Isaia 33:8 - Baibuli Ekibono kya Katonda 2014

⁸ Enguudo tidhikaabitikamu kuba dhitiisa, abatambuze abaadhibitangamu baawaayo. Endagaano kamaala dhimenheibwa, n'ebibuga byanhoomebwa. Era tighakaali ateebwamu kinhagansi.

Isaia 33:8 ပူးပေါင်းရင်းမြစ်များ

Zabbuli 10:5

Omukozi w'ebibi kiisi ky'agemaku kimulamira. Tafaayo ku nsambo Katonda y'asaliramu bantu misango, era abazigu be ababona ng'omuzira kantu.

Isaia 24:5

Abantu boonoine ensi nga bava ku mateeka ga Musengwa Katonda, baadheemera ebiragiro bye, era baamenha endagaano ye etawaagho.

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Isaia 36:1

Mu mwaka ogweikumi n'ena (14) nga kyabazinga Hezekia n'afuga Buyudaaya, Sennakeribu kyabazinga w'e Assiria yalumba ebibuga byonabyona ebya Buyudaaya ebyezungulwirwa ebimante ebigumu, yaabighangula.

Okulira 1:4

N'enguudo edhingira mu kibuga ekyo Sioni dhirira bulire, kuba abantu tibakaidha ku mbaga dha bibinuko bya kusinza Katonda ebyalagirwa. Emiryango gyakyo giwuubaire, ghazira akaabitamu. Bakabona baamu bali mu nnaku. Abaghala baamu abaayembanga bali agho badaaga budaage. Ekibuga kyonakyona kiri mu bulumi obutaloodheka.

Abalevi 26:22

Ndidha kusindikanga ensolo edh'omu nsiko, dhiite abaana baimwe era dhizikirize ebyayo byaimwe. Dhinaabakendeezanga obungi, engira dhaimwe dhaawolongera dhaazika.

Abalamuzi 19:17

Omusaadha omukaire oyo yaja okulinga ati, ng'abona omubise ole, mu luya olw'ekibuga. Yaamukoba ati: “Ova gha? Era oja gha?”

Abalamuzi 5:6

Mu byanda bya Shamugari mutabane wa Anathi, mu biseera bya Yaeli, ababise baalekera okubita mu nguudo, n'abatambuze baabitanga eyo mu masokolosokolo.

1 Samueli 17:10

Omufilisiti oyo era yaakoba ati: “Olwaleero ndi kusonsoonia eigye lya Isiraeli. Mumpe omuntu nwane naye.”

1 Samueli 17:26

Daudi yaabuuza abantu abaali beemereire okumpi naye, ati: “Kiki kye baja okukolera omuntu anaita Omufilisiti oyo, n'atoola ku Isiraeli ekyobeera ekyo? Obwo katyo Omufilisiti oyo atali mukekete naani, yeena okunhooma eigye lya Katonda omulamu?”