Isaia 34:1 - Baibuli Ekibono kya Katonda 2014

¹ Imwe abantu ab'amaghanga goonagoona museete kumpi. Abantu mwenamwena mutege amatu muwulire. Iwe ensi idha owulirise, ghalala n'ebikulimu byonabyona.

Isaia 34:1 ပူးပေါင်းရင်းမြစ်များ

Amainhama 6:13

Katonda yaakoba Noa ati: “Nsazeegho okuzikiriza abantu boonaboona, kuba baleeteire ensi okwidhula ebikolwa byaibwe eby'obukambwe.

Zabbuli 24:1

Ensi ya Musengwa Katonda n'ebigiriku byonabyona; n'Abantu boonaboona abali ku nsi ba Musengwa Katonda;

Zabbuli 50:1

Musengwa Katonda Aghanga Ebintu Byonabyona, ayogera ng'ayeta abantu boonaboona okuva endhuba y'eva okutuuka y'egwa.

Zabbuli 96:10

Mukobere amaghanga goonagoona muti: “Musengwa Katonda ni Kyabazinga! Ensi kyeva n'eba engumu mu kifo kyayo, ni ghabula ekisobola okugiseseetula. Aja kusalira abantu omusango nga tasaliriza.”

Isaia 1:2

“Iwe eigulu wulira n'iwe ensi tega kutu, muwulirise bye nkoba. Abaana be nalera ni nkuza, bandheemeire.

Isaia 18:3

Mubakobe muti, ‘Imwe abantu mwenamwena abali mu nsi, mwekalirisenga mubone nga bendera esimbiibwa ku lusozi, era mutegenga kutu muwulire ng'eigwala lifuuye.’

Isaia 33:13

Imwe mwenamwena ab'okumpi n'ab'eghala, muwulire bye nkoze, mukakase nga ndi n'obuyinza.”

Isaia 41:1

Katonda akoba ati: “Musirike imwe ab'omu biketezo eby'oku nhandha, muwulirise kye nkoba. Abantu abamaghanga ka bairemu amaani buyaaka, baseete beewozeeku. Ka baseete tube ghalala omusango gusalwe.

Isaia 43:9

Mwete abantu abamaghanga goonagoona beesololeze ghalala. Naani ku bakatonda baibwe asobola okulanga ebiribaagho, n'atukobera n'ebyaligho eira? Baleete obudhulizi bwaibwe obukakasa nga batuufu, era obudhulizi obwo n'obube bukakase amazima agali mu ebyo bye boogera.

Isaia 48:16

Museete ghe ndi muwulire kino: Okuviira irala mu mainhama n'okutuusa mpegaano, tyogerangaku mu kyama. Era bye ndhogera bimala byatuusa ekiseera byabaagho. Mpegaano Musengwa Katonda antumye n'amaani ag'omwoyo gwe.

Isaia 49:1

Imwe ebiketezo eby'oku nhandha muwulirise kye nkoba, imwe amaghanga agali eyo e ghala mumpulirise. Musengwa Katonda yandheta nga nkaali na kuzaalibwa, yaanonda nga nkaali na mu nda ya maama, mbe mugheereza we.

Isaia 63:1

“Naani oyo ali kuviira mu kibuga Bozira eky'omu nsi Edomu ng'ali mu ngoye edh'erangi ya kasaayisaayi? Naani oyo ali kutoonha mu bivaalo bye eby'ebitiibwa, ali kukumba n'obukumu n'amaani atyo?” “Ninze Musengwa Katonda ali n'obuyinza obw'okulokola, era ndi kwidha okulangirira obughanguzi bwange.”

Yeremia 22:29

Iwe nsi, iwe ensi, ensi yaife, wulira Musengwa Katonda bw'akoba, ati:

Yeremia 49:7

Bino Musengwa Katonda Afuga Amagye bye yakoba ku nsi Edomu, ati: “Abantu ab'omu Temani eky'omu nsi Edomu tibakaalimu magezi? Abawi b'amagezi tibakaabakobera kya kukola? Obwo amagezi gabaweereiremu irala?

Ezekieli 38:17

Nze Musengwa Katonda nkukakasa nti: Niiwe ye nayogeraku mu biseera eby'eira nga mbita mu bagheereza bange abalanzi ab'omu Isiraeli, baamala emyaka kamaala nga balanga bati ndikusindika waabalumba.”

Obadia 1:1

Buno n'obukwenda Musengwa Katonda bwe yatuma Obadia okulanga, nga bugema ku ighanga ly'Abaedomu. Obukwenda bukoba buti: Twawulira amawulire okuva ye Musengwa Katonda. Era ghaligho omukwenda eyatumwa okuja ng'abitabita mu maghanga ng'akoba ati, “Mwetegeke tuje tulumbe Edomu.”

1 Ab'e Korintho 10:26

kuba ebyaghandiikibwa bikoba biti: “Ensi n'ebigirimu byonabyona bya Musengwa.”

Amateeka Agokubiri 32:1

“Iwe eigulu, ntegera kutu ndhogere, n'iwe ensi, wulirisa bye nkoba.

Amateeka Agokubiri 4:26

Ndayira olwaleero eri eigulu n'ensi, babe abadhulizi bange ababalumiriza, nti bwe muligeza ni mwekolera ebisinzibwa ebitali Katonda, mulizikirira mangu, mwasaanagho mu nsi ye muli kumpi okwingiramu okutwala, ere nga musomoike omwiga Yorudani. Timuligibaamu ntangama ndeeyi, aye mulizikirira mwasaanagho.

Okwolekebwa 2:7

“Ali n'amatu, awulire Mwoyo ky'akoba Ebikunsu eby'Abaikiriza mu Kurisito. Oyo aghangula, ndimuganha okulya ku muti ogw'obulamu oguli mu kifo kya Katonda eky'okwesiima.

Abalamuzi 5:3

Muwulire imwe bakyabazinga, mutege amatu imwe abafuzi; ndidha kwembera Musengwa Katonda, Katonda wa Isiraeli, olwembo.

Abalamuzi 5:31

“Wo Musengwa Katonda, abazigu bo batyo bwe bagwaniire okuzikiriranga boonaboona. Aye abakugonza boonaboona bagwaniire kumesunkananga, ng'oti n'endhuba eri kuvaayo.” Agho ensi yaabaamu emiraala okumala emyaka amakumi ana.