katonda ky'akola mu kyama nga takyoleike bagheereza be abalanzi.

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Malaki 3:16

Agho abantu abaalaga nga batya Musengwa Katonda, baayogeramuuku beene na beene. Musengwa Katonda yaabawulirisa era yaawulira bye baakoba. Era agho mu maiso ga Musengwa Katonda oyo, ghaabaagho ekitabo ekyaghandiikibwamu amaina g'abo abaalaga nga bamutya era nga bamutaamu ekitiisa.

Matayo 5:18

Bwenebwene mbakobera nti, okutuusa ng'eigulu n'ensi biwoiregho, enukuta endala waire akatoonheze akalala, tibiridibizibwa mu Mateeka, okutuusa nga byonabyona bibairegho.

Luka 21:33

Eigulu n'ensi bija kuwaagho, aye ebibono byange tibija kuwaagho.

Yoanne 10:35

Oba nga abo Katonda be yagha ekibono kye yabeeta bakatonda, ate nga Ebyaghandiikibwa tibisobola kudiba,

Yoanne 5:39

“Mwagaaza mu Byaghandiikibwa nga mudhuuba muti mu ebyo mwe munaafunira obulamu obutawaagho, ate nga Ebyaghandiikibwa byene ebyo bindhulira,

Amateeka Agokubiri 31:21

Ekiseera bwekirituuka, ebizibu n'okudaazibwadaazibwa okungi ni bibaidhira, olwembo luno lwidha kwembebwanga lube omudhulizi abalumiriza, kuba ni baidhukulu baimwe tibalirwerabira naire. Ni mpegaano, nga nkaali kubatwala mu nsi ye nasuubiza okubagha, ndidhi bukalamu kye bali kudhuuba okukola.”

Yoshua 1:8

Ebiri mu kitabo kino eky'Amateeka bitakuvanga ku munwa. Bisomenga omusana n'obwire era ng'ogondera byonabyona ebyaghandiikibwamu. Olwo ebintu byonabyona biidha kukujiiranga bukalamu ng'ezira kikulema.

2 Petero 1:19

Tuja nga tweyongera okukakasa ebibono abalanzi bye baakoba. Mubitengaku omwoyo, kuba biri ng'oti n'eitaala eryaka mu nzikiiza okutuusa obwire lwe bulikya, emuunienie ey'oku nkyo n'evaayo, n'eyakira mu myoyo gyaimwe.