Isaia 33:9 - Baibuli Ekibono kya Katonda 2014

⁹ Abantu tibakaalima, eitaka liri bw'agho. Ebibira by'e Lebanoni biri kuwaagho. Ekiiko ky'e Sharoni kiri ng'oti irungu. Ate mu kiketezo ky'e Bashani ni ku lusozi Karumeli, emiti giwaawiiza amakaba.

Isaia 33:9 ပူးပေါင်းရင်းမြစ်များ

Yobu 15:33

Aliba ng'oti muzabbibu ogukunkumusa ebibala byagwo ebikaali kwenga; era ng'oti muti mwoliva ogukunkumusa ekimuli.

Olwembo 2:1

Nze ndi kimuli kya mu nsiko eky'e Sharoni, ndi kimera ekyetebwa eky'omu biiko.

Isaia 10:34

Musengwa Katonda alibatema n'empasa ng'oti n'atema emiti mu kibira ghagati, n'agwisa n'emiti emirungi egy'e Lebanoni.

Isaia 14:8

Emiti emisipuressi gisagambya olw'okugwa kwo iwe kyabazinga w'e Babilonia, n'emivule gy'e Lebanoni gyakoba giti, ‘Kasookanga agwa tighakaaligho atutema!’

Isaia 2:13

Musengwa Katonda alizikiriza emiti emivule gyonagyona egy'e Lebanoni egyaleegherera ni gigungumala, era yaazikiriza n'emiti emikologho gyonagyona egy'e Bashani.

Isaia 24:1

Bona, Musengwa Katonda alyonoonayonoona ensi eno yaagireka ng'eri bw'agho etyo aligifunhafunha yaaleetera abagibaamu okusansaana.

Isaia 29:2

memale mbabonereze. Abantu baliwowoola amaziga baanakughala, era ekibuga ekyo kiriba ng'oti alutaari yeene, nga kisaabaine omusaayi.

Isaia 3:26

Endhigi dha Yerusalemu dhiriwowoola amaziga, dhaagegenga. Ate ekibuga Yerusalemu kyene kiriba ng'oti n'omukazi enaku y'ekubye, n'atyama obwagho ku itaka amadu.

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 37:24

Otumye abakwenda bo okuneesuutiraku nze Musengwa Katonda, nga bakoba nga bwe wakozesa ebigaali byo eby'omu lutalo, n'oghangula ensozi dhoonadhoona endeeyi edh'omu Lebanoni. Weesuuta ng'eyo bwe watemayo emivule egisinga obuleeyi, era waatemayo n'emiti emisipuressi egisinga bulungi. Waakoba nga bwe waingirira irala mu bibira, mu kitundu ekisinga kuba kizibirivu.

Isaia 65:10

Balinsinzizanga e Sharoni era baatwalanga ebyayo byaibwe, baabyayira mu biketezo eby'e Sharoni eyo, ate byawuumuliranga mu kyetebwa Ekiiko eky'Ebizibu.

Yeremia 50:19

Ndiizaayo Abaisiraeli mu nsi yaibwe, baalya emere erimwa ku lusozi Karumeli, ni mu kiketezo ky'e Bashani. Era balirya nga bwe benda, ku bibala ebirimwa mu kiketezo kya Efuraimu ni mu kya Gileadi.

Hosea 4:3

Kale ni ensi eno erikala, na buli kiramu ekigiriku kyafa. Ensolo edh'omu nsiko, n'enhonhi edhiguluka, n'ebyenhandha, byonabyona birifa.

Amosi 1:2

Amosi yakoba ati: “Musengwa Katonda awologoma ku lusozi Sioni, era yaakaabuka mu Yerusalemu. Ebyayiro abaayi mwe baayira bikala, n'eisubi ku lusozi Karumeli lyawotoka.”

Mika 7:14

Wo Musengwa Katonda, ife abantu bo be weerondera okuba ababo ku bubwo, tulabirire ng'omwayi bw'agema omwigo n'alabirira entaama dhe. Waire tuli eyo twenka mu irungu, aye ensi etwezungulwire ngimu. Tuleke tuje tukozese ebiketezo by'e Bashani n'e Gileadi ebigimu obulungi nga bwe twakolanga eira.

Nahumu 1:4

Alagira enhandha yaakala, era akaliiza emiiga. Olwo emisiri egy'e Bashani gyawotoka, ate n'egy'oku lusozi Karumeli gyakala era n'ebimuli eby'oku nsozi edh'e Lebanoni byona byakala.

Ebikolwa by'Abatume 9:35

Abantu boonaboona ab'omu Ludda ni mu Sharoni baamubona baikiriza Musengwa.

Amateeka Agokubiri 3:4

Twanhaga ebyali ebibuga bye byonabyona mu biseera ebyo. Ghazira kibuga waire ekirala kye tutaanhaga. Byonabyona aghalala byali ebibuga nkaaga. Ebibuga ebyo n'ebyali eby'omu kiketezo kyonakyona eky'e Arugobu, era n'ebyali obwakyabazinga bwa Ogi oyo mu Bashani.