Isaia 34:10 - Baibuli Ekibono kya Katonda 2014

¹⁰ Omuliro ogwo tigulizikira omusana n'obwire, era guliniokanga omwosi lubeerera. Ensi eyo erifuuka bifulukwa ebyanda n'ebyanda, era ghazira muntu aliirayo kugibitamu kabiri.

Isaia 34:10 ပူးပေါင်းရင်းမြစ်များ

Isaia 1:31

Ab'amaani baliba ng'oti isubi ikalu, ate ebibi bye bakola byaba ng'oti nnimi dha muliro, olwo baliyiira ghalala nabyo, era ghaabulagho n'omuntu asobola okulobera okuzikirizibwa kwaibwe.

Isaia 13:20

Tikiriiramu kabiri kubaamu bantu. Tighalibaagho Muwarabu asimbayo weema, waire okubaagho omwayi ayayirayo ebyayo bye.

Isaia 24:1

Bona, Musengwa Katonda alyonoonayonoona ensi eno yaagireka ng'eri bw'agho etyo aligifunhafunha yaaleetera abagibaamu okusansaana.

Isaia 34:17

Musengwa Katonda n'alibigabaniamu ensi eyo, yaabisimbira n'ebiroowa ku bitundu byabyo. Ensi eyo eriba yaabyo ense n'ense, era birigibangamu ebyanda n'ebyanda.

Isaia 66:24

Bwe balibanga bavaayo, baliringanga ku mirambo egy'abantu abandheemera, kuba enhengere edhibalya tidhirifa, n'omuliro ogubookya tigulizikira, era baliba kyenhinhalwa eri abantu boonaboona.”

Yeremia 49:18

Nga Sodoma ni Gomorra bwe baabizikiriza aghalala n'ebibuga ebyali agho okumpi nabyo, n'ensi Edomu etyo bwe baligizikiriza, yaaloba kwiramu kubangamu bantu. Nze Musengwa Katonda, ninze nkobye.

Yeremia 7:20

Kale ni bona eno, obusungu bwange n'ekiruyi kyange ndidha kubimalira ku kifo kino, ni ku bantu, ni ku nsolo, ni ku miti, ni ku birime, ng'oti n'omuliro omuntu gw'atasobola kuzikiza.”

Ezekieli 29:11

Ezira kigere kya muntu waire kya nsolo ekiribita omwo. Ensi Misiri erisigala agho ng'eziramu muntu agibaamu okumala emyaka amakumi ana (40).

Nahumu 2:10

Nineve kizikiriire, kirekeibwa agho kityo, era kiwolongeire. Abantu emyoyo gyabawaamu ira, amagulu gabadhugumira budhugumire, mu mikono muzira maani, n'ensaya dhaabalekuka.

Okwolekebwa 18:18

Bwe balibona omwosi ng'ali kuya baliwowoigana bati: “Ghaali ghabaireghooku ekibuga ekikologho ng'oti ni kino.”

Okwolekebwa 19:3

Kabiri baakoba bati: “Musaake Katonda waife! Omwosi oguva ku malaaya gwa kunioka ebyanda n'ebyanda.”